ભુવનેશ્વર : હોકી વર્લ્ડ કપમાં આજે બે મેચ રમાશે. ભુવનેશ્વરના કલિંગા સ્ટેડિયમમાં સાંજે 4:30 વાગ્યે મલેશિયા અને સ્પેન વચ્ચે પ્રથમ ક્રોસઓવર મેચ રમાશે. ભારત અને ન્યુઝીલેન્ડ વચ્ચે બીજી મેચ કલિંગા સ્ટેડિયમમાં સાંજે 7 વાગ્યે રમાશે. વર્લ્ડ કપમાં અત્યાર સુધી 24 મેચ રમાઈ છે. વર્લ્ડ કપમાં મલેશિયા અને સ્પેન વચ્ચે રમાનારી 25મી મેચમાં જે જીતશે તે ક્વાર્ટર ફાઇનલમાં લડશે. તે જ સમયે, વર્લ્ડ કપની 26મી મેચમાં ભારતે ક્વાર્ટર ફાઇનલમાં પહોંચવા માટે ન્યૂઝીલેન્ડને હરાવવું પડશે.
મલેશિયા vs સ્પેન હેડ ટુ હેડ : મલેશિયા અને સ્પેન વચ્ચે અત્યાર સુધી 18 મેચ રમાઈ છે જેમાં સ્પેનનો હાથ ઉપર છે. સ્પેને 13 મેચ જીતી છે જ્યારે મલેશિયાએ ત્રણ મેચ જીતી છે. બંને વચ્ચે બે મેચ ડ્રો રહી છે. બંને વચ્ચે છેલ્લી મેચ 1 ઓગસ્ટ, 2019ના રોજ થઈ હતી, જેમાં સ્પેને મલેશિયાને 4-3થી હરાવ્યું હતું. વર્લ્ડ કપમાં બંને ટીમો પાંચ વખત સામસામે આવી ચુકી છે. આ મેચોમાંથી મલેશિયાએ ત્રણ અને સ્પેને એક મેચ જીતી છે, જ્યારે એક મેચ ડ્રો રહી છે. બંને વચ્ચે વર્લ્ડ કપની આ છઠ્ઠી મેચ છે.
આ પણ વાંચો : Hockey World Cup 2023 : વર્લ્ડ કપમાં ગોલની થઈ વરસાદ, મેચ દીઠ આટલા થયા ગોલ
મલેશિયા ટીમ : એડ્રિયન આલ્બર્ટ, હાફિઝુદ્દીન ઓથમાન, હસન નજીબ, રાઝી રહીમ, રોઝાલી રમઝાન, જલીલ મરહાન, હમસારી અશરાન, સરી ફૈઝલ, મુહમ્મદ અમીનુદ્દીન, અશરી ફિરાન, શેલો સિલ્વેરીયસ, ફૈઝ જાલી, હસન અઝુઆન, સુમન્ત્રી નૂરફિક, નઝમી જાઝલાન, શાહરીલ સબાલ મિઝુન ઝુલ પીદૌસ, અઝહર અમીનુલ. અવેજી ખીલાડી: તેંગકુ, શાહમી સુહાઈમી, કોચ: અરુલ એન્થોની.
સ્પેન ટીમ : એન્ડ્રેસ રફી, અલેજાન્ડ્રો એલોન્સો, સેઝર કુરીલ, ઝેવી ગિસ્પર્ટ, બોર્જા લેકેલે, અલવારો ઇગ્લેસિઆસ, ઇગ્નાસિયો રોડ્રિગ્ઝ, એનરિક ગોન્ઝાલેઝ, ગેરાર્ડ ક્લેપ્સ, એન્ડ્રેસ રફી, જોર્ડી બોનાસ્ટ્રે, જોઆક્વિન મેનીની, મારિયો મેરેક, મારિયો મેરેક, મેરિક , પેપે ક્યુનિલ , માર્ક રિકસેન્સ , પાઉ ક્યુનિલ , માર્ક વિઝકેનો.અવેજી ખીલાડી: રાફેલ વિલાલોન્ગા, પેરે અમાત, કોચ: મેક્સ કેલ્ડાસ.