દેશભરમાં બકરી ઈદની ઉંમગભેર ઉજવણી, પીએમ મોદીએ દેશવાસીઓને આપી ઈદની શુભેચ્છા

ઈદ અલ-અધાના અવસરે દિલ્હી પોલીસ રાષ્ટ્રીય રાજધાની પર નજર રાખવા માટે ડ્રોનનો ઉપયોગ કરી રહી છે. સુરક્ષા જાળવવા માટે પોલીસ દળોને પણ તૈનાત કરવામાં આવ્યા છે, ત્યારે જામા મસ્જિદ વિસ્તારમાં ડ્રોનની પોલીસ નજર રાખી હોવાનો એક વીડિયો શેર કર્યો હતો.

પીએમ મોદીએ ઈદની ઉજવણી પર દેશવાસીઓને ઈદની શુભેચ્છાઓ આપી હતી. પીએમ મોદીએ પોતાના એક્સ હેન્ડલ પર શુભેચ્છા આપતી પોસ્ટ શેર કરી જેમાં તેમણે કહ્યું હતું કે, 'ઈદ ઉલ-અધાની શુભેચ્છાઓ! આ અવસર આપણા સમાજમાં ભાઈચારો અને ખુશીની ભાવનાને વધુ મજબૂત બનાવે. સૌની સફળતા અને સારા સ્વાસ્થ્ય માટે પ્રાર્થના'.

કોલકાતા (પશ્ચિમ બંગાળ): ઈદ અલ-અધા 2026ની ઉજવણી માટે મુસ્લિમ બિરાદરોએ કોલકાતાના બ્રિગેડ પરેડ ગ્રાઉન્ડ ઈદની વિશેષ નમાઝ અદા કરી હતી.

ગુવાહાટી, આસામ: ઈદ-ઉલ-અઝહા 2026ના પ્રસંગે સિજુબારી દરગાહમાં મુસ્લિમ બિરાદરોએ નમાઝ અદા કરી

આગ્રા (યુપી): ઈદ-ઉલ-અઝહા 2026ના અવસરે મુસ્લિમ બિરાદરોએ તાજમહેલના પરિસરમાં ઈદ-ઉલ-અઝહાની ખાસ નમાઝ અદા કરી.