આજના જ દિવસે યુવરાજે બ્રોડની ઓવરમાં 6 સિક્સ ફટકારીને ઇંગ્લેન્ડની ટીમના ઉડાવ્યા હતા હોશ, બનાવ્યો હતો આ વર્લ્ડ રેકોર્ડ

author img

By

Published : Sep 19, 2021, 4:51 PM IST

ક્રિકેટના ઇતિહાસમાં આજનો દિવસ ખાસ છે

ક્રિકેટના ઇતિહાસમાં આજનો દિવસ ખાસ છે. આજના જ દિવસે 19 સપ્ટેમ્બર 2007 એ યુવરાજ સિંહે ટી 20 વર્લ્ડ કપમાં ડબરનના મેદાનમાં ઇંગ્લેન્ડ સામે 6 બોલમાં 6 સિક્સ ફટકારી હતી.

  • ટી 20 આંતરરાષ્ટ્રીયના ઇતિહાસમાં આ સૌથી ઝડપી અર્ધસદી છે
  • યુવરાજ સિંહે ટી 20 વર્લ્ડ કપમાં ઇંગ્લેન્ડ સામે 6 બોલમાં 6 સિક્સ ફટકારી હતી
  • ક્રિકેટના ઇતિહાસમાં આજનો દિવસ ખાસ છે

નવી દિલ્હી: ભારતીય ક્રિકેટ જગતનો એક એવો ખેલાડી જે સિક્સર કિંગના નામથી ઓળખાય છે, નામ છે યુવરાજ સિંહ(યૂવી). આજના દિવસે જ યુવરાજ સિંહે એ કારનામું બતાવ્યું હતું, જેને ક્રિકેટ પ્રેમી હંમેશા યાદ રાખશે.

મેચમાં યુવરાજ સિંહે એન્ડ્રુ ફ્લિન્ટોફ સાથેની દલીલ બાદ ઝડપી બોલર સ્ટુઅર્ટ બ્રોડને નિશાન બનાવ્યો હતો

તારીખ 19 સપ્ટેમ્બર, 2007, દક્ષિણ આફ્રિકાનું ડરબન ગ્રાઉન્ડ. ટી 20 વર્લ્ડ કપમાં ભારત અને ઈંગ્લેન્ડની ટીમ સામસામે હતી. આ મેચમાં યુવરાજ સિંહે એન્ડ્રુ ફ્લિન્ટોફ સાથેની દલીલ બાદ ઝડપી બોલર સ્ટુઅર્ટ બ્રોડને નિશાન બનાવ્યો હતો. યુવીએ બ્રોડની આ ઓવરમાં એક પછી એક છ હાઈરાઈઝ સિક્સર ફટકારી હતી. અને સિક્સરના વરસાદથી પોતાનો ગુસ્સો શાંત કર્યો. સિક્સર જોઇ સ્ટેડિયમમાં હાજર હજારો દર્શકો યુવી-યુવી નારા લગાવી રહ્યા હતા. પોતાની જ્વલંત ઇનિંગમાં યુવીએ 12 બોલમાં અડધી સદી પૂરી કરીને ઇતિહાસ રચ્યો હતો. યુવીનો આ રેકોર્ડ આજે પણ અકબંધ છે.

યુવરાજ સિંહે સ્ટુઅર્ટ બ્રોડના પ્રથમ બોલને કાઉ કોર્નર પરથી માર્યો

યુવરાજ સિંહે સ્ટુઅર્ટ બ્રોડના પ્રથમ બોલને કાઉ કોર્નર પરથી માર્યો. બોલ સીધો સ્ટેડિયમમાંથી બહાર ચાલ્યો ગયો હતો. ઓવરની આ પ્રથમ સિક્સ 111 મીટરની લંબાઇની હતી. ત્યારબાદ બ્રોડે આગામી બોલ યુવરાજના પગમાં નાખ્યો. યુવરાજે અહીં શાનદાર ફ્લિક શોટ રમ્યો હતો અને બોલ બેકવર્ડ સ્ક્વેર લેગ ઉપર ગયો હતો અને ઓવરની બીજી સિક્સ નોંધાઈ હતી.

સ્ટુઅર્ટ બ્રોડે ત્રીજા બોલને લોઅર ફુલ ટોસમાં નાખી

સ્ટુઅર્ટ બ્રોડે ત્રીજા બોલને લોઅર ફુલ ટોસમાં નાખી. યુવરાજે સ્ટમ્પની લાઇન પર આવતા આ બોલને રમ્યો અને તેને વધારાના કવર પર રમ્યો. આ રીતે તેણે સતત ત્રીજી સિક્સર ફટકારી હતી. સ્ટુઅર્ટ બ્રોડે ચોથા બેલમાં એકવાર ફરી રાઉન્ડ ધ વિકેટ બોલીંગ કરવાનો નિર્ણય કર્યો, જેવો તેણે પ્રથમ બોલમાં કર્યો હતો. યુવરાજે ઉભા-ઉભા તેને બેકવર્ડ પોઇન્ટ ઉપરથી રમ્યો અને ચોથી સિક્સ મારી હતી.

પાંચમી સિક્સ પછી સ્ટેડિયમમાં જશ્નનનો માહોલ હતો

સતત ચાર સિક્સ લગાવ્યા બાદ બ્રોડે ફરી ઓવર ધ વિકેટ બોલીંગ કરવાનો નિર્ણય કર્યો. યુવરાજે આ વખતે એક ઘૂંટણને જમીન પર ટેકવ્યો અને બોલને મિડવિકેટ ઉપર રમ્યો. પાંચમી સિક્સ પછી સ્ટેડિયમમાં જશ્નનનો માહોલ હતો. ઓવરનો અંતિમ બોલ બ્રોડે થોડો લાંબો નાખ્યો જે બલ્લેની રેન્જમાં હતો. યુવરાજે આ વાઇડ મિડ ઓનની ઉપરથી રમ્યો અને 6 બોલમાં 6 સિક્સ પુરી કરી. પોતાની આ આતિશી પારીમાં યુવરાડે રેકોર્ડ કાયમ કરી દીધો. આ રીતે યુવરાજે 12 બોલમાં છ છગ્ગાની મદદથી 50 રન પૂરા કર્યા. ટી 20 આંતરરાષ્ટ્રીયના ઇતિહાસમાં આ સૌથી ઝડપી અર્ધસદી છે. યુવરાજે કુલ 16 બોલમાં 58 રનની ઝડપી ઇનિંગ રમી હતી.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.