રાંચી: ઝારખંડ સ્ટેટ ક્રિકેટ એસોસિએશન (JSCA) એ બુધવારે મહેન્દ્ર સિંહ ધોનીના ICC હોલ ઓફ ફેમ 2025 માં સમાવેશ થવાની ઉજવણી માટે એક ભવ્ય સમારોહનું આયોજન કર્યું હતું. ક્રિકેટ ક્ષેત્રે તેમના અસાધારણ યોગદાન બદલ ધોનીને આ સન્માન આપવામાં આવ્યું છે. લોર્ડ્સમાં વર્લ્ડ ટેસ્ટ ચેમ્પિયનશિપ ફાઇનલના પ્રસંગે આ વર્ષના હોલ ઓફ ફેમમાં ધોનીના નામની જાહેરાત કરવામાં આવી હતી.
મહેન્દ્ર સિંહ ધોનીની અદ્ભુત કારકિર્દી
મહેન્દ્ર સિંહ ધોનીએ પોતાના 14 વર્ષના આંતરરાષ્ટ્રીય કરિયરમાં ભારતને ઘણી મહત્વપૂર્ણ ટુર્નામેન્ટમાં જીત અપાવી. તેમણે 2007 T20 વર્લ્ડ કપ, 2011 ODI વર્લ્ડ કપ અને 2013 ચેમ્પિયન્સ ટ્રોફી જીતીને ભારતીય ક્રિકેટને નવી ઊંચાઈઓ પર પહોંચાડ્યું. ધોનીની કેપ્ટનશીપ હેઠળ ભારતે ત્રણ મોટી ICC ટુર્નામેન્ટના ખિતાબ જીત્યા, જે આજ સુધી કોઈ અન્ય કેપ્ટન દ્વારા પ્રાપ્ત થયું નથી.
Celebrations at Jharkhand State Cricket Association 💛pic.twitter.com/tdbH25R6eP
— Mrvindh (@VinduAravi64844) June 11, 2025
JSCA ના તમામ અધિકારીઓએ ભાગ લીધો
આ JSCA કાર્યક્રમમાં એસોસિએશનના પ્રમુખ અજય નાથ શાહદેવ, ઉપપ્રમુખ સંજય પાંડે, સેક્રેટરી સૌરભ તિવારી, ખજાનચી અમિતાભ ઘોષ અને અન્ય સમિતિના સભ્યો હાજર રહ્યા હતા. આ સમારોહ દરમિયાન ધોનીનું સન્માન કરવામાં આવ્યું અને તેની સિદ્ધિઓની પ્રશંસા કરવામાં આવી. ICC હોલ ઓફ ફેમ 2025 માં ઘણા અન્ય દિગ્ગજ ખેલાડીઓનો પણ સમાવેશ કરવામાં આવ્યો છે.
ICC હોલ ઓફ ફેમમાં સામેલ થયા બાદ ધોનીની પ્રતિક્રિયા
ભૂતપૂર્વ ભારતીય ક્રિકેટર એમએસ ધોનીએ હોલ ઓફ ફેમમાં સામેલ થવા બદલ આભાર વ્યક્ત કર્યો. ધોનીએ કહ્યું, 'આઈસીસી હોલ ઓફ ફેમમાં સામેલ થવું એ સન્માનની વાત છે, જે વિશ્વભરના ક્રિકેટરોની અનેક પેઢીઓના યોગદાનને માન્યતા આપે છે.' આવા સર્વકાલીન મહાન ખેલાડીઓ સાથે તમારું નામ યાદ આવે તે એક અદ્ભુત અનુભૂતિ છે. આ એવી વસ્તુ છે જેને હું હંમેશા યાદ રાખીશ.
હોલ ઓફ ફેમમાં ધોનીનો સમાવેશ ફક્ત તેની કારકિર્દીની સફળતાને જ પ્રતિબિંબિત કરતો નથી, પરંતુ સમગ્ર દેશ અને ખાસ કરીને ઝારખંડ માટે ગર્વની ક્ષણ છે. JSCA ના પ્રમુખ અજયનાથ શાહદેવ, સચિવ સૌરભ તિવારી અને અન્ય અધિકારીઓએ અભિનંદન પાઠવ્યા છે. તેમણે એમ પણ કહ્યું કે, માત્ર ભારત જ નહીં પરંતુ સમગ્ર વિશ્વ તેમની સિદ્ધિઓ ભૂલી શકશે નહીં.
આ પણ વાંચો:
- વેસ્ટ ઈન્ડઝના 'સુપડા સાફ'… ઈંગ્લેન્ડે ફાઈનલ T20I મેચ 37 રનથી જીતી સિરીઝ પર વર્ચસ્વ જમાવ્યું
- SA vs AUS Final: આફ્રિકાના માથેથી 'ચોકર' નો ટેગ હટશે…? આજથી શરુ થનાર વર્લ્ડ ટેસ્ટ ચેમ્પિયનશિપ અહીં જુઓ ફ્રી માં લાઈવ
- Explainer : ઈંગ્લેન્ડના એક ખેલાડીની બરોબર આખી ટીમ ઈન્ડિયા! શું નવી ટેસ્ટ ટીમ આ રેકોર્ડમાં આગળ વધશે?
