ભુવનેશ્વર: ઓડિશાના કટક જિલ્લામાં રવિવારે એક એક્સપ્રેસ ટ્રેન પાટા પરથી ઉતરી ગઈ હતી. અધિકારીએ જણાવ્યું કે બેંગલુરુ-કામખ્યા એસી એક્સપ્રેસના 11 ડબ્બા બપોરે 12 વાગ્યાની આસપાસ મંગુલી નજીક નિરગુંદીમાં પાટા પરથી ઉતરી ગયા.
ઈસ્ટ કોસ્ટ રેલ્વેના મુખ્ય જનસંપર્ક અધિકારી (સીપીઆરઓ) અશોક કુમાર મિશ્રાએ કહ્યું કે, હજુ સુધી કોઈ ઈજા કે જાનહાનિના સમાચાર નથી. જોકે સ્થાનિકોનું કહેવું છે કે, એક વ્યક્તિનું મોત થઈ ગયું છે અને અન્ય કેટલાકને ઈજાઓ પહોંચી છે. મિશ્રાએ કહ્યું, "અમે અમારા સંસાધનો એકત્ર કર્યા છે અને NDRF અને ફાયર સર્વિસને જાણ કરી છે. એક રાહત ટ્રેન ઘટનાસ્થળે મોકલવામાં આવી છે."
#WATCH | Cuttack, Odisha: 11 coaches of 12551 Bangalore-Kamakhya AC Superfast Express derailed near Nergundi Station in Cuttack-Nergundi Railway Section of Khurda Road Division of East Coast Railway at about 11:54 AM today. There are no injuries or casualties reported till now. pic.twitter.com/xBOMH4nRRh
— ANI (@ANI) March 30, 2025
રેલવેની પ્રેસ રિલીઝમાં કહેવાયું કે, "30-03-2025 (રવિવાર) ના રોજ લગભગ 11.45 વાગ્યે કટક-નેરગુન્ડી રેલવે સેક્શનના ખુદરા રોડ ડિવિઝનમાં 12551 બેંગ્લોર-કામખ્યા એ.સી સુપરફાસ્ટ એક્સપ્રેસના 11 ડબ્બા પાટા પરથી ઉતરી ગયા હતા. અત્યાર સુધી કોઈ ઈજા કે જાનહાનિના અહેવાલ નથી."
તેમણે કહ્યું કે રેલવેના ફ્રન્ટલાઈન ઓફિસર્સ અને સપોર્ટ સ્ટાફ પણ ઘટનાસ્થળે પહોંચી ગયો છે. તેમણે કહ્યું કે હેલ્પલાઈન - 8455885999 અને 8991124238 - શરૂ કરવામાં આવી છે અને ફસાયેલા મુસાફરોને તેમના ગંતવ્ય સ્થાને મોકલવા માટે જરૂરી વ્યવસ્થા કરવામાં આવી રહી છે.
અન્ય હેલ્પલાઇન નંબરો
ભુવનેશ્વર - 8114382371
ભદ્રક-9437443469
કટક - 7205149591
પલાસા - 9237105480
જાજપુર કેઓંઝર રોડ - 9124639558
કેટલીક ટ્રેનોના રૂટ બદલવામાં આવ્યા હતા
ટ્રેન પાટા પરથી ઉતરી જવાને કારણે ટ્રેક પર રેલ વ્યવહાર ખોરવાઈ ગયો છે. ઘણી ટ્રેનોના રૂટ તાત્કાલિક અસરથી બદલવામાં આવ્યા છે, જેની ટ્રેન નંબરો છે - 12822 (BRAG), 12875 (BBS) અને 22606 (RTN).
આ પણ વાંચો:
