અમેરિકાએ કહ્યું, નાકાબંધીને કારણે ઈરાનના 45 જહાજો પાછા ફર્યા, ઈરાને વાટાઘાટો ફરી શરૂ કરવાની તૈયારી દર્શાવી

TRT વર્લ્ડના અહેવાલ મુજબ, અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે, ઈરાન સાથેના યુએસ-ઈઝરાયલ સંઘર્ષ દરમિયાન, અમેરિકન નેવી વોશિંગ્ટન વતી ઈરાની બંદરોની નૌકાદળ નાકાબંધી કરીને "દરિયાઈ લૂંટારૂ" જેવું વર્તન કરી રહી હતી, ટ્રમ્પે આ ટિપ્પણી થોડા દિવસો પહેલા અમેરિકન સેના દ્વારા એક જહાજને જપ્ત કરવાની ઘટનાનો ઉલ્લેખ કરતી વખતે કરી હતી.

શુક્રવારે સાંજે પોતાના નિવેદનમાં, ટ્રમ્પે કહ્યું, "અમે જહાજ પર કબજો કરી લીધો, અમે માલ પર કબજો કરી લીધો, અમે તેલ પર કબજો કરી લીધો. આ ખૂબ જ નફાકારક વ્યવસાય છે." તેમણે ઉમેર્યું કે, "અમે ચાંચિયા જેવા છીએ. અમે એક રીતે લૂંટારૂ જેવા જ છીએ, પરંતુ અમે કોઈ રમત રમી રહ્યા નથી."

અમેરિકાએ શુક્રવારે (1 મે) ત્રણ ઈરાની વિદેશી ચલણ વિનિમય કંપનીઓ પર નવા પ્રતિબંધો લાદ્યા છે. તેનો હેતું પશ્ચિમ એશિયામાં ચાલી રહેલા યુદ્ધ દરમિયાન તેહરાનની 'નાણાકીય જીવનરેખા'ને નિશાન બનાવી શકાય. અમેરિકાના નાણા વિભાગે એક અલગ નિવેદન જાહેર કરીને આ ચેતવણી આપી હતી કે, હોર્મુઝ સ્ટ્રેટમાંથી સુરક્ષિત પસાર થવાના બદલામાં ઈરાનની સરકારને "ટોલ" ચૂકવવો પણ પ્રતિબંધોને નોતરી શકે છે. ફેબ્રુઆરીના અંતમાં અમેરિકા-ઇઝરાયલી દ્વારા ઈરાન પર હુમલા બાદથી તેહરાને ઊર્જા પરિવહન માટે મુખ્ય જળમાર્ગ, હોર્મુઝ સ્ટ્રેટને વર્ચ્યુઅલ રીતે બાધિત કરી દીધો છે. જેના કારણે વૈશ્વિક સ્તરે તેલના ભાવમાં વધારો થયો છે અને યુએસ ગેસોલિનના ભાવમાં પણ વધારો થયો છે, જેના કારણે અમેરિકન પરિવારો પર આર્થિક દબાણ વધી ગયું છે.