ભરૂચ: અંકલેશ્વર તાલુકાની 27 ગ્રામ પંચાયતો માટેની ચૂંટણી જાહેર થતા ગામોના વિકાસ અને નેતૃત્વ માટે સ્પર્ધા ગરમાઈ છે. ચૂંટણીની જાહેરાત બાદ પ્રથમ દિવસથી જ તાલુકા સેવા સદન અને મામલતદાર કચેરી ખાતે ઉમેદવારો ફોર્મ ભરવા ઉમટી પડ્યા હતા.
ભરૂચના અંકલેશ્વર તાલુકાની 27 ગ્રામ પંચાયત અને 167 જેટલા વોર્ડની ચૂંટણી જાહેર થતા તાલુકાનું વહીવટી તંત્ર સજ્જ બન્યું છે. 27 ગ્રામ પંચાયતોમાં 18 સરપંચો અને 167 વોર્ડના સભ્યો સાથે 69 મતદાન મથકો ઉપર 22 જૂને મતદાન પ્રક્રિયા હાથ ધરવામાં આવશે. જ્યારે 25મી જૂને પરિણામ જાહેર થશે ત્યારે અંકલેશ્વર તાલુકાના સેવા સદન અને મામલતદાર કચેરી ખાતે ફોર્મ ભરવાની પ્રક્રિયા હાથ ધરવામાં આવી છે.
આજે શુક્રવાર અને સોમવારે બપોરે 3 કલાક સુધી ઉમેદવારો ફોર્મ ભરી શકે છે જ્યારે શનિ-રવિવારે રજા રહેશે. ત્યારે આજે ઉમેદવારો પોતાના ફોર્મ ભરવા ઉમટી પડ્યા હતા. સાત ચૂંટણી અધિકારી, સાત મદદનીશ ચૂંટણી અધિકારી તેમજ 10 ઝોનલ અધિકારી, 10 મદદનીશ ઝોનલ અધિકારીની નિમણુંક કરવામાં આવી છે. જેઓએ ચૂંટણીની પ્રક્રિયા હાથ ધરી છે. તો 29865 પુરુષ અને 28541 સ્ત્રી મતદારો મતદાન કરશે. આજે દઢાલ, કોસમડી તેમજ ધંતુરિયા ગ્રામ પંચાયત માટે ઉમેદવારો ફોર્મ ભરવા લાઈનો લગાવી હતી.
ચૂંટણીનો પ્રારંભિક કાર્યક્રમ:
- કુલ 27 ગ્રામ પંચાયતોમાં ચૂંટણીઓ યોજાવાની છે
- કુલ 167 વોર્ડ માટે સભ્યોની ચૂંટણીઓ
- 18 સરપંચ પદો માટે પણ મતદાન થશે
- મતદાન તારીખ: 22 જૂન, 2025
- મતગણતરી: 25 જૂન, 2025
ફોર્મ ભરવાની તકલીફ વગર વ્યવસ્થા:
- ઉમેદવારો શુક્રવાર અને સોમવારે બપોરે 3 વાગ્યા સુધી ફોર્મ ભરી શકશે
- શનિવાર-રવિવાર રજાના દિવસ તરીકે રાખવામાં આવ્યા
- આજ દીને દઢાલ, કોસમડી અને ધંતુરિયા ઇત્યાદિ પંચાયતોના ઉમેદવારો ફોર્મ ભરવા લાઈનમાં ઉભા રહ્યા
વહીવટી તંત્રની તૈયારી:
- 7 ચૂંટણી અધિકારી
- 7 મદદનીશ ચૂંટણી અધિકારી
- 10 ઝોનલ અધિકારી અને 10 મદદનીશ ઝોનલ અધિકારીઓની નિમણૂક
- 69 મતદાન મથકો પર વ્યવસ્થા સુનિશ્ચિત કરવામાં આવી
મતદારોની સંખ્યા:
- કુલ મતદારો: 58,406
- પુરુષ મતદારો: 29,865
- મહિલા મતદારો: 28,541
મામલતદાર કરણસિંહ રાજપૂતનું નિવેદન:
અંકલેશ્વર તાલુકામાં ચૂંટણીઓ માટે સંપૂર્ણ તૈયારી કરવામાં આવી છે. ઉમેદવારો માટે ફોર્મ ભરવાની વ્યવસ્થા સળંગ ચાલે એ માટે અધિકારીઓની નિમણૂક કરી આપી છે. મતદારોને અવરોધ વિના મતદાન માટે અનુકૂળ વાતાવરણ ઉભું કરાશે.
"અમે વિકાસ માટે ઉત્સુક છીએ અને ગામના હિતમાં કામ કરવા ચૂંટણી લડી રહ્યા છીએ. ન્યાયસંગત ચૂંટણી થાય એ માટે તંત્ર સારી વ્યવસ્થા કરી રહ્યું છે." – એક ઉમેદવાર
આગામી દિવસોમાં અંકલેશ્વર તાલુકાની ગ્રામ પંચાયતોમાં લોકશાહીનો તહેવાર ઉજવાશે. વિવિધ ગામના લોકો પોતાની આગવી ઈચ્છા અને વિકાસના વિઝન સાથે ચૂંટણી મેદાને ઉતર્યાં છે. વહીવટી તંત્ર પણ સંપૂર્ણ ચુસ્ત તૈયારીમાં જોવા મળી રહ્યું છે.
આ પણ વાંચો:
