મુંબઈઃ રૂપિયો નવા રેકોર્ડ નીચલા સ્તરે પહોંચ્યો છે. ડોલર સામે રૂપિયો સૌથી નીચી (Rupee hits fresh record low) સપાટીએ પહોંચી ગયો છે. તે 25 પૈસા (opens 25 paisa lower) ઘટીને 81.09 રૂપિયા પ્રતિ ડોલર પર પહોંચી ગયો છે. ડોલર સામે રૂપિયો અત્યાર સુધીના સૌથી નીચા સ્તરે પહોંચ્યો હોવાનું પ્રથમ વખત જોવા મળ્યું છે. ડોલર સામે રૂપિયો 81ના સ્તરને પાર કરી ગયો છે. શુક્રવારે ડોલર સામે રૂપિયો તેના સૌથી નીચા સ્તરે ખુલ્યો હતો. રૂપિયો પ્રથમ વખત પ્રતિ ડોલર 81ના સ્તરને પાર કરી ગયો છે. આ પહેલા ગુરુવારે ડોલર સામે રૂપિયો ભારે ઘટાડા સાથે 80.86 ના સ્તર પર બંધ થયો હતો. ગુરુવારે રૂપિયામાં થયેલો ઘટાડો 24 ફેબ્રુઆરી પછીનો સૌથી મોટો ઘટાડો હતો.
વ્યાજદરમાં વધારો: ગુરુવારે યુએસ સેન્ટ્રલ બેંક ફેડરલ રિઝર્વ દ્વારા વ્યાજદરમાં વધારો કરવાના અને કડક વલણ જાળવી રાખવાના સ્પષ્ટ સંકેતે રોકાણકારોના સેન્ટિમેન્ટને અસર કરી હતી, જેના કારણે ગુરુવારે યુએસ ડોલર સામે રૂપિયો 83 પૈસા ઘટીને 80.79 પર બંધ થયો હતો. તે સર્વકાલીન નીચું છે.
સ્થાનિક શેરબજારમાં ઘટાડો: ફોરેક્સ ટ્રેડર્સે જણાવ્યું હતું કે, ફેડરલ રિઝર્વના વ્યાજદરમાં વધારો કર્યો હતો અને યુક્રેનમાં ભૌગોલિક રાજકીય તણાવમાં વધારો કર્યો હોવાથી રોકાણકારો જોખમ લેવા માટે અચકાતા હતા. વિદેશી બજારોમાં યુએસ ચલણની મજબૂતાઈ, સ્થાનિક શેરબજારમાં ઘટાડો અને કાચા તેલના ભાવમાં વધારો પણ રૂપિયા પર અસર કરી રહ્યો છે. ઇન્ટરબેંક ફોરેન એક્સચેન્જ માર્કેટમાં રૂપિયો 80.27 પર ખુલ્યો હતો. દિવસના ટ્રેડિંગ દરમિયાન રૂપિયો વધુ ઘટીને 80.95ની સર્વકાલીન નીચી સપાટીએ પહોંચ્યો હતો. અંતે, તે 80.79 પર બંધ થયો, જે અગાઉના બંધ ભાવની સામે 83 પૈસાનો ઘટાડો દર્શાવે છે.
ડૉલરની મજબૂતાઈ : બુધવારે ડોલર સામે રૂપિયો 79.96 ના સ્તર પર બંધ થયો હતો. યુએસ ફેડરલ રિઝર્વે વ્યાજ દરોમાં 0.75 ટકાનો વધારો કર્યો છે. ફોરેક્સ ટ્રેડર્સનું કહેવું છે કે, હવે તમામ ફોકસ બેન્ક ઓફ જાપાન અને બેન્ક ઓફ ઈંગ્લેન્ડની મોનેટરી પોલિસી પર રહેશે. ડૉલર ઇન્ડેક્સ, જે છ મુખ્ય કરન્સી સામે ડૉલરની મજબૂતાઈને માપે છે, તે 0.38 ટકા વધીને 110.06 પર પહોંચ્યો હતો. HDFC સિક્યોરિટીઝના રિસર્ચ એનાલિસ્ટ દિલીપ પરમારે જણાવ્યું હતું કે, ફેડરલ રિઝર્વ દ્વારા આક્રમક વલણ અને રશિયા અને યુક્રેન વચ્ચેના ભૌગોલિક રાજકીય તણાવમાં વધુ વધારો થવાને કારણે મુખ્ય ચલણો સામે ડોલરમાં વધારો થયો છે.
ડોલર સામે રૂપિયો ગગડ્યો: પરમારે જણાવ્યું હતું કે, ઘરેલું અર્થતંત્ર મજબૂત થયા પછી પણ રૂપિયાના અવમૂલ્યનનું વર્તમાન વલણ ચાલુ રહી શકે છે. મોતીલાલ ઓસ્વાલ ફાઇનાન્શિયલ સર્વિસિસના ફોરેક્સ અને બુલિયન એનાલિસ્ટ ગૌરાંગ સોમૈયાએ જણાવ્યું હતું કે, ફેડરલ રિઝર્વ દ્વારા વ્યાજદરમાં 0.75 ટકાનો વધારો કર્યા બાદ યુએસ ડોલર સામે રૂપિયો નવા સ્તરે ગગડ્યો હતો.
શેરનું વેચાણ: ડૉલર 20 વર્ષની ઊંચી સપાટીએ પહોંચ્યો છે, કારણ કે ફેડએ તેની આગામી સમીક્ષામાં મોટા વધારાના સંકેત આપ્યા છે. ફેડરલ રિઝર્વના નવા અંદાજો દર્શાવે છે કે, વર્ષના અંત સુધીમાં તેનો વ્યાજ દર વધીને 4.4 ટકા થશે. રૂપિયાની જેમ અન્ય એશિયન કરન્સી પણ રેકોર્ડ નીચી સપાટીએ પહોંચી છે. શેરબજારના આંકડા અનુસાર, બુધવારે વિદેશી સંસ્થાકીય રોકાણકારોએ રૂપિયા 461.04 કરોડના શેરનું વેચાણ કર્યું હતું.
