અમદાવાદ : આજે 09 એપ્રિલ, બુધવારના રોજ ચંદ્ર સિંહ રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે કિસ્મતનો સાથ. આજનું રાશિફળ ચંદ્ર પર આધારિત છે.
મેષ: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી પંચમ ભાવમાં ચંદ્ર ભ્રમણ કરી રહ્યો છે. સ્વભાવમાં ઉગ્રતા અને જિદ્દીપણા પર સંયમ રાખવાની સલાહ આપવામાં આવે છે. શારીરિક, માનસિક થોડી અસ્વસ્થતા અનુભવશો. વધુ પરિશ્રમના અંતે ઓછી સફળતા મળે તો પણ પ્રયાસો ચાલુ રાખજો કારણ કે તમારી મહેનતનું ફળ ભવિષ્યમાં ચોક્કસ મળશે. સંતાનોની બાબતમાં થોડી દોડધામ અથવા ચિંતા થઈ શકે છે. પેટને લગતી બીમારીઓથી પીડાતા જાતકોએ ભોજનમાં નિયમિતતા જાળવવી. મુસાફરીમાં અવરોધની શક્યતા હોવાથી સાચવજો. સરકારી કાર્યોમાં સફળતા મળવાના યોગ છે.
વૃષભ: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી ચતુર્થ ભાવમાં ચંદ્ર ભ્રમણ કરી રહ્યો છે. આપ દરેક કાર્ય દૃઢ આત્મવિશ્વાસ અને મક્કમ મનોબળ સાથે કરી તેમાં સફળતા મેળવશો. પિતા કે પૈતૃક સંપત્તિથી લાભ થાય. સરકારથી અથવા તેની સાથેના આર્થિક વ્યવહારથી ફાયદો થાય. વિદ્યાર્થીઓ તેમના અભ્યાસમાં સારો દેખાવ કરી શકશે. રમતગમત અને કલાક્ષેત્રના કસબીઓને પોતાની પ્રતિભા દર્શાવવાનો મોકો મળશે. સંતાનોના કામ પાછળ ખર્ચ થશે.
મિથુન: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી તૃતીય ભાવમાં ચંદ્ર ભ્રમણ કરી રહ્યો છે. આજનો દિવસ આપના માટે સારો અને લાભકારક નીવડશે. મિત્રો, ભાઇભાંડુઓ અને પડોશીઓ સાથેના આપના સંબંધો સુમેળભર્યા રહે. આર્થિક બાબતો માટે આજે તમે વઘુ સજાગ રહો. રોકાણકારોએ સાવચેતીપૂર્વક તેમનું મૂડી રોકાણ કરવું. આજે આપના વિચાર સ્થિર ન રહેતાં તેમાં ઝડપી ફેરફારો થઇ શકે છે. આજે તન મનથી તાજગી સ્ફૂર્તિ અનુભવાય. નવા કાર્યોના શુભારંભ માટે સારો દિવસ છે. વિરોધીઓને મહાત કરી શકો. એકંદરે આજનો દિવસ ભાગ્યવૃદ્ધિ અને આનંદ ઉલ્લાસનો દિવસ છે.
કર્ક: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી દ્વિતિય ભાવમાં ચંદ્ર ભ્રમણ કરી રહ્યો છે. આજે આપનો દિવસ મધ્યમ ફળ આપનાર નીવડશે. આજે આપને ચિત્તમાં થોડી બેચેની વર્તાશે માટે આધ્યાત્મિક કાર્યોમાં અથવા સેવા કાર્યોમાં મન પરોવવાની સલાહ છે. જે કોઇપણ કામ કરો તેમાં આપને ઈચ્છિત પરિણામ માટે વધુ પરિશ્રમ કરવો પડે અને એકાગ્રતા પણ વધારવી પડશે. શારીરિક આરોગ્ય જાળવી રાખવા માટે ખાવા-પીવા પર અંકુશ રાખવો. પરિવારના સભ્યો સાથે આપનું વર્તન અને વાણી બંનેમાં સ્પષ્ટતા રાખવાની સલાહ છે. વિદ્યાર્થીઓને ભણવામાં સફળતા મેળવવા માટે અભ્યાસના કલાકો વધારવા પડશે. કોઇપણ પ્રકારની અનૈતિક પ્રવૃત્તિઓથી દૂર રહેવાની સલાહ છે. ખર્ચ પર અંકુશ રાખવો.
સિંહ: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી પ્રથમ ભાવમાં ચંદ્ર ભ્રમણ કરી રહ્યો છે. આપનો આજનો દિવસ શુભ ફળ આપશે. આજે આપ આત્મવિશ્વાસથી ભરપૂર હશો અને દરેક કામ દૃઢ નિર્ણયશક્તિ સાથે કરી શકશો. સરકારી કાર્યોમાં અથવા સરકાર તરફથી લાભ થાય. પિતા કે વડીલોનો સાથ સહકાર મળી રહેશે. સામાજિક ક્ષેત્રે માન સન્માન મળે. વર્તનમાં ઉગ્રતા ન રાખવી. આજે ક્રોધાવેશનું પ્રમાણ વઘારે રહે. આરોગ્યમાં પેટને લગતી તકલીફો થાય. ખાવાપીવામાં ધ્યાન રાખવું. સમગ્ર દિવસ આનંદમાં પસાર થાય.
કન્યા: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી દ્વાદશ ભાવમાં ચંદ્ર ભ્રમણ કરી રહ્યો છે. આજે આપનો દિવસ શારીરિક અને માનસિક રીતે થોડી અસ્વસ્થતાનો સંકેત દર્શાવે છે. આજે કોઇની સાથે આપના અહમનો ટકરાવ ન થાય તે બાબતે ખાસ સંભાળવું. કોર્ટ કચેરીથી સાવધાન રહેવું. આકસ્મિક ધન ખર્ચ થાય. મિત્રો સાથે તમારું વર્તન સૌમ્ય રહેશે તો સંખ્યાબંધ સમસ્યાઓમાંથી બહાર નીકળવા માટે તેઓ જ માર્ગ સુચવશે. ધાર્મિક કાર્યો પાછળ ધનખર્ચ થાય. શાંત મગજથી કામ લેવું. સ્વભાવમાં ઉશ્કેરાટથી કામ બગડવાની શક્યતા છે. નોકરીયાતોએ હાથ નીચેના માણસો પાસેથી વધુ પડતી અપેક્ષાઓ રાખવી નહીં.
તુલા: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી એકાદશ ભાવમાં ચંદ્ર ભ્રમણ કરી રહ્યો છે. આપનો આજનો દિવસ ખૂબ જ ફળદાયક નીવડશે. આજે આપને જુદાજુદા ક્ષેત્રે લાભ થવાના યોગ છે. દોસ્તો સાથે મિલન મુલાકાત અને એકાદ મનોહર સ્થળે પર્યટન થવાની શક્યતા છે. ગૃહસ્થજીવનમાં પુત્ર અને પત્નીથી સુખની પ્રાપ્તિ થશે. ધનપ્રાપ્તિના યોગ છે. આજે આપની આવકમાં વૃદ્ધિ થવાના યોગ છે. વેપારીવર્ગને વેપારમાં સારો લાભ મળે. સ્ત્રી મિત્રોથી લાભ થાય. ઉત્તમ લગ્નસુખની પ્રાપ્તિ થાય.
વૃશ્ચિક: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી દશમ ભાવમાં ચંદ્ર ભ્રમણ કરી રહ્યો છે. આજનો દિવસ શુભફળદાયક હોવાનું જણાઈ રહ્યું છે. આજે આપના ગૃહસ્થ જીવનમાં આનંદ ઉલ્લાસ વ્યાપ્ત રહે. આપના દરેક કાર્યો વિના અવરોઘે પાર પડે. માન સન્માનના હકદાર બનો. નોકરીમાં વ્યવસાયમાં પદોન્નતિ થાય. ઉચ્ચ અધિકારીઓ તેમજ વડીલોની કૃપાદૃષ્ટિ રહે. આરોગ્ય સારું રહે. ધનલાભના યોગ છે. વેપારીઓને વેપાર અર્થે બહારગામ જવાનું બને. ઉઘરાણી થકી આવક વધે. મિત્રો સંબંધીઓથી ફાયદો થાય. સંતાનોની સંતોષકારક પ્રગતિ થાય.
ધન: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી નવમ ભાવમાં ચંદ્ર ભ્રમણ કરી રહ્યો છે. આજે આપને પ્રવાસ યાત્રા મોકૂફ રાખવાની સલાહ છે. આજે શરીરમાં થાક, આળસ અને કંટાળાની લાગણી લાગતી હોય તો કામકાજમાં વિરામ લઈને પરિવાર અથવા પ્રિયજનો સાથે થોડો સમય વિતાવવાનું આપના માટે બહેતર રહેશે. તેનાથી શારીરિક આરામ મળશે અને સંબંધોમાં પણ ઘનિષ્ટતા આવવાથી તમે મનથી હળવા થશો. સ્વાસ્થ્ય થોડું નરમગરમ રહે. આજે ભાગ્યના ભરોસે વધુ પડતા બેસી રહેવું નહીં. નોકરિયાતોને ઉપરી અધિકારીઓ સાથે વાતચીતમાં સંયમ રાખવાની સલાહ છે.
મકર: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી અષ્ટમ ભાવમાં ચંદ્ર ભ્રમણ કરી રહ્યો છે. નોકરી વ્યવસાય અંગે આજે પરિસ્થિતિ અનુકૂળ બની રહેશે. ઓફિસમાં વહીવટી કાર્ય આપ કુનેહતાપૂર્વક કરી શકો. વ્યવહારિક કે સામાજીક કાર્ય અંગે અચાનક બહારગામ જવાના સંજોગો ઊભા થાય. ખાવા- પીવામાં, હરવા- ફરવામાં ધ્યાન રાખવું. આકસ્મિક ધનખર્ચ થાય. ભાગીદારો સાથે આંતરિક મતભેદો ટાળીને એકબીજના સહકારમાં કામ કરવાની સલાહ છે. ઢીંચણમાં પીડા થાય. ગુસ્સાથી દૂર રહેવું. નિષેધાત્મક વિચારોથી દૂર રહેવું. નવા કામની શરૂઆત આજે ન કરવી.
કુંભ: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી સપ્તમ ભાવમાં ચંદ્ર ભ્રમણ કરી રહ્યો છે. આજે આપનામાં દૃઢ મનોબળ અને આત્મવિશ્વાસ છલકાતો દેખાશે. પ્રણય અને રોમાન્સ આપના દિવસને રંગીન અને મોજીલો બનાવશે. વિજાતીય વ્યક્તિઓ સાથે ઓળખાણ થાય કે મિત્રતા બંધાય. નાની મુસાફરી કે આનંદદાયક પર્યટન થાય. ભાવતા ભોજન અને નવા વસ્ત્રોથી આનંદ મળશે. પરિણિત દંપતીઓને ઉત્તમ દાંપત્યસુખની પ્રાપ્તિ થાય. જાહેરમાં આપના માન સન્માનમાં વૃદ્ધિ થાય. વાહન સુખ પ્રાપ્ત થાય. ભાગીદારીમાં લાભ થાય.
મીન: ચંદ્ર આજે સિંહ રાશિમાં ભ્રમણ કરી રહ્યો છે. આપની રાશિથી ષષ્ટમ ભાવમાં ચંદ્ર ભ્રમણ કરી રહ્યો છે. આપનો આજનો દિવસ આપના માટે શુભ ફળદાયી છે. આજે આપ દૃઢ મનોબળ અને આત્મવિશ્વાસ ધરાવતા હશો. આરોગ્ય જળવાશે. ઘરમાં શાંતિ અને આનંદનું વાતાવરણ રહેશે. રોજિંદા કાર્યો સારી રીતે કરી શકો. હરીફો સામે વિજય મળે. સ્વભાવમાં ઉગ્રતા રહે. તેથી સંભાળીને બોલવું અને વર્તવું. મોસાળ પક્ષમાંથી કોઇ સમાચાર મળે. સહકાર્યકરો અને હાથ નીચેના માણસોનો સાથ મળે.
