કોર્બેટને અડીને આવેલા ફાટો ટુરિસ્ટ ઝોનમાં દેખાયો દુર્લભ અલ્બિનો કપિરાજ, વન્યપ્રેમીઓમાં ઉત્સુક્તા

નૈનીતાલ: વિશ્વ વિખ્યાત કોર્બેટ ટાઇગર રિઝર્વને અડીને આવેલા ફાટો ટુરિસ્ટ ઝોનમાં એક દુર્લભ અલ્બિનો કપિરાજ જોવા મળ્યો છે, જેનાથી આ વિસ્તારમાં ઉત્સુકતા ફેલાઈ ગઈ છે. નેચર ગાઇડ મોહિત શર્માએ આ અનોખા અને દુર્લભ કપિરાજને કેમેરામાં કેદ કર્યો છે.

સફેદ વાળ અને લાલ આંખોવાળા આ કપિરાજે પ્રવાસીઓ અને વન્યજીવ પ્રેમીઓ બંનેને આશ્ચર્યચકિત કર્યાા છે. વિશ્વ વિખ્યાત કોર્બેટ પાર્કને અડીને આવેલા આ વિસ્તારમાં ઘણીવાર વિવિધ પ્રકારના વન્યજીવો જોવા મળી જતાં હોય છે, પરંતુ આ રીતે અલ્બિનો મંકીને જોવો એ અત્યંત દુર્લભ ઘટના માનવામાં આવી રહી છે.

અલ્બિનો કપિરાજ (ફોટો સૌજન્ય: Nature Guide Mohit Sharma)

કેમ થઈ જાય છે આ કપિરાજ લાલમાંથી સફેદ ? નિષ્ણાતો માને છે કે અલ્બિનિઝમ (Albinism) એક આનુવંશિક સ્થિતિ છે, જેમાં શરીરમાં મેલાનિન નામના રંગદ્રવ્યનો અભાવ હોય છે. મેલાનિનના આ અભાવને કારણે ત્વચા, વાળ અને આંખો સામાન્ય કરતાં ઘણી આછી અથવા સફેદ દેખાય છે. આ જ કારણ છે કે આ કપિરાજનું શરીર સંપૂર્ણપણે સફેદ દેખાય છે અને તેની આંખો લાલ દેખાય છે.

અલ્બિનો કપિરાજ (ફોટો સૌજન્ય: Nature Guide Mohit Sharma)

કોઈ પ્રજાતિ નથી, પરંતુ એક દુર્લભ જૈવિક સ્થિતિ: નિષ્ણાતો કહે છે કે આ કોઈ અલગ પ્રજાતિ નથી, પરંતુ સામાન્ય વાંદરાઓમાં જોવા મળતી એક દુર્લભ જૈવિક સ્થિતિ છે. આ સ્થિતિ હજારમાંથી એકમાં જોવા મળે છે.

અલ્બિનો પ્રાણીઓ ઘણા પડકારોનો સામનો કરે છે: અલ્બિનો જીવ ઘણીવાર કુદરતી વાતાવરણમાં પડકારોનો સામનો કરે છે, કારણ કે તેમનો અસામાન્ય રંગ તેમને એટલે કે, તેને શિકારીઓ માટે સરળતાથી દેખાઈ જાય તેવા બનાવે છે. આ ઉપરાંત શખત તાપ અને દ્રષ્ટિ સંબંધીત સમસ્યાઓ પણ તેના માટે મુશ્કેલીનું કારણ બને છે.

"ફાટો ઝોનમાં સફારી દરમિયાન, મેં આ મંકીને ઝાડ પર ફરતા જોયો. તેના અનોખા દેખાવને જોતા, મેં તરત જ તેને કેમેરામાં કેદ કર્યો." - મોહિત શર્મા, નેચર ગાઇડ

વન્યજીવન નિષ્ણાતો માને છે કે, આવા દુર્લભ દૃશ્યો પ્રદેશની જૈવવિવિધતાને પ્રતિબિંબિત કરે છે. જોકે, આવા જીવોનું રક્ષણ ખૂબ જ મહત્વપૂર્ણ છે, જેથી તેઓ તેમના કુદરતી વાતાવરણમાં ટકી શકે. આ દુર્લભ અલ્બિનો મંકી હાલમાં પ્રવાસીઓ અને પ્રકૃતિ પ્રેમીઓ માટે આકર્ષણનું કેન્દ્ર બન્યો છે, જેના કારણે વ્યાપક ચર્ચા થઈ રહી છે.

1. આ પણ વાંચો
2. અહો આશ્ચર્યમ ! કચ્છમાં મળ્યા 10.5 મિલિયન વર્ષ જૂના વાનરના જીવાશ્મિ, સંશોધકે કર્યો મોટો દાવો
3. કપીરાજે દરેક વિધિમાં ભાગ લીધોઃ ગણદેવી ખાતે હનુમાનજીના મંદિરે જોવા મળ્યો આ નજારો- Video