મુંબઈ: ટ્રેડિંગ સપ્તાહના ત્રીજા દિવસે શેરબજાર વધઘટ સાથે ટ્રેડ થયું અને ગ્રીન ઝોનમાં બંધ થયું હતું. BSE પર સેન્સેક્સ 309 પોઈન્ટના ઉછાળા સાથે 77,044.65 પર બંધ થયો. જ્યારે NSE પર નિફ્ટી 0.45 ટકાના વધારા સાથે 23,433.65 પર બંધ થયો હતો.
આજના ટ્રેડિંગ દરમિયાન નિફ્ટીમાં ટોચના ગેઇનર્સની યાદીમાં ઇન્ડસઇન્ડ બેંક, એક્સિસ બેંક, ટ્રેન્ટ, ઓએનજીસી, એશિયન પેઇન્ટ્સના શેરનો સમાવેશ થયો હતો. જ્યારે મારુતિ સુઝુકી, હિન્ડાલ્કો, બજાજ ફાઇનાન્સ, એનટીપીસી, ટાટા મોટર્સના શેર ટોચના લૂઝર્સની યાદીમાં સામેલ હતા.
- વિવિધ સેક્ટરોમાં IT, ઓટો સિવાય અન્ય તમામ સૂચકાંકો ગ્રીન ઝોનમાં ટ્રેડ થયા હતા, જેમાં મીડિયા, PSU બેંકો, તેલ અને ગેસ 1-2 ટકા વધ્યા હતા.
- BSE મિડકેપ અને સ્મોલકેપ સૂચકાંકોમાં 0.5 ટકાનો વધારો થયો.
- બુધવારે ભારતીય રૂપિયો 85.77 પ્રતિ ડોલર પર બંધ થયો હતો, જે મંગળવારના 85.68ના બંધ દરની સરખામણીમાં થોડો વધારે હતો.
છેલ્લા બે સત્રોમાં બેન્ચમાર્ક સૂચકાંકોમાં લગભગ 4 ટકાનો વધારો થયો છે, જેના કારણે 2 એપ્રિલના રોજ US રાષ્ટ્રપતિ ડોનાલ્ડ ટ્રમ્પે પારસ્પરિક ટેરિફની જાહેરાત કર્યા પછી સેન્સેક્સને મહિનાના પ્રારંભિક નુકસાનને પુનઃપ્રાપ્ત કરવામાં મદદ મળી છે.
આજનું ઓપનિંગ માર્કેટ: ટ્રેડિંગ સપ્તાહના ત્રીજા દિવસે શેરબજાર ગ્રીન ઝોનમાં ખુલ્યું હતું. BSE પર સેન્સેક્સ 104 પોઈન્ટ ઘટીને 76,630.22 પર ખુલ્યો હતો. જ્યારે NSE પર નિફ્ટી 0.15 ટકાના ઘટાડા સાથે 23,293.35 પર ખુલ્યો હતો.
આ પણ વાંચો:
