અમદાવાદ: આજે 27 માર્ચ, ગુરુવારના રોજ ચંદ્ર કુંભ રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: ચંદ્ર આજે કુંભ રાશિમાં રહેશે. આપના માટે ચંદ્ર એકાદશ ભાવમાં ભ્રમણ કરશે. આપ સામાજિક પ્રસંગોમાં હાજરી આપશો અને મિત્રો તથા સ્નેહીઓ સાથે આપ ઘણો આનંદ માણી શકશો. મિત્રો પાછળ ખર્ચ થશે અને તેમની પાસેથી લાભ પણ મેળવી શકશો. આપ કુદરતી સૌદર્યની નિકટતા માણવા ફરવા જવાનું આયોજન કરો તેવી પણ શક્યતા છે. સંતાનો પાસેથી સારા સમાચાર મેળવી શકશો. લગ્નજીવનમાં શાંતિ અને સુમેળ જળવાઇ રહેશે. આપના માટે આવકની નવી તકો ઊભી થશે. અચાનક આર્થિક લાભ થવાની પણ શક્યતા છે.
વૃષભ: ચંદ્ર આજે કુંભ રાશિમાં રહેશે. આપના માટે ચંદ્ર દશમ ભાવમાં ભ્રમણ કરશે. જે લોકો નવા કામની શરૂઆત અને આયોજન કરવા ઇચ્છે છે તેમના માટે દિવસ ઘણો સારો છે. આજે આપ નોકરી-વ્યવસાયમાં ફાયદાકારક પરિણામો મેળવી શકશો. પદોન્નતિ થાય, વેપારમાં નવી તકો મેળવી શકશો. સરકાર દ્વારા પણ લાભ થઇ શકે છે. સમાજમાં આપની ગણના થશે અને નોંધ લેવાશે. આપના વિલંબમાં પડેલા કામ પૂરા થઇ શકશે. દાંપત્યજીવન વધુ સુખમય રહેશે.
મિથુન: ચંદ્ર આજે કુંભ રાશિમાં રહેશે. આપના માટે ચંદ્ર નવમ ભાવમાં ભ્રમણ કરશે. આજે આપના કાર્યો પૂર્ણ થવામાં થોડી રાહ જોવાની તૈયારી રાખવી. શરીરમાં સ્ફૂર્તિ જળવાઈ રહે તે માટે કામનું અતિભારણ લેવાનું ટાળજો. પેટના રોગો હોય તેવા જાતકોએ વધુ સાચવવું. નોકરીમાં ઉપરી અધિકારીઓ સાથે કામ પૂરતી વાત કરવી. રાજકીય પળોજણોથી દૂર રહેવામાં આપની ભલાઇ છે. મહત્વના કામ કે નિર્ણય આજે મુલતવી રાખવા. સંતાનો સાથે મતભેદ ટાળવાની તેમજ શાંતિથી તેમની સાથે ચર્ચા કરવાની સલાહ છે. હરીફો અને વિરોધીઓથી ચેતતા રહેવું જરૂરી છે.
કર્ક: ચંદ્ર આજે કુંભ રાશિમાં રહેશે. આપના માટે ચંદ્ર અષ્ટમ ભાવમાં ભ્રમણ કરશે. મનનું નકારાત્મક વલણ છોડીને દરેક કાર્યમાં અથવા દરેક વ્યક્તિ સાથે વ્યવહારમાં સકારાત્મક અભિગમ સાથે આગળ વધજો. બહારનું ખાવા પીવાના કારણે તંદુરસ્તીને વિપરિત અસર પડી શકે છે માટે સ્વાદના ચટાકા લેવાનું ટાળજો. ક્રોધને અંકુશમાં રાખી શક્ય હોય ત્યાં સુધી રમૂજી રહેવું. પરિવારના સભ્યો સાથે શાંતિ અને વિનમ્રતાથી વર્તન કરવું. નવા સંબંધોની શરૂઆત કરવામાં અતિ ઉતાવળ કરવી નહીં. નાણાંની ખેંચ અનુભવવી પડે. ઇશ્વરભક્તિથી હળવાશ અનુભવી શકશો.
સિંહ: ચંદ્ર આજે કુંભ રાશિમાં રહેશે. આપના માટે ચંદ્ર સપ્તમ ભાવમાં ભ્રમણ કરશે. પતિ- પત્ની વચ્ચે નજીવા કારણોસર ખટરાગની નોબત ટાળવા માટે તમારે એકબીજાને સંબંધોમાં પુરતો અવકાશ આપવો પડશે. જીવનસાથીના સ્વાસ્થ્યની વધુ કાળજી લેવાની સલાહ છે. સાંસારિક બાબતોમાં તમે ઓછુ ધ્યાન આપી શકશો. જાહેરજીવનમાં આપને અપેક્ષા કરતા ઓછો યશ મળે. ભાગીદારો સાથે મતભેદ ટાળવા માટે ખાસ કરીને કોઈપણ આર્થિક વ્યવહારોમાં વધુ પારદર્શકતા રાખવી. વિજાતીય પાત્રો સાથેની મુલાકાત સામાન્ય રહે. કોર્ટ કચેરીના પ્રશ્નો ઉકેલવામાં વિલંબ થાય.
કન્યા: ચંદ્ર આજે કુંભ રાશિમાં રહેશે. આપના માટે ચંદ્ર ષષ્ટમ ભાવમાં ભ્રમણ કરશે. આજનો દિવસ આપના માટે સારો છે. ઘરમાં સુખશાંતિનું વાતાવરણ રહે. જેથી આપનું મન પણ પ્રસન્ન રહે. સુખ પમાડે તેવા બનાવો બને. આરોગ્ય સારું રહે. બીમાર માણસોની તંદુરસ્તીમાં સુધારો થતો જણાય. આર્થિક લાભ વધારે રહે. કાર્યમાં યશ મળે. નોકરીમાં સહકાર્યકરોનો સારો સહકાર મળી રહે. હરીફો પર વિજય મેળવી શકશો. મોસાળ પક્ષ તરફથી સમાચાર મળે.
તુલા: ચંદ્ર આજે કુંભ રાશિમાં રહેશે. આપના માટે ચંદ્ર પંચમ ભાવમાં ભ્રમણ કરશે. આપનો આજનો દિવસ સુખપૂર્વક પસાર થશે. બૌદ્ધિક પ્રવૃત્તિઓમાં તેમજ ચર્ચામાં આપનો સમય પસાર થાય. કલ્પનાશક્તિ અને સર્જનશક્તિનો શ્રેષ્ઠ ઉપયોગ આપ કરી શકશો. સંતાનો તરફથી આપને શુભ સમાચાર મળે તેમજ તેમની પ્રગતિ થાય. પ્રિયતમા સાથેનું મિલન સુખદ રહે. સ્ત્રી મિત્રોનો સહકાર મળશે. માનસિક અને શારીરિક રીતે આપ તાજગી, સ્ફૂર્તિનો અનુભવ કરશો. વધુ પડતાં વિચારો મનને વિચલિત બનાવે.
વૃશ્ચિક: ચંદ્ર આજે કુંભ રાશિમાં રહેશે. આપના માટે ચંદ્ર ચતુર્થ ભાવમાં ભ્રમણ કરશે. આપને આજનો દિવસ શક્ય હોય એટલો શાંત ચિત્તે પસાર કરવાની સલાહ આપવામાં આવે છે. આજે આપના મનમાં વૈચારિક ગડમથલ અને બિનજરૂરી ચિંતાઓનું પ્રભૂત્ત્વ વધી શકે છે. આપ્તજનો સાથે કોઈપણ વાતચીત અથવા વર્તનમાં સૌમ્ય રહેવાની સલાહ છે. માતાના સ્વાસ્થ્યની વિશેષ કાળજી લેવાની સલાહ છે. ધન અને કીર્તિને સાચવવા માટે પણ પ્રયાસો વધારવા પડશે. સ્ત્રી પાત્રો અથવા પાણીથી સાચવવું. જાહેરમાં અપમાન થાય તેવા કોઈપણ કાર્ય કે વર્તનથી દૂર રહેવાની સલાહ છે. માલ મિલકતના દસ્તાવેજો કરવામાં સાવધાની રાખવી.
ધન: ચંદ્ર આજે કુંભ રાશિમાં રહેશે. આપના માટે ચંદ્ર તૃતીય ભાવમાં ભ્રમણ કરશે. આજે આપ ગૂઢ રહસ્યવાદ અને આધ્યાત્મિકતાના રંગે રંગાયેલા હશો. આપને આ અંગેના અભ્યાસમાં વધુ રસ પડે. ભાઇબહેનો સાથે સારો સુમેળ રહે. ચિત્તમાં પ્રસન્નતા રહે. નવા કાર્યની શરૂઆત માટે સમય સારો હોવાનું જણાઈ રહ્યું. મિત્રો અને સગાંસ્નેહીઓ સાથે મિલાપ થાય. આજે આપને કાર્યમાં સફળતા મળે. પ્રતિસ્પર્ધીઓને મ્હાત કરી શકો. ટૂંકી મુસાફરીની શક્યતા છે. પ્રિયતમાનો સંગાથ મળે. ભાગ્યવૃદ્ધિ થાય. જાહેર માન- સન્માન મળે.
મકર: ચંદ્ર આજે કુંભ રાશિમાં રહેશે. આપના માટે ચંદ્ર દ્વિતિય ભાવમાં ભ્રમણ કરશે. આજે આપ શેર- સટ્ટાકીય વ્યાપાર અંગે નાણાંનું રોકાણ કરશો. આકસ્મિક ધનલાભ થાય. પરિવારમાં સભ્યો સાથે મનદુ:ખ થતાં વાતાવરણ ડહોળાયેલું રહે. ગૃહિણીઓને આજે કોઇક કારણે માનસિક અસંતોષ અનુભવાય. વિદ્યાર્થીઓને અભ્યાસમાં વધારે મહેનત કરવી પડે. શારીરિક આરોગ્ય મધ્યમ રહે. જમણી આંખમાં પીડા થવાની સંભાવના છે. નકારાત્મક વિચારો પર સ્વસ્થતાથી કાબૂ મેળવવાની સલાહ આપવામાં આવે છે. આધ્યાત્મિક પ્રવૃત્તિઓ માટે સારો દિવસ છે.
કુંભ: ચંદ્ર આજે કુંભ રાશિમાં રહેશે. આપના માટે ચંદ્ર પ્રથમ ભાવમાં ભ્રમણ કરશે. આપનો આજનો દિવસ શુભ ફળદાયક હોવાનું જણાઈ રહ્યું છે. આજે ભૌતિક અને આધ્યાત્મિક બંને રીતે આપનો સારો અનુભવ થાય. શારીરિક અને માનસિક પ્રસન્નતાથી આપ ખુશખુશાલ રહેશો. કુટુંબીજનો અને દોસ્તો સાથે બહાર ફરવા જાઓ તેમજ સુરૂચિપૂર્ણ ભોજન લો. તેમના તરફથી ભેટ ઉપહાર મળતાં આનંદ અનુભવશો. આજે કોઇ વિચારો અંગે ઉંડું ચિંતન કરી શકો. આધ્યાત્િમકતા પણ આજે આપને સ્પર્શી જાય. દાંપત્યજીવનનો આનંદ માણી શકશો.
મીન: ચંદ્ર આજે કુંભ રાશિમાં રહેશે. આપના માટે ચંદ્ર દ્વાદશ ભાવમાં ભ્રમણ કરશે. આજે આપના મનની એકાગ્રતા ઓછી રહેશે અને માનસિક વ્યથા વધારે રહેશે માટે શક્ય હોય એટલા શાંત ચિત્તે કામ લેવાની સલાહ છે. ધાર્મિક કાર્યોમાં ખર્ચ થાય. જન સેવાને લગતા ખર્ચનું પ્રમાણ વધારે રહે. રોકાણકારોએ મૂડી રોકાણ કરતાં ધ્યાન રાખવું. સ્વજનોથી દૂર રહેવાનું થાય. સ્વજનો સાથે મતભેદ ટાળવા વર્તન સૌમ્ય રાખવું. ટૂંકાગાળાના લાભ લેવા જતા નુકસાન ન થાય તે જોવું. મહત્ત્વના કાગળો પર સહી-સિક્કા કરતાં પહેલા ધ્યાન રાખવું અને કોર્ટ કચેરીના કામો આજે સંભાળપૂર્વક હાથ ઘરવા. આધ્યાત્મિક કાર્યોમાં દિવસ પસાર થાય. જમીન કે પૈસાની લેવડદેવડ ન કરવી.
