બેઇજિંગમાં અરાઘચી ચીની વિદેશ મંત્રીને મળ્યા, ચીને યુદ્ધવિરામની હાકલ કરી; ટ્રમ્પે બોમ્બમારો ફરી શરૂ કરવાની ધમકી આપી

US Israel Iran War : અમેરિકા કહ્યું કે ઈરાન સામે તેનું મોટા પાયે લશ્કરી અભિયાન ઔપચારિક રીતે સમાપ્ત થઈ ગયું છે. પરંતુ હોર્મુઝ સ્ટ્રેટની આસપાસના પાણીમાં સંઘર્ષ શરૂ કરનાર કટોકટીનો ઉકેલ હજુ સુધી આવ્યો નથી. મંગળવારે વ્હાઇટ હાઉસમાં બોલતા, માર્કો રુબિયોએ જાહેર કર્યું કે "ઓપરેશન એપિક ફ્યુરી" - 28 ફેબ્રુઆરીએ શરૂ કરાયેલ સંયુક્ત યુએસ-ઇઝરાયલી લશ્કરી કાર્યવાહી - તેના પ્રાથમિક ઉદ્દેશ્યો પૂર્ણ કરી ચૂક્યું છે. રુબિયોએ કહ્યું, "ઓપરેશન એપિક ફ્યુરી સમાપ્ત થઈ ગયું છે," અને ઓપરેશનને એક મિશન તરીકે રજૂ કર્યું જેણે જણાવેલા લક્ષ્યોને સફળતાપૂર્વક પ્રાપ્ત કર્યા. આ ઉપરાંત એક પ્રસ્તાવિત યુએન ઠરાવમાં ઈરાનને ધમકી આપવામાં આવી છે કે, જો તે હોર્મુઝની ખાડીમાં જહાજો પરના હુમલા બંધ નહીં કરે, "ગેરકાયદેસર ટોલ" લગાવવાનું બંધ નહીં કરે, અને જળ પરિવહનની સ્વતંત્રતા માટે તમામ સુરંગોનું સ્થાન જાહેર નહીં કરે તો તેના પર પ્રતિબંધો અથવા અન્ય પગલાં લાદવામાં આવશે.

સામે ઈરાનના રિવોલ્યુશનરી ગાર્ડ્સે મંગળવારે ચેતવણી આપી કે તેઓ ઈસ્લામિક દેશ દ્વારા મંજૂર કરાયેલા હોર્મુઝની ખાડીના માર્ગમાંથી પસાર થતા કોઈપણ જહાજોને કડક જવાબ આપશે."અમે હોર્મુઝની ખાડીમાંથી પસાર થવાની યોજના ધરાવતા તમામ જહાજોને ચેતવણી આપીએ છીએ કે એકમાત્ર સલામત માર્ગ ઈરાન દ્વારા અગાઉ જાહેર કરાયેલ કોરિડોર છે. જહાજોનું અન્ય માર્ગો તરફ કોઈપણ વિચલન જોખમી છે અને તેના પરિણામે ઈરાની રિવોલ્યુશનરી ગાર્ડ્સ નેવી તરફથી કડક જવાબ મળશે," એમ રાજ્ય ટેલિવિઝન દ્વારા પ્રસારિત નિવેદનમાં જણાવાયું હતું.

ઈરાનના વિદેશ મંત્રાલયના પ્રવક્તા ઇસ્માઇલ બકાઈએ બુધવારે જણાવ્યું હતું કે યુદ્ધ સમાપ્ત કરવાના અમેરિકાના પ્રસ્તાવની તેહરાન દ્વારા હજુ પણ 'સમીક્ષા' ચાલી રહી છે, સ્થાનિક મીડિયાએ અહેવાલ આપ્યો છે.

"ઈરાન દ્વારા અમેરિકાની યોજના અને પ્રસ્તાવની હજુ પણ સમીક્ષા ચાલી રહી છે," બકાઈએ ISNA ન્યૂઝ એજન્સીને જણાવ્યું હતું કે, "તેહરાન પોતાના વિચારોને અંતિમ સ્વરૂપ આપ્યા પછી મુખ્ય મધ્યસ્થી પાકિસ્તાનને તેના વિચારો જણાવશે".

યુએસ પ્રમુખ ડોનાલ્ડ ટ્રમ્પે બુધવારે શરૂઆતમાં કહ્યું હતું કે તેઓ ઇચ્છે છે કે યુદ્ધ "સમાપ્ત" થાય, જ્યારે જો ઈરાન શરતો સાથે સંમત ન થાય તો તેના પર વધુ તીવ્ર હુમલા કરવાની પ્રતિજ્ઞા લીધી હતી.

એક્સિઓસના અહેવાલ મુજબ, વ્હાઇટ હાઉસ માને છે કે તે યુદ્ધનો અંત લાવવા માટે ઇરાન સાથે એક પાનાના મેમોરેન્ડમ પર કરારની નજીક છે. હજુ સુધી કોઈ કરાર થયો નથી, પરંતુ જોગવાઈઓમાં ઇરાની યુરેનિયમ સંવર્ધન પર પ્રતિબંધ, યુએસ પ્રતિબંધો હટાવવા, સ્થિર ઇરાની ભંડોળનું વિતરણ અને જહાજો માટે સ્ટ્રેટ ખોલવાનો સમાવેશ થાય છે.

વ્હાઇટ હાઉસે સંભવિત કરાર વિશેના પ્રશ્નોના તાત્કાલિક જવાબ આપ્યા નથી.

ટ્રમ્પે તેમની સોશિયલ મીડિયા પોસ્ટમાં કહ્યું હતું કે તે "કદાચ એક મોટી ધારણા" છે કે ઇરાન યુનાઇટેડ સ્ટેટ્સ દ્વારા ઓફર કરવામાં આવતી શરતો સાથે સંમત થશે.

ટ્રમ્પે કહ્યું કે, "જો તેઓ સંમત ન થાય, તો બોમ્બમારો શરૂ થશે, અને તે, દુર્ભાગ્યે, પહેલા કરતા ઘણા ઊંચા સ્તરે અને તીવ્રતા પર હશે,".

8 એપ્રિલથી શરૂ થયા પછી અમેરિકા અને તેહરાન વચ્ચે અસ્થિર યુદ્ધવિરામ મોટાભાગે ચાલુ રહ્યો છે. પાકિસ્તાને ગયા મહિને ઇરાન અને ઉપરાષ્ટ્રપતિ જેડી વાન્સના નેતૃત્વ હેઠળના યુએસ પ્રતિનિધિમંડળ વચ્ચે વ્યક્તિગત વાટાઘાટોનું આયોજન કર્યું હતું, પરંતુ વાટાઘાટો કોઈ કરારમાં પરિણમી ન હતી.

ચીને જણાવ્યું કે તે હોર્મુઝ સ્ટ્રેટમાં તણાવ ઓછો કરવા માટે કામ કરવાનું ચાલુ રાખશે અને ત્યાં ચીની જહાજો અને ક્રૂ સભ્યોને સુરક્ષિત રાખશે. ચીનના વિદેશ મંત્રાલયે X પર કહ્યું કે, "આશા છે કે પક્ષો વધુ તણાવ ટાળશે, વાતચીત દ્વારા વિવાદોનો ઉકેલ લાવશે અને ટૂંક સમયમાં સ્ટ્રેટમાં શાંતિ પુનઃસ્થાપિત કરશે," .

ઈરાનની ISNA ન્યૂઝ એજન્સીએ વિદેશ મંત્રાલયના પ્રવક્તા ઇસ્માઇલ બકાઈને ટાંકીને જણાવ્યું છે કે, તેહરાન ઈરાન પર બે મહિનાથી વધુ લાંબા યુદ્ધને સમાપ્ત કરવા માટે અમેરિકાના પ્રસ્તાવની સમીક્ષા કરી રહ્યું છે અને મધ્યસ્થી, પાકિસ્તાનને તેના વિચારો જણાવશે.

ટ્રમ્પે ટ્રુથ સોશિયલ પર કહ્યું કે, જો ઈરાન 'જે આપવા માટે સંમત થયું છે તે આપવા' માટે સંમત નહીં થાય, તો બોમ્બમારો શરૂ થશે અને 'દુઃખદ રીતે, પહેલા કરતા ઘણા મોટા સ્તરે અને તીવ્રતાથી' થશે. તેમણે ચાલુ ઓપરેશન એપિક ફ્યુરીને 'પૌરાણિક' ગણાવ્યું અને કહ્યું કે તે એક 'મોટી ધારણા' છે કે ઈરાન સંમત થશે. તેમણે એમ પણ કહ્યું કે, હોર્મુઝ સ્ટ્રેટ માટે યુએસ નાકાબંધી ઈરાન સહિત બધા માટે ચાલુ રહેશે.

પશ્ચિમ એશિયા સંકટ વચ્ચે દ્વિપક્ષીય સંબંધો અને વૈશ્વિક મુદ્દાઓ પર ચર્ચા કરવા માટે ઈરાનના વિદેશ મંત્રી અરાઘચી આજે 6 મેના રોજ ચીનની મુલાકાતે જઈ રહ્યાં છે.

ઈરાનના મુદ્દા પર, યુએસ સેક્રેટરી ઓફ સ્ટેટ માર્કો રુબિયોએ જણાવ્યું હતું કે,"ઘણા દેશો - કેટલાક ખાનગી રીતે અને કેટલાક જાહેરમાં - હોર્મુઝ સ્ટ્રેટમાં તેમના જહાજોને મુક્ત કરવા અને નેવિગેશનની સ્વતંત્રતા પુનઃસ્થાપિત કરવા માટે યુએસ પાસે મદદ માંગી છે... અને તેથી રાષ્ટ્રપતિ ટ્રમ્પ આગળ આવ્યા અને મદદ માટે તેમની વિનંતીઓનો જવાબ આપ્યો અને યુએસ સૈન્યને આ ફસાયેલા જહાજોને સલામત સ્થળે લઈ જવાનો નિર્દેશ આપ્યો... અને આ સ્ટ્રેટને ફરીથી ખોલવા અને આ શાસનના 'આર્થિક આગચંપી'ને સમાપ્ત કરવા તરફનું પ્રથમ પગલું છે. અમે આ ફક્ત એટલા માટે નથી કરી રહ્યા કારણ કે અમને કહેવામાં આવ્યું હતું, પરંતુ એટલા માટે કે અમે એકમાત્ર એવા છીએ જે આમ કરવા સક્ષમ છીએ... રાષ્ટ્રપતિ ટ્રમ્પના નેતૃત્વ હેઠળ, યુનાઇટેડ સ્ટેટ્સ અમારા મિત્રો સાથે રહેશે. અમે તેહરાન જેવા મનસ્વી શાસનનો દૃઢતાથી સામનો કરીશું, અને અમે અમારા રાષ્ટ્રીય હિતોનું રક્ષણ કરવા માટે - સૌથી ઉપર - અમારી શક્તિ અને ક્ષમતાઓનો ઉપયોગ કરવામાં અચકાશું નહીં."

વોશિંગ્ટન ડીસી: ઈરાન મુદ્દા પર,અમેરિકાના સચિવ સ્ટેટ માર્કો રુબિયો જણાવ્યું હતું કે, "રાષ્ટ્રપતિએ 'પ્રોજેક્ટ ફ્રીડમ' ની જાહેરાત કરી છે, જેનો ઉદ્દેશ્ય પર્સિયન ગલ્ફમાં ઈરાની શાસન દ્વારા ફસાયેલા 87 દેશોના આશરે 23,000 નાગરિકોને બચાવવાનો છે. બે મહિનાથી વધુ સમયથી, આ નિર્દોષ ખલાસીઓ અને વાણિજ્યિક ક્રૂ સભ્યો ઈરાનના હોર્મુઝ સ્ટ્રેટના ગુનાહિત અને વિનાશક નાકાબંધીને કારણે સમુદ્રમાં ફસાયેલા છે. કેટલાક પર ગોળીબાર કરવામાં આવ્યો છે અને આ હુમલાઓનો ભોગ બન્યા છે... આ નિર્દોષ લોકો અને જહાજો એવા દેશોના છે જેમનો આમાંથી કોઈ પણ સાથે કોઈ લેવાદેવા નથી..."