આગ્રા-ઉત્તર પ્રદેશઃ ગુરુવારે આગ્રા સિટી સ્ટેશન રોડ પર સ્થિત ધર્મશાળામાં એક ભયાનક અકસ્માત થયો હતો. ધર્મશાળામાં ચાલી રહેલા ખોદકામના કામને કારણે અચાનક અનેક મકાનો એકસાથે ધરાશાયી થઈ ગયા. ઘરમાં હાજર અનેક લોકો ઘરની નીચે દટાઈ ગયા છે. કાટમાળ નીચે દટાયેલા લોકોને બહાર કાઢવાની કામગીરી સ્થાનિક લોકો જાતે કરી રહ્યા છે. અનેક ફોન કરવા છતાં પણ એમ્બ્યુલન્સ અને બચાવ ટીમ ઘટનાસ્થળે પહોંચી ન હતી.

આ પણ વાંચોઃ J&K: રાહુલ ગાંધીના ભારત જોડો અભિયાનને લાગ્યુ ગ્રહણ, અહીં ખરાબ હવામાનને કારણે યાત્રા અટકી ગઈ

25 જેટલા મકાન ધ્વંસઃ આગ્રામાં એક ચોંકાવનારો કિસ્સો સામે આવ્યો છે. ધુલિયાગંજ સ્થિત સિટી સ્ટેશનની બહાર ગુરુવારે લગભગ 20 થી 25 મકાનો ધરાશાયી થયા છે. કાટમાળ નીચે દટાયેલા ત્રણ લોકોને બહાર કાઢવામાં આવ્યા છે. બાળકીને બહાર કાઢવાની કામગીરી ચાલી રહી છે. આ કાટમાળમાં ઘણા લોકો દટાયા હોવાની આશંકા છે. માહિતી મળતાં જ પ્રાદેશિક પોલીસ સ્ટેશન કોતવાલી, હરિપર્વત પોલીસ અને એમ્બ્યુલન્સ ઘટનાસ્થળે પહોંચી ગઈ છે. પોલીસ અધિકારીઓના જણાવ્યા અનુસાર, એક ધર્મશાળાના ભોંયરામાં ખોદકામ ચાલી રહ્યું હતું, જેના કારણે મકાનો પડી ગયા. પોલીસના જણાવ્યા અનુસાર ત્રણ લોકો દટાયેલા હોવાનું જાણવા મળ્યું હતું, જેમને બચાવી લેવામાં આવ્યા હતા.

અપડેટ ચાલું...