અમદાવાદ : આજે 07 એપ્રિલ, સોમવારના રોજ ચંદ્ર કર્ક રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે કિસ્મતનો સાથ. આજનું રાશિફળ ચંદ્ર પર આધારિત છે.
મેષ: આજે ચંદ્ર કર્ક રાશિમાં છે. આપની રાશિથી ચતુર્થ ભાવમાં ચંદ્ર રહેશે. આજે આપ વધુ પડતા લાગણીશીલ રહેશો જેથી કોઇના બોલવાથી આપની લાગણીને ઠેસ પહોંચશે. માતાના આરોગ્યની વિશેષ કાળજી લેવી પડશે. સ્થાવર મિલકતની બાબતમાં કોઇ નિર્ણય લેવો યોગ્ય નથી. માનસિક વ્યગ્રતા અને શારીરિક અસ્વસ્થતા ટાળવા માટે મેડિટેશનનો સહારો લઈ શકો છો. વિદ્યાર્થીઓ માટે સમય મધ્યમ કહી શકાય. આપનું સ્વમાન જળવાઈ રહે તે માટે સૌની સાથે આદરપૂર્ણ વર્તન કરવું. ઓફિસ કે વ્યવસાયમાં વિજાતીય વર્ગથી ચેતવાની સલાહ આપવામાં આવે છે.
વૃષભ: આજે ચંદ્ર કર્ક રાશિમાં છે. આપની રાશિથી તૃતીય ભાવમાં ચંદ્ર રહેશે. આપ તન અને મનની સ્વસ્થ અને પ્રફુલ્લિત રહેશો. પરિવારજનો સાથે ઘરના પ્રશ્નો અંગે ચર્ચા કરો. મિત્રો સાથે પ્રવાસનું આયોજન કરશો. આર્થિક બાબતો પર વધારે ધ્યાન આપશો. આપને દરેક કાર્યમાં સફળતા મળે. ભાગ્યવૃદ્ધિના યોગ છે. ભાઇભાંડુઓનો સારો સહકાર મળે. પ્રિયપાત્રનો સંગાથ અને જાહેર માનસન્માન મળે. વેપારમાં વૃદ્ધિ થાય તેમજ પ્રતિસ્પર્ધીઓને મહાત કરી શકશો.
મિથુન: આજે ચંદ્ર કર્ક રાશિમાં છે. આપની રાશિથી દ્વિતિય ભાવમાં ચંદ્ર રહેશે. આપનો આજનો દિવસ મિશ્રફળદાયક હોવાની સંભાવના છે. આજના દિવસ દરમ્યાન થોડો થાક કંટાળાની સાથે તાજગી સ્ફૂર્તિનો પણ અનુભવ કરશો. આજે નિર્ઘારિત કાર્યો પાર પાડી શકો. નાણાંકીય આયોજનો શરૂઆતમાં ખોરવાયા પછી પાર પડતાં લાગે. શુભેચ્છકો અને મિત્રો સાથે મુલાકાતના યોગો છે. નોકરી વ્યવસાયના સ્થળે પણ આપ ઉત્સાહ અને તાજગીનો અનુભવ કરો. સહકર્મચારીઓનો સાથ સહકાર મેળવી શકશો. પરિવારજનો સાથે સમય આનંદમાં વીતે.
કર્ક: આજે ચંદ્ર કર્ક રાશિમાં છે. આપની રાશિથી પ્રથમ ભાવમાં ચંદ્ર રહેશે. આજે આપ લાગણીઓના પ્રવાહમાં તણાશો અને મિત્રો, પરિવારજનો અને સગાં સ્નેહીઓ પણ તેમાં સહભાગી થશે. આપ ભેટ સોગાદો મેળવી શકશો. હરવા ફરવાનું અને સ્વાદિષ્ટ ભોજન માણવાનું આયોજન કરશો. શુભ પ્રસંગોમાં હાજરી આપી શકશો. પ્રવાસ આનંદ ઉત્સાહથી ભરપૂર રહેશે. આર્થિક લાભ થાય. દાંપત્યજીવનમાં વધુ નિકટતા અનુભવાશે.
સિંહ: આજે ચંદ્ર કર્ક રાશિમાં છે. આપની રાશિથી દ્વાદશ ભાવમાં ચંદ્ર રહેશે. આજે આપને વધુ પડતા સંવેદનશીલ ન બનવાની ચેતવણી આપવામાં આવે છે. આરોગ્યની બાબતમાં આજે આપ કોઇપણ બાબતમાં વધારે પડતા ચિંતિત રહો. કોર્ટ-કચેરીના કાર્યો સંભાળપૂર્વક કરવા. વિદેશથી સમાચાર મળે. શક્ય હોય ત્યાં સુધી દરેક વ્યક્તિ સાથે કમ્યુનિકેશનમાં પારદર્શકતા રાખવી. સ્ત્રીઓની બાબતમાં ચેતતા રહેવું. આજે આવક કરતાં ખર્ચ વધારે થશે. ખોટી દલીલબાજી અને ગેરસમજ ટાળવી.
કન્યા: આજે ચંદ્ર કર્ક રાશિમાં છે. આપની રાશિથી એકાદશ ભાવમાં ચંદ્ર રહેશે. આજે આપ ઘણાં પ્રકારના લાભ મેળવી શકશો. વેપાર ધંધામાં આપની વૃદ્ધિ થશે અને આવક પણ વધશે. નોકરીમાં પણ લાભ થવાની શક્યતા છે. દાંપત્યજીવનમાં પણ સંતોષ અને સુખ અનુભવાશે. પરિવારમાં સંતાન, પત્ની કે વડીલોથી લાભ મેળવી શકશો. મિત્રો સાથે સુંદર સ્થળે ફરવા જવાનું થાય. સ્ત્રી મિત્રોથી લાભ થવાની શક્યતા છે.
તુલા: આજે ચંદ્ર કર્ક રાશિમાં છે. આપની રાશિથી દશમ ભાવમાં ચંદ્ર રહેશે. આજે આપનું દરેક કામ સરળતાથી પૂરૂં થશે. આપના માન-પાન વધશે. ઉપરી અધિકારીઓ તરફથી પ્રોત્સાહન મળતા આપના આત્મવિશ્વાસમાં વધારો થશે. વેપારીઓ તેમના નફામાં વૃદ્ધિ કરી શકશે. આપનું લગ્ન જીવન આનંદથી ભરપૂર રહેશે. આપનું સ્વાસ્થ્ય સારું રહેશે. આપને સારું દાંપત્ય સુખ પ્રાપ્ત થશે.
વૃશ્ચિક: આજે ચંદ્ર કર્ક રાશિમાં છે. આપની રાશિથી નવમ ભાવમાં ચંદ્ર રહેશે. આપને આજે શરીરમાં થોડો થાક, આળસ રહેવાથી કામકાજમાં મન ઓછુ લાગશે. વેપારીઓને વ્યવસાયમાં તકલીફ ઊભી થાય. અત્યારે પ્રોફેશનલ મોરચે હરિફાઈનો સામનો કરવાની પણ તૈયારી રાખવી પડશે. આવી સ્થિતિમાં પૂર્વાયોજન સાથે આગળ વધવાનું આપના માટે ફાયદાકારક નીવડશે. સંતાનોથી મતભેદ ટાળવા માટે તેમની સાથે મહત્ત્વના મુદ્દે ચર્ચા ટાળવી અથવા શાંતિથી ચર્ચા કરવી. તેમના આરોગ્યની પણ કાળજી લેવી પડશે. નાણાં ખર્ચ વધે. ઉપરી અધિકારીઓનો સહકાર અને માર્ગદર્શન અપેક્ષા કરતા ઓછું મળે. અગત્યના નિર્ણયો લેવાનું આજે ટાળવું. રાજકીય અવરોધો પણ પરેશાન કરી શકે છે.
ધન: આજે ચંદ્ર કર્ક રાશિમાં છે. આપની રાશિથી અષ્ટમ ભાવમાં ચંદ્ર રહેશે. આપ વાણી અને સ્વભાવની ઉગ્રતાને અંકુશમાં નહીં રાખો તો સમસ્યા સર્જાય તેવી શક્યતા છે. આપનું સ્વાસ્થ્ય કથળે અને કફ તથા શરદી જેવી તકલીફો ઉભી થાય. મન બેચેન રહે.નાણાંકીય ખર્ચ થઇ શકે. ખોટા કાર્યોથી દૂર રહેવું. સરકાર તરફથી મળતા લાભોમાં ઘટાડો થઈ શકે છે. કામકાજના સ્થળે દરેકની સાથે સહકારની ભાવના વધારવી પડશે.
મકર: આજે ચંદ્ર કર્ક રાશિમાં છે. આપની રાશિથી સપ્તમ ભાવમાં ચંદ્ર રહેશે. આપના વિચારો તેમ જ વર્તનમાં લાગણીનું પ્રમાણ વધારે રહેશે. મિત્રો અને પરિવારજનો સાથે ખુશીમાં સમય પસાર કરી શકશો. આપને શારિરીક માનસિક સ્ફૂર્તિ અને આનંદ અનુભવાશે. આપના વ્યવસાયમાં વૃદ્ધિ થશે. વિવિધ સ્રોતો દ્વારા આપની આવકમાં વધારો થશે. ભાગીદારીથી લાભ થાય. સમાજ માં આપની પ્રતિષ્ઠા વધશે. આપ પ્રવાસની મજા માણશો. વિજાતીય વ્યક્તિ તરફ આકર્ષણ અનુભવશો.
કુંભ: આજે ચંદ્ર કર્ક રાશિમાં છે. આપની રાશિથી ષષ્ટમ ભાવમાં ચંદ્ર રહેશે. કાર્ય સફળતા માટે આજે શુભ દિવસ હોવાનું જણાઈ રહ્યું છે. આજે કરેલા કાર્યોમાં આપ યશસ્વી બનો અને ખ્યાતિમાં વધારો થાય. કુટુંબીજનો સાથે સારી રીતે દિવસ પસાર કરો અને ઘરમાં એખલાસભર્યું વાતાવરણ રહે. તન- મનથી આપ પ્રફુલ્લિત રહો. આજે આપને વધુ પડતા લાગણીશીલ વિચારો આવે અને આપનું વર્તન પણ ભાવનાશીલ રહે. નોકરીમાં સહકાર્યકરોના સહકારથી કામ પાર પાડી શકો. કામની જ બાબતમાં ખર્ચ થાય. એકંદરે આજનો દિવસ સારી રીતે પસાર થશે.
મીન: આજે ચંદ્ર કર્ક રાશિમાં છે. આપની રાશિથી પંચમ ભાવમાં ચંદ્ર રહેશે. કલ્પનાની સૃષ્ટિમાં વિહાર કરવાનું ગમશે. સાહિત્ય લેખનમાં આપની સર્જનાત્મકતા પ્રગટ કરી શકશો. વિદ્યાર્થીઓ માટે સારો દિવસ છે. પ્રેમીજનો પ્રિયપાત્રનું સાનિધ્ય માણી શકે. શેર સટ્ટામાં લાભ થાય પરંતુ અતિ લોભમાં આવીને સોદા કરવા નહીં. માનસિક સમતુલા જાળવી રાખવાની આપને ખાસ સલાહ છે.
