JPSC પરીક્ષા ગેરરીતિ કેસ: સુપ્રીમ કોર્ટમાં CBI તપાસની માંગ કરતી અરજી પર સુનાવણી, કેન્દ્ર અને ઝારખંડ સરકારને ફટકારી નોટિસ
સુપ્રીમ કોર્ટમાં ઝારખંડ સંયુક્ત સિવિલ સેવા પ્રાથમિક પરીક્ષામાં ગડબડની CBI તપાસની માંગ કરતી અરજી દાખલ કરવામાં આવી હતી.
By Sumit Saxena
Published : August 24, 2026 at 4:32 PM IST
નવી દિલ્હી: સુપ્રીમ કોર્ટે સોમવારે ઝારખંડ સંયુક્ત સિવિલ સેવા પ્રાથમિક પરીક્ષામાં કથિત ગડબડની CBI પાસે સ્વતંત્ર અને સમયસર તપાસ કરાવવાની માંગ કરતી અરજી પર કેન્દ્ર અને રાજ્ય સરકારનો નોટિસ ફટકારવામાં આવી છે.
આ ઘટના ચીફ જસ્ટિસ સૂર્યકાંત અને જસ્ટિસ જોયમાલ્યા બાગચી અને વી મોહનાની પીઠ સામે સુનાવણી માટે આવી હતી. સીનિયર વકીલ મનન કુમાર મિશ્રા અને વકીલ સત્યમ સિંહે અરજી કરનાર તરફથી કેસ લડ્યો હતો.
બેન્ચે કેન્દ્ર સરકાર, ઝારખંડ સરકાર, ઝારખંડ લોક સેવા આયોગ અને અન્ય પાસે જવાબ માંગ્યો છે. સુનાવણી દરમિયાન અરજી કરનાર, કાર્યકર્તા હરિશરણ દેવગણ તરફથી હાજર રહેલા મિશ્રાએ જણાવ્યું કે અરજીમાં CBI તપાસ અથવા આ કોર્ટના કોઇ પૂર્વ જજ પાસે તપાસની માંગ કરવામાં આવી છે.
આ અરજીમાંની એક અરજીમાં સુપ્રીમ કોર્ટ તરફથી પ્રતિવાદી નંબર 2 - ઝારખંડ પબ્લિક સર્વિસ કમિશનને 19 એપ્રિલના રોજ યોજાયેલી 'ઝારખંડ કમ્બાઈન્ડ સિવિલ સર્વિસીસ પ્રિલિમિનરી કોમ્પિટિટિવ એક્ઝામિનેશન-2025' રદ કરવા અને ત્યારબાદ કાયદા અને સુપ્રીમ કોર્ટ દ્વારા મંજૂર કરાયેલા સલામતીના પગલાં અનુસાર નવી પ્રિલિમિનરી પરીક્ષા લેવાનો નિર્દેશ માંગવામાં આવ્યો હતો.
અરજીમાં સુપ્રીમ કોર્ટને અપીલ કરવામાં આવી છે કે તે CBIને આદેશ આપે કે તે પ્રતિવાદી સંખ્યા 2ની જાહેરાત સંખ્યા 01/2026 હેઠળ આયોજિત 'ઝારખંડ સંયુક્ત સિવિલ સેવા પ્રાથમિક પરીક્ષા- 2025' સાથે જોડાયેલા આરોપોની સ્વતંત્ર, નિષ્પક્ષ અને સંપૂર્ણ અને સમય પર તપાસ કરે.
અરજીમાં એવી પણ માંગ કરવામાં આવી છે કે સુપ્રીમ કોર્ટના રિટાયર્ડ જજ અથવા ઝારખંડની બહાર કોઇ હાઇકોર્ટના રિટાયર્ડ ચીફ જસ્ટિસ અથવા જજની આગેવાનીમાં એક સ્વતંત્ર સમિતિ બનાવવાનો નિર્દેશ આપવામાં આવે, જેમાં ફોરેન્સિક સાયન્સ, માહિતી ટેકનોલોજી, પરીક્ષા સુરક્ષા, OMR મૂલ્યાંકન, સાયબર સુરક્ષા અને જાહેર વહીવટના સંદર્ભમાં પરીક્ષાની પ્રામાણિકતાનું પરીક્ષણ કરે.
અરજીમાં સુપ્રીમ કોર્ટ તરફથી અપીલ કરવામાં આવી છે કે તે તપાસ એજન્સી અથવા સ્વતંત્ર સમિતિને એમ નક્કી કરવાનો નિર્દેશ આપે કે શું દોષિત અને નિર્દોષ ઉમેદવારોને ઉદ્દેશ્ય અને ચકાસણીયોગ્ય માહિતીના આધઆરે વિશ્વસનીય રીતે ઓળખી શકાય છે?
આ પણ વાંચો:
