નવી દિલ્હી : રોનાલ્ડો સિંહે બુધવારે એશિયન ટ્રેક ચેમ્પિયનશિપના અંતિમ દિવસે સિનિયર સ્પ્રિન્ટ ઈવેન્ટમાં બીજા સ્થાને રહીને ઈતિહાસ રચ્યો(Ronaldo Singh at Asian Track Cycling Championship) હતો. તે કોન્ટિનેંટલ ટુર્નામેન્ટમાં સિલ્વર મેડલ જીતનાર પ્રથમ ભારતીય સાઈકલ સવાર બન્યો(Ronaldo Singh wins silver) છે. રોનાલ્ડોની સિદ્ધિ એ કોન્ટિનેંટલ ચેમ્પિયનશિપમાં ભારતીય સાઇકલ સવારનું સર્વશ્રેષ્ઠ પ્રદર્શન છે. બુધવારે, તેણે અનુભવી જાપાની ખેલાડી કેન્ટો યામાસાકીને સખત પડકાર આપ્યો હતો. પરંતુ તે માત્ર બીજા સ્થાને રહી શક્યો હતો. યામાસાકીએ પોડિયમમાં ટોચ પર રહેવા માટે ક્રમિક રેસમાં રોનાલ્ડોને પાછળ છોડી દીધો હતો. આ ઈવેન્ટમાં કઝાકિસ્તાનના આન્દ્રે ચુગેએ બ્રોન્ઝ મેડલ જીત્યો હતો.
આ પણ વાંચો - દિનેશ કાર્તિક ICC T20 વર્લ્ડ કપ માટે ઓસ્ટ્રેલિયા સામે લડશે : ગાવસ્કર
એશિયન ચેમ્પિયનશિપમાં સિલ્વર મેડળ - સાયકલિંગ ફેડરેશન ઓફ ઈન્ડિયાના અધ્યક્ષ ઓંકાર સિંહે કહ્યું કે, એશિયન ચેમ્પિયનશિપમાં ભારતીય માટે આ પહેલો સિલ્વર મેડલ છે. આપણા ઈતિહાસમાં કોઈ ભારતીયે ગોલ્ડ મેડલ જીત્યો નથી, તેથી સિલ્વર મેડલ જીતવો એ ખંડીય ચેમ્પિયનશિપમાં ભારતીય દ્વારા શ્રેષ્ઠ પ્રદર્શન છે. સિંહે એશિયન સાયકલિંગ કોન્ફેડરેશનના જનરલ સેક્રેટરી પણ છે. ચેમ્પિયનશિપમાં રોનાલ્ડોનો આ ત્રીજો મેડલ હતો. તેણે અગાઉ 1 કિમી ટાઈમ ટ્રાયલ અને ટીમ સ્પ્રિન્ટ ઈવેન્ટ્સમાં બ્રોન્ઝ મેડલ જીત્યો હતો.
આ પણ વાંચો - India vs England Test : પ્રેક્ટિસ મેચ પહેલા સાથી ખેલાડીઓને કોહલીનું 'ટીમ ટોક'
સેમિફાઇનલમાં કઝાકિસ્તાનના આન્દ્રે ચુગેને હરાવ્યો - સવારે રોનાલ્ડોએ સેમિફાઇનલમાં કઝાકિસ્તાનના આન્દ્રે ચુગેને હરાવ્યો હતો. આ ભારતીય પ્રથમ રેસમાં હાર્યો હતો પરંતુ પછીની બે રેસ જીતીને પાછો ફર્યો હતો અને ફાઇનલમાં પ્રવેશ કર્યો હતો. રોનાલ્ડોએ કહ્યું કે, મારા મનમાં ગોલ્ડ મેડલ હતો. પરંતુ તેમ છતાં હું ખુશ છું કારણ કે, આ મારો પહેલો સિલ્વર મેડલ છે. આ મારી કારકિર્દીનું સર્વશ્રેષ્ઠ પ્રદર્શન છે. દરેક ટૂર્નામેન્ટમાં મારી ટેકનિકમાં સુધારો થયો છે, તે સૌથી મહત્વની બાબત છે.
200 મીટરમાં રેકોર્ડ બનાવ્યો - મંગળવારે, વર્લ્ડ જુનિયર ચેમ્પિયન અને એશિયન રેકોર્ડ ધારક રોનાલ્ડોએ 200 મીટર ફ્લાઈંગ ટાઈમ ટ્રાયલમાં રાષ્ટ્રીય રેકોર્ડ બનાવ્યો અને પુરુષોની એલિટ સ્પ્રિન્ટ રેસ ઈવેન્ટની સેમિફાઈનલમાં પ્રવેશ કર્યો હતો. હોમ ટીમે અંતિમ દિવસે એક સિલ્વર અને બે બ્રોન્ઝ મેડલ જીત્યા હતા. ભારતીય જુનિયર સાયકલિસ્ટ બિરજીત યુમનમે 15 કિમી પોઈન્ટ રેસમાં 23 પોઈન્ટ સાથે બ્રોન્ઝ મેડલ જીત્યો હતો. કોરિયાના સુંગ્યોન લીએ 24 પોઈન્ટ સાથે સિલ્વર અને ઉઝબેકિસ્તાનના ફારૂક બોબોશેરોવે ગોલ્ડ મેડલ મેળવ્યો હતો.
