નવસારી: નવસારી રૂરલ પોલીસ સ્ટેશનમાં લાંચ સંબંધિત મોટો કેસ સામે આવ્યો છે, જેમાં PSI અમૃતભાઇ મગનભાઇ વસાવા અને પોલીસ કર્મચારી ચિરાગકુમાર સુરેશભાઇ રાઠોડને એન્ટી કરપ્શન બ્યુરો (ACB) દ્વારા લાંચ લેતા પકડવામાં આવ્યા છે.
પ્રોહિબિશનના આરોપી પાસે પોલીસે માંગી લાંચ
કેસની વિગત મુજબ, ફરિયાદી પ્રોહિબિશનના કેસમાં આરોપી હતો અને કોર્ટમાંથી આગોતરા જામીન મેળવ્યા હતા. PSI વસાવાએ આ મામલામાં અટક અને મુક્તિની પ્રક્રિયા માટે રૂ. 40,000ની લાંચની માંગણી કરી હતી અને આ રકમ પોલીસ કર્મચારી રાઠોડને આપવાનું સૂચન કર્યું હતું.
ACBને જાણ કરતા ગોઠવાઈ ટ્રેપ
ફરિયાદી લાંચ આપવાથી મજબૂત રીતે ઇનકાર કરીને ACBનો સંપર્ક કર્યો. ACBએ લાંચ લેવાની પ્રક્રિયાને પકડી પાડવા માટે જૂની યોજના બનાવી. છટકાની કામગીરી દરમિયાન પોલીસ કર્મચારી રાઠોડ લાંચની રકમ લેતા રંગેહાથ પકડાયા, જોકે PSI વસાવા ઘટનાસ્થળે હાજર ન હતા.
આ કામગીરી ACB સુરત એકમના પોલીસ ઇન્સ્પેક્ટર કે.આર. સક્સેનાના માર્ગદર્શન હેઠળ અને મદદનીશ નિયામક આર.આર. ચૌધરીના સુપરવિઝન હેઠળ કરવામાં આવી. તપાસ દરમિયાન જાણવા મળ્યું કે બંને આરોપીઓએ પરસ્પર સહકારથી આ ગુનો આચર્યો હતો. તો PSIને વોન્ટેડ જાહેર કરવામાં આવ્યા છે.
આ પણ વાંચો:
