মৰাণ আৰু খোৱাং আৰক্ষীৰ জালত পৰিল তিনি মাটিৰ দালাল
ৰাজ্যৰ ৰাজহ চক্ৰ বিষয়াৰ কাৰ্যালয় সমূহত মাটিৰ দালাল থাকিব নোৱাৰিব বুলি মুখ্যমন্ত্ৰীয়ে কঠোৰ সকীয়নি দিয়াৰ পিছতে তৎপৰতাৰে ৰাজ্যজুৰি মাটিৰ দালালৰ বিৰুদ্ধে অভিযান চলাইছে অসম আৰক্ষীয়ে ৷ ডিব্ৰুগড় জিলাৰ মৰাণ ৰাজহ চক্ৰ বিষয়াৰ কাৰ্যালয়তো মাটিৰ দালালি কৰা তিনি দালালক আটক কৰিছে আৰক্ষীয়ে ৷ মৰাণ আৰক্ষীয়ে মৰাণ হাটখোলাৰ মৃত চিকেণ্ডৰ দেৱানৰ পুত্ৰ আব্দুল হক দেৱান নামৰ মাটিৰ দালালক আটক কৰাৰ লগতে খোৱাং আৰক্ষীয়ে খোৱাং চাৰিআলিৰ নাৰু ফুকনৰ পুত্ৰ লক্ষীনাথ ফুকন আৰু 1 নং মাধকলিৰ মৃত বংশীধৰ গগৈৰ পুত্ৰ গোপাল চন্দ্ৰ গগৈ নামৰ মাটিৰ দালালক আটক কৰি তদন্ত অব্যাহত ৰাখিছে ৷ উল্লেখ্য যে, লক্ষীনাথ ফুকনৰ বিৰুদ্ধে খোৱাং আৰক্ষী থানাত কেচ নম্বৰ ৮৮/১৬ ধাৰা ১১২/১২০(A)/১২১/১২১(A) আৰু কেচ নম্বৰ ৩৪/২১ ধাৰা ৪৪৭/২৯৪/৪২৭/৫০৬/৩৪ ত গোচৰ ৰুজু হৈ আছে ৷ আনহাতে আন এজন মাটিৰ দালাল বৰ্তমানেও পলাতক হৈ আছে বুলি আৰক্ষীয়ে জানিবলৈ দিয়ছে ৷ মুখ্যমন্ত্ৰীৰ এনে পদক্ষেপক আদৰণি জনোৱাৰ লগতে মাটিৰ দালাল চক্ৰৰ সৈতে জড়িত মণ্ডল তথা ৰাজহ চক্ৰ কাৰ্যালয়ৰ কৰ্মচাৰী সকলকো গ্ৰেপ্তাৰ কৰিবলৈ দাবী উত্থাপন কৰিছে টাই আহোম যুৱ পৰিষদ মৰাণ মহকুমা সমিতিয়ে ৷