મુંબઈ : ભારતીય શેરબજાર આજે સપાટ ખુલ્યું છે. કારોબારી સપ્તાહના ત્રીજા દિવસ આજે 4 જૂન, બુધવારના રોજ ભારતીય શેરબજારના મુખ્ય સૂચકાંક સપાટ ખુલ્યા છે. જેમાં BSE Sensex અને NSE Nifty અનુક્રમે 40 અને 18 પોઈન્ટના વધારા સાથે સપાટ ખુલ્યો છે. જોકે, શરુઆતી કારોબાર બાદથી બજારમાં ઉતાર ચઢાવ નોંધાઈ રહ્યા છે.
ભારતીય શેરબજાર...
BSE Sensex : આજે 4 જૂન, બુધવારના રોજ BSE Sensex ગત 80,737.51 બંધની સામે 40 પોઇન્ટ વધારા સાથે 80,777.65 ના મથાળે સપાટ ખુલ્યો હતો. શરૂઆતમાં જ 80,967.68 પોઈન્ટની ડે હાઈ બનાવ્યા બાદ સેન્સેક્સમાં સતત ઉતાર ચઢાવ નોંધાઈ રહ્યો છે.
NSE Nifty : બીજી તરફ NSE Nifty ગત 24,542.50 ના બંધ સામે લગભગ 18 પોઈન્ટના વધારા સાથે 24,560.45 ના મથાળે સપાટ ખુલ્યો છે. જોકે, શરૂઆતમાં જ 24,612.75 ડે હાઈ બનાવ્યા બાદ NSE નિફ્ટીમાં સતત ઉતાર ચઢાવ નોંધાઈ રહ્યો છે.
સ્ટોકની સ્થિતિ : આજે શરૂઆતી ટ્રેડિંગ દરમિયાન સેન્સેક્સમાં લિસ્ટેડ કંપનીઓમાં ભારતી એરટેલ, ટાટા મોટર્સ, એમ એન્ડ એમ, ઇન્ડસઇન્ડ બેંક અને ટેક મહિન્દ્રાના સ્ટોક ટોપ ગેઈનરમાં સામેલ હતા. જ્યારે અલ્ટ્રાટેક સિમેન્ટ, ટાઈટન કંપની, ICICI બેંક, અદાણી પોર્ટ્સ અને TCS ના સ્ટોક ટોપ લૂઝરમાં સામેલ હતા.
મંગળવારનું માર્કેટ : ટ્રેડિંગ સપ્તાહના બીજા દિવસે શેરબજાર લાલ નિશાનમાં બંધ થયું. BSE પર સેન્સેક્સ 636 પોઈન્ટના ઘટાડા સાથે 80,737.51 પર બંધ થયો. બીજી તરફ NSE પર નિફ્ટી 0.70 ટકાના ઘટાડા સાથે 24,542.50 પર બંધ થયો.
