સુરત: પોલીસે રવિવારે જણાવ્યું હતું કે, વિશ્વ હિન્દુ પરિષદના (VHP) કાર્યકરો ગુજરાતના સુરત શહેરમાં એક મૂવી થિયેટરમાં ઘૂસી ગયા હતા અને શાહરૂખ ખાન અભિનીત ફિલ્મ "પઠાણ" ના પોસ્ટરો ફાડી નાખ્યા હતા. એક અધિકારીએ જણાવ્યું કે, રમખાણોના આરોપમાં પાંચ કાર્યકરોની ધરપકડ કરવામાં આવી છે. 'બેશરમ રંગ' ગીતમાં દીપિકા પાદુકોણને ભગવા બિકીનીમાં બતાવવા બદલ 'પઠાણ'ને આકરા પ્રત્યાઘાતો પડી રહ્યા છે. વિશ્વ હિન્દુ પરિષદ સહિત ઘણા નેતાઓએ 25 જાન્યુઆરીએ રિલીઝ થનારી ફિલ્મ પર પ્રતિબંધ મૂકવાની માંગ કરી છે.

આ પણ વાંચો: સાઉથના આ સુપરસ્ટાર્સના એક જાહેરાત માટેનો ચાર્જ જાણીને ચક્કર આવી જશે

'પઠાણ'ના પોસ્ટર ફાટ્યા: સુરતના રાંદેર વિસ્તારમાં આવેલા રૂપાલી સિનેમામાં શનિવારે સાંજે આ ઘટના બની હતી. પોલીસ ઇન્સ્પેક્ટર એ.એસ. સોનારાએ જણાવ્યું હતું કે, "અમને રૂપાલી સિનેમામાં ફિલ્મ 'પઠાણ'ના પોસ્ટર ફાડી રહેલા લોકોના જૂથ અંગે માહિતી મળી હતી. અમે તેમાંથી પાંચની ધરપકડ કરી હતી અને તેમની સામે રમખાણોનો કેસ દાખલ કર્યો હતો. તેમણે જણાવ્યું હતું કે, ભારતીય દંડ સંહિતા (IPC)ની કલમો હેઠળ ગેરકાયદેસર એસેમ્બલી, ઇરાદાપૂર્વક અપમાન અને ગુનાહિત ધાકધમકી સાથે સંબંધિત કલમો હેઠળ કેસ નોંધવામાં આવ્યો હતો.

આ પણ વાંચો: kl Rahul-Athiya Shetty Seremony: કેએલ રાહુલ-આથિયા શેટ્ટીએ ધૂમ મચાવી

સેન્સર બોર્ડ દ્વારા મંજૂરી: તાજેતરમાં, ગુજરાતમાં મલ્ટિપ્લેક્સ માલિકો ગૃહ રાજ્ય પ્રધાન હર્ષ સંઘવીને મળ્યા હતા, જેમણે અસામાજિક તત્વો સામે થિયેટરોને પોલીસ સુરક્ષા પૂરી પાડવાની ખાતરી આપી હતી. MoS સંઘવીને લખેલા પત્રમાં, ગુજરાતના મલ્ટિપ્લેક્સ એસોસિએશને જણાવ્યું હતું કે, "ફિલ્મ વિશે કોઈને પણ આરક્ષણ અથવા વાંધો હોય તે માટે યોગ્ય મંચ કાં તો સત્તાવાર સત્તાવાળાઓ અથવા ભારત સરકાર અથવા કોર્ટ હશે. કારણ કે, ફિલ્મને સેન્સર બોર્ડ દ્વારા મંજૂરી આપવામાં આવી છે. એવા ઘણા જૂથો છે જે "તેમની પોતાની સમજણ અને એજન્ડાના આધારે સિનેમા પ્રદર્શકોને ગેરકાયદેસર રીતે નિશાન બનાવી રહ્યા છે. જોકે, આ પહેલા પણ સેન્સર બોર્ડમાંથી એવા આદેશ આપવામાં આવેલા હતા કે, ફિલ્મમાં કેટલાક સીનમાં ફેરફાર કરવો જરૂરી છે. જોકે, હકીકત એ પણ સ્વીકારવી પડે કે, ફિલ્મ રીલિઝ થાય એ પહેલા પોસ્ટરમાં કેટલાક ફેરફાર કરાયા હતા.