શ્રીનગરઃ જમ્મુ-કાશ્મીરમાં સત્તાધારી પક્ષના એક ધારાસભ્યે વિધાનસભામાં પોતાની દર્દનાક કહાની સંભળાવી. તેમણે જણાવ્યું કે કઈ પરિસ્થિતિમાં તેમણે આતંકવાદનો માર્ગ પસંદ કરવાનો નિર્ણય લીધો હતો.
નેશનલ કોન્ફરન્સના નેતા અને ધારાસભ્ય કૈસર જમશેદ લોને કહ્યું કે, જ્યારે તે 9મા ધોરણમાં ભણતા હતા ત્યારે તેમણે ભયાનક પરિસ્થિતિનો સામનો કરવો પડ્યો હતો. આ કારણે તેમણે બંદૂક ઉપાડીને આતંકવાદી બનવાનું વિચાર્યું પરંતુ આર્મી ઓફિસરની વાતથી એટલા પ્રભાવિત થયા કે તેમણે પોતાનો વિચાર બદલી નાખ્યો.
ધારાસભ્યએ કહ્યું કે, જ્યારે તે ધોરણ 9માં હતો ત્યારે ગામમાં એક કમાન્ડિંગ આર્મી ઓફિસરે કથિત રીતે આ વિસ્તારમાં ઓપરેશન દરમિયાન તેને ટોર્ચર કર્યો હતો. અધિકારીએ તેમને વિસ્તારના આતંકવાદીઓ વિશે જાણવા માટે પ્રશ્નો પૂછ્યા હતા. જવાબમાં તેમણે હા પાડી. આ પછી તેમના પર કથિત રીતે અત્યાચાર ગુજારવામાં આવ્યો હતો.
જમ્મુ અને કાશ્મીર વિધાનસભામાં લેફ્ટનન્ટ ગવર્નર મનોજ સિન્હાના સંબોધન પર આભાર પ્રસ્તાવ દરમિયાન લોને આ આપવીતીનું વર્ણન કર્યું. લોન સરહદી કુપવાડા જિલ્લાના લોલાબ વિધાનસભા મતવિસ્તારના ધારાસભ્ય છે. તે નિયંત્રણ રેખા પર સ્થિત છે. આ વિસ્તાર 1989થી આતંકવાદીઓ માટે ઘૂસણખોરીનો માર્ગ છે.
લોને લોલાબથી પીપલ્સ ડેમોક્રેટિક પાર્ટી (PDP)ના ઉમેદવારને હરાવ્યા. તે એનસીના દિવંગત નેતા અને પૂર્વ મંત્રી મુશ્તાક અહેમદ લોનના ભત્રીજા છે, જેની 90ના દાયકામાં આતંકવાદીઓ દ્વારા હત્યા કરવામાં આવી હતી.
ધારાસભ્ય લોને વધુમાં જણાવ્યું હતું કે, 90ના દાયકામાં જ્યારે કાશ્મીર ખીણમાં આતંકવાદ ચરમસીમા પર હતો ત્યારે સુરક્ષા દળો આતંકવાદીઓ અને તેમના OGWની ધરપકડ કરવા માટે કાર્યવાહી કરતા હતા. લોને કહ્યું કે, આ જ ક્રમમાં તેના જેવા અન્ય 32 યુવાનોને પકડીને કથિત રીતે અત્યાચાર ગુજારવામાં આવ્યો હતો.
તે દરમિયાન તેઓ એક વરિષ્ઠ અધિકારીને મળ્યા. તેમણે તેમના વિશે પૂછ્યું. જ્યારે ઓફિસરને ખબર પડી કે લોન આતંકવાદી બનવા માંગે છે તો તે ગુસ્સે થઈ ગયા અને તેને સમજાવ્યો. ત્યારબાદ તેમણે પોતાના જુનિયર ઓફિસરને બોલાવીને તેમને ફટકાર લગાવી. સિનિયર ઓફિસરે લોનને લગભગ 20 મિનિટ સુધી સમજાવ્યું, ત્યારબાદ તેણે પોતાનો વિચાર બદલી નાખ્યો.
લોને કહ્યું કે, તે સમયગાળા દરમિયાન, કથિત રીતે અત્યાચાર ગુજારવામાં આવેલા 32 યુવાનોમાંથી 27 સેનાની તાલીમ માટે પાકિસ્તાન ગયા અને આતંકવાદી બન્યા. લોકો અને સિસ્ટમ વચ્ચેના સંવાદ અને વાતચીતનું મહત્વ સમજાવતા તેમણે કહ્યું, 'મેં સંવાદનું મહત્વ બતાવવા માટે આ ઘટના કહી.
આ પણ વાંચો:
