નવી દિલ્હી: ભારતીય ક્રિકેટ કંટ્રોલ બોર્ડ (BCC) ના ઉપાધ્યક્ષ રાજીવ શુક્લાને ભારતીય ક્રિકેટ કંટ્રોલ બોર્ડ (BCC) ના વચગાળાના પ્રમુખ તરીકે નિયુક્ત કરવામાં આવશે, કારણ કે વર્તમાન પ્રસિડેન્ટ રોજર બિન્ની ફરજિયાત નિવૃત્તિ વયની નજીક આવી રહ્યા છે.
IANS ના અહેવાલ મુજબ, 19 જુલાઈના રોજ બિન્ની 70 વર્ષના થશે તે પછી શુક્લા વચગાળાનું પદ સંભાળવા માટે સૌથી આગળ છે. BCCI ના બંધારણ મુજબ, પદાધિકારીએ 70 વર્ષની ઉંમર પૂર્ણ કર્યા પછી રાજીનામું આપવું પડે છે, જેના કારણે બિન્ની તે તારીખ પછી આ પદ સંભાળવા માટે અયોગ્ય બની જાય છે.
BCCI ના એક સૂત્રએ IANS સાથે વાત કરતા આ વાતની પુષ્ટિ કરી, "રાજીવ થોડા મહિના માટે કાર્યભાર સંભાળશે અને કામગીરીનું નિરીક્ષણ કરશે. વરિષ્ઠ ઉપ-પ્રમુખ તરીકે, તેઓ નિયમો અનુસાર ભૂમિકા ભજવશે." જો નિમણૂક થાય તો, શુક્લા નવા વડાની પસંદગી ન થાય ત્યાં સુધી ત્રણ મહિનાના વચગાળાના સમયગાળા માટે ચેરમેનની જવાબદારીઓનું સંચાલન કરશે.
શુક્લા 2020 થી BCCI ના ઉપપ્રમુખ તરીકે સેવા આપી રહ્યા છે. આ પહેલા તેમણે ભારતીય ક્રિકેટ વહીવટમાં મુખ્ય ભૂમિકાઓ સંભાળી હતી, જેમાં 2017 સુધી ઉત્તર પ્રદેશ ક્રિકેટ એસોસિએશન (UPCA) ના સચિવ અને 2018 સુધી ઇન્ડિયન પ્રીમિયર લીગ (IPL) ના અધ્યક્ષનો સમાવેશ થાય છે.
રોજર બિન્ની 2022 માં BCCI ના 36મા પ્રમુખ તરીકે ચૂંટાયા હતા. તેમણે ભૂતપૂર્વ ભારતીય કેપ્ટન સૌરવ ગાંગુલીનું સ્થાન લીધું હતું, જેમણે 2019 થી 2022 સુધી આ પદ સંભાળ્યું હતું. બિન્ની વિજયનગરમના મહારાજા અને ગાંગુલીના પગલે ચાલીને BCCIનું નેતૃત્વ કરનાર ત્રીજા ભૂતપૂર્વ ટેસ્ટ ક્રિકેટર બન્યા છે.
🚨Rajeev Shukla set to take over as the BCCI President. pic.twitter.com/SeCZMZz1Dk
— Tata IPL 2025 Commentary (@IPL2025Auction) June 2, 2025
પોતાની રમત કારકિર્દી દરમિયાન, બિન્નીએ 27 ટેસ્ટ મેચ અને 72 વનડેમાં ભારતનું પ્રતિનિધિત્વ કર્યું અને કુલ 124 વિકેટ લીધી. તેમણે 1983 ના વર્લ્ડ કપમાં ભારતની જીતમાં મુખ્ય ભૂમિકા ભજવી હતી, જેમાં તેમણે 18 વિકેટ લીધી હતી, જે તે સમયે ટુર્નામેન્ટનો રેકોર્ડ હતો. બાદમાં તેમણે કર્ણાટક રાજ્ય ક્રિકેટ એસોસિએશનના પ્રમુખ તરીકે સેવા આપી. તેઓ BCCI પસંદગી સમિતિના સભ્ય પણ હતા. (એજન્સી ઇનપુટ સાથે)
આ પણ વાંચો:
