જમ્મુ-કાશ્મીરના ત્રાલમાં એન્કાઉન્ટર યથાવત, સુરક્ષા દળોએ આતંકવાદીઓને ઘેર્યા

જમ્મુ અને કાશ્મીરમાં 48 કલાકમાં આ બીજું એન્કાઉન્ટર છે. અગાઉ સુરક્ષા દળોએ લશ્કર-એ-તૈયબાના ત્રણ આતંકવાદીઓને ઠાર માર્યા હતા.

શ્રીનગર : જમ્મુ અને કાશ્મીરમાં આતંકવાદીઓ સામે સુરક્ષા દળોની કાર્યવાહી યથાવત છે. આજે ત્રાલના નાદિર ગામમાં સુરક્ષા દળો અને આતંકવાદીઓ વચ્ચે એન્કાઉન્ટરના સમાચાર છે. સૂત્રોના જણાવ્યા અનુસાર, આ વિસ્તારમાં જૈશ-એ-મોહમ્મદના બે થી ત્રણ આતંકવાદીઓ છુપાયેલા હોવાની શંકા છે.

લશ્કર-એ-તૈયબાના ત્રણ આતંકી ઠાર : આ એન્કાઉન્ટર ત્રાલના નાદિર ગામમાં ચાલી રહ્યું છે અને સુરક્ષા દળોએ સમગ્ર વિસ્તારને ઘેરી લીધો છે. પુલવામામાં 48 કલાકમાં આ બીજું એન્કાઉન્ટર છે. મંગળવારે અગાઉ સુરક્ષા દળોએ શોપિયામાં લશ્કર-એ-તૈયબાના ત્રણ આતંકવાદીઓને ઠાર માર્યા હતા. આ સતત એન્કાઉન્ટર ખીણમાં સક્રિય આતંકવાદીઓ સામે સુરક્ષા દળોની સતર્કતા દર્શાવે છે.

Encounter breaks out between security forces and terrorists in J-K's Tral

Read @ANI Story | https://t.co/jLX7FWGoc1#SecurityForces #JammuKashmir #Encounter pic.twitter.com/sQAWfhirqn

— ANI Digital (@ani_digital) May 15, 2025

શોપિયામાં 'ઓપરેશન કેલર' : શોપિયામાં સુરક્ષા દળોના 'ઓપરેશન કેલર' નામના ખાસ ઓપરેશનમાં લશ્કર-એ-તૈયબાના ત્રણ આતંકવાદીઓને ઠાર મારવામાં આવ્યા હતા. આ આતંકવાદીઓને જિનપથેર કેલર વિસ્તારમાં સુરક્ષા દળોએ ઘેરી લીધા હતા.

માર્યા ગયેલા આતંકવાદીમાંથી એક ઓળખ શાહિદ કુટ્ટે તરીકે થઈ છે, જે શોપિયાનો રહેવાસી હતો. તે 8 માર્ચ 2023 ના રોજ લશ્કરમાં જોડાયો હતો. તેના પર 18 મે, 2024 ના રોજ શોપિયાના હિરપોરામાં ભાજપના સરપંચની હત્યામાં સામેલ હોવાનો આરોપ હતો.

બીજા આતંકવાદીની ઓળખ અદનાન શફી ડાર તરીકે થઈ હતી, જે શોપિયાના વાંડુના મેલહોરાનો રહેવાસી હતો. તે 18 ઓક્ટોબર, 2024 ના રોજ લશ્કરમાં જોડાયો હતો. ગત 18 ઓક્ટોબર, 2024 ના રોજ શોપિયામાં એક બિન-સ્થાનિક મજૂરની હત્યામાં પણ તે સામેલ હતો.

પહેલગામ હુમલાના ગુનેગારોની શોધ ચાલુ : પહેલગામમાં તાજેતરમાં થયેલા હુમલામાં પ્રવાસીઓએ જીવ ગુમાવ્યા બાદ, સુરક્ષા દળોએ તેમની કાર્યવાહી વધુ તીવ્ર બનાવી દીધી છે. શોપિયાના ઘણા વિસ્તારોમાં પહેલગામ હુમલામાં સામેલ આતંકવાદીઓના પોસ્ટર લગાવવામાં આવ્યા હતા. સુરક્ષા દળોએ આતંકવાદી વિશે માહિતી આપનારને 20 લાખ રૂપિયાનું ઇનામ આપવાની પણ જાહેરાત કરી છે.