હૈદરાબાદ: સિકંદર ઈદના અવસર પર 30 માર્ચે સિનેમાઘરોમાં રિલીઝ થઈ છે અને તેનો ક્રેઝ દર્શકોના માથે ચઢીને બોલી રહ્યો છે. આ દરમિયાન, ભાઈજાનનો એક એવો જ ક્રેઝી ફેન સોશિયલ મીડિયા પર વાયરલ થયો હતો. જેણે રુ. 1.72 લાખમાં સિકંદરની ટિકિટ ખરીદી હતી. તેમણે આ ટિકિટો સિકંદર જોવા આવેલા દર્શકોમાં વહેંચી દીધી હતી. સલમાન ખાનના એક ઉત્સાહી ચાહકે ફિલ્મની 817 ટિકિટો ખરીદી - જેની કિંમત 1.72 લાખ રૂપિયા હતી અને તેને મફતમાં વહેંચી નાખી હતી.
આ ક્રેઝી ફેન કોણ છે?
આ ક્રેઝી ફેન રાજસ્થાનના ઝુમરુના કુલદીપ સિંહ કસવાઈ છે. જેમણે સિકંદર માટે ઘણા પૈસા ખર્ચ્યા અને પહેલા દિવસના પહેલા શો માટે 817 ટિકિટ ખરીદી હતી. કુલદીપે આ પહેલી વાર નથી કર્યું, પણ તેણે ખુલાસો કર્યો કે, તે સલમાન ખાનની ઘણી ફિલ્મો માટે આવું કરી રહ્યો છે. જેમાં અંતિમ: ધ ફાઇનલ ટ્રુથ, કિસી કા ભાઈ કિસી કી જાન અને બીજી ઘણી ફિલ્મોનો સમાવેશ થાય છે.
A Hardcore Salman Khan fan bought tickets worth Rs. 1,72000/- for first day first show of movie Sikandar. #Sikandar #SalmanKhan #Fan #SikandarAdvanceBooking pic.twitter.com/aHFTxcw8dY
— Raajeev Chopra (@Raajeev_Chopra) March 29, 2025
સલમાનના જન્મદિવસ પર 6.35 લાખ રૂપિયાના કપડાંનું વિતરણ કર્યું
કુલદીપે એ પણ ખુલાસો કર્યો કે, તે મુંબઈના બાંદ્રા સ્થિત ગેઇટી ગેલેક્સીમાં સલમાનના ચાહકોને બધી 817 ટિકિટો મફતમાં આપશે. પોતાના અદ્ભુત કામ વિશે વાત કરતાં તેમણે કહ્યું કે, 'હું સલમાન ખાન માટે કંઈક ને કંઈક કરતો રહું છું'. 27 ડિસેમ્બર, 2024 ના રોજ સલમાન ખાનના 59મા જન્મદિવસે કુલદીપે કંઈક એવું કર્યું જેણે લોકોના દિલ જીતી લીધા. તેમણે સલમાનના બ્રાન્ડ બીઇંગ હ્યુમનમાંથી 6.35 લાખ રૂપિયાના કપડાં જરૂરિયાતમંદોને વહેંચ્યા.
સિકંદર પર દર્શકોનો રિવ્યૂ
સલમાન ખાનના પહેલા દિવસના પહેલા શો પર, દર્શકોએ X પર પોતાની પ્રતિક્રિયાઓ શેર કરી છે. કેટલાક લોકોએ સલમાન ખાનની ફિલ્મ સિકંદરને સંપૂર્ણ પારિવારિક મનોરંજક ફિલ્મ ગણાવી, જ્યારે કેટલાક લોકોને આ ફિલ્મ ખાસ લાગી નહીં. સિકંદરને IMDb તરફથી 7.5 રેટિંગ મળ્યું છે. બીજી બાજુ, ખરાબ સમાચાર એ છે કે, સિકંદર રિલીઝ થાય તે પહેલાં જ ઓનલાઈન લીક થઈ ગઈ. ટ્રેડ વિશ્લેષક કોમલ નાહટાએ તેમના X એકાઉન્ટ પર લખ્યું, 'આ કોઈપણ નિર્માતા માટે સૌથી ખરાબ સ્વપ્ન છે. આ ફિલ્મ થિયેટરોમાં રિલીઝ થાય તે પહેલાં જ લીક થઈ રહી છે.'
એઆર મુરુગાદોસ દ્વારા દિગ્દર્શિત 'સિકંદર' પહેલી વાર સલમાન ખાન અને રશ્મિકા મંદાની જોડીને મોટા પડદા પર રજૂ કરી છે. આ ફિલ્મમાં શરમન જોશી, પ્રતીક બબ્બર, અંજિની ધવન, સત્યરાજ અને કાજલ અગ્રવાલ પણ મહત્વપૂર્ણ ભૂમિકામાં છે. 30 માર્ચે રિલીઝ થનારી 'સિકંદર'માં સલમાન સંપૂર્ણ એક્શનમાં જોવા મળશે. ઈદ પર આ તેની મોટી વાપસી છે.
આ પણ વાંચો:
