કોલકાતામાં નવાબોની ટીમ પધારશે… રોમાંચક IPL મેચમાં આજે વરુણ ચક્રવતી અને નિકોલસ પુરન આમને સામને

IPL 2025 માં આજે રમાનારી કોલકાતા નાઈટ રાઈડર્સ (KKR) અને લખનૌ સુપર જાયન્ટ્સ (LSG) વચ્ચેની મેચ પહેલા બધું જાણી લો.

કોલકાતા: IPL 2025 ની 21મી મેચ 8 એપ્રિલ એટલે કે મંગળવારે કોલકાતા નાઈટ રાઈડર્સ અને લખનૌ સુપર જાયન્ટ્સ વચ્ચે રમાશે. આ મેચ કોલકાતાના ઇડન ગાર્ડન્સ સ્ટેડિયમ ખાતે બપોરે 3:30 વાગ્યાથી શરૂ થશે. આ મેચ મંગળવારે યોજાનારી ડબલ હેડરનો પહેલો મેચ હશે, જેમાં અજિંક્ય રહાણે અને ઋષભ પંતની ટીમો એકબીજા સાથે ટકરાતી જોવા મળશે.

Lit for the fight 🔥⚔️ pic.twitter.com/aTZZn3cnjN

— KolkataKnightRiders (@KKRiders) April 8, 2025

બંને ટીમોની સ્થિતિ કેવી છે?

IPL 2025 માં અત્યાર સુધીમાં, KKR એ 4 મેચ રમી છે, જેમાં તેને 2 જીત અને 2 હાર મળી છે, જ્યારે LSG એ પણ 4 મેચ રમી છે. તેને પણ 2 જીત અને 2 હાર મળી છે. બંને ટીમો અનુક્રમે પાંચમા અને છઠ્ઠા સ્થાને છે. બંને ટીમો માટે આ IPL 2025 ની પાંચમી મેચ હશે અને બંને જીત નોંધાવીને પોતાની સ્થિતિ મજબૂત કરવા માંગશે.

Khela hobe 🔥 pic.twitter.com/oELtSIn3c1

— Lucknow Super Giants (@LucknowIPL) April 8, 2025

ઇડન ગાર્ડન પિચ રિપોર્ટ:

કોલકાતાના ઇડન ગાર્ડન્સની પિચ હંમેશા બેટ્સમેન માટે મદદરૂપ સાબિત થાય છે. આ પીચ પર, ઝડપી બોલરોને નવા બોલ સાથે મદદ મળે છે. જ્યારે સ્પિનરો જૂના બોલથી વિકેટ લે છે. અહીં 200 ના આંકડાને પણ સરળતાથી સ્પર્શી શકાય છે. આ પિચનો સરેરાશ સ્કોર 160-170 ની વચ્ચે છે. આ મેદાન પર સૌથી વધુ સ્કોર 262 છે.

Batters with most runs in LSG vs KKR IPL 2025 matches (ETV Bharat) (ETV Bharat)

KKR vs LSG હેડ ટુ હેડ આંકડા

IPLમાં અત્યાર સુધીમાં કોલકાતા નાઈટ રાઈડર્સ અને લખનૌ સુપર જાયન્ટ્સ વચ્ચે કુલ 5 મેચ રમાઈ છે. આ સમયગાળા દરમિયાન KKR એ 2 મેચ જીતી છે, જ્યારે LSG એ 3 મેચ જીતી છે. આવી સ્થિતિમાં લખનૌ કોલકાતાથી આગળ છે.

Most wickets in LSG vs KKR IPL 2025 matches (ETV Bharat) (ETV Bharat)

મેચ દરમિયાન કેવું રહેશે કોલકાતાનું વાતાવરણ:

AccuWeather મુજબ, 8 એપ્રિલે મેચની શરૂઆતમાં દિવસ દરમિયાન તાપમાન 34 ડિગ્રી સેલ્સિયસ રહેશે અને અંત સુધીમાં તે ઘટીને 30 ડિગ્રી સેલ્સિયસ થઈ જશે. મેચ દરમિયાન ભેજનું પ્રમાણ 60% થી 79% ની વચ્ચે રહેશે. આકાશ સ્વચ્છ રહેવાની અપેક્ષા છે અને વરસાદની શક્યતા લગભગ નહિવત્ છે. આવી સ્થિતિમાં, ચાહકોને આખી મેચ જોવાની તક મળશે

Wanted: Deadly big hitter 🔥 pic.twitter.com/wdtJDYKQuc

— Lucknow Super Giants (@LucknowIPL) April 7, 2025

KKR વિરુદ્ધ LSG ની સંભવિત પ્લેઇંગ-11

કોલકાતા: ક્વિન્ટન ડી કોક (વિકેટકીપર), સુનીલ નારાયણ, અજિંક્ય રહાણે, અંગક્રિશ રઘુવંશી, વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, મોઈન અલી, હર્ષિત રાણા, વરુણ ચક્રવર્તી.

લખનૌ: એડન માર્કરામ, મિશેલ માર્શ, નિકોલસ પૂરન, રિષભ પંત (વિકેટકીપર), આયુષ બદોની, ડેવિડ મિલર, શાહબાઝ અહેમદ, શાર્દુલ ઠાકુર, અવેશ ખાન, આકાશ દીપ, દિગ્વેશ રાઠી.

The journey of Super Giants' very own 𝐏𝐫𝐢𝐧𝐜𝐞 🤴 pic.twitter.com/U2qPc2oals

— Lucknow Super Giants (@LucknowIPL) April 8, 2025

આ પણ વાંચો: