ধুবুৰীৰ চাপৰত বন বিভাগৰ বৃহৎ অভিযান

অবৈধ কাঠফলা মিল তথা কাঠৰ ব্যৱসায়ৰ বিৰুদ্ধে ধুবুৰীৰ চাপৰত বন বিভাগৰ বৃহৎ অভিযান ৷ চাপৰৰ হৰ্দেমাৰা অঞ্চলত চলিল বন বিভাগৰ এই অভিযান ৷ অভিযানত জব্দ হৈছে 2 টা অবৈধ ভ্ৰাম্যমাণ কাঠফলা মিল সহ বহু মূল্যবান গছৰ কুণ্ডা ৷ জব্দকৃত কাঠৰ কুণ্ডা সমূহৰ বজাৰ মূল্য 2 লক্ষাধিক টকা হ'ব বুলি জানিব পৰা গৈছে ৷ জব্দকৃত কাঠৰ কুণ্ডাখিনিৰ লগতে কাঠফলা মেচিন দুটা বহলপুৰ আঞ্চলিক বন বিভাগৰ কাৰ্যালয়লৈ লৈ যোৱা হৈছে ৷ ঘটনা সংক্ৰান্তত বন বিভাগৰ তদন্ত অব্যাহত আছে ৷