বিশ্ব নদী দিৱস উপলক্ষে চেভ ভৰলু মিছনৰ উদ্যোগত চাইকেল ৰেলী
বিশ্ব নদী দিৱসৰ লগত সংগতি ৰাখি চেভ ভৰলু মিছনৰ উদ্যোগত সোমবাৰে মহানগৰীৰ জোনালীৰ পৰা ভৰলুমুখলৈ ভৰলুৰ পাৰে পাৰে বাহিৰ কৰা হয় এক চাইকেল ৰেলী ৷ চাইকেল ৰেলীৰ শুভাৰম্ভ কৰে বিশিষ্ট সাহিত্যিক তথা সাংবাদিক অনুৰাধা শৰ্মা পূজাৰীয়ে ৷ পুৱা 6 বজাত আৰম্ভ হোৱা চাইকেল ৰেলীত অংশ গ্ৰহণ কৰে জি এম চি আয়ুক্ত দেবাশীষ শৰ্মাই ৷ সম্পূৰ্ণ কোভিড নীতি নিয়ম মানি এই চাইকেল ৰেলী উলিওৱা হয় ৷ এই ৰেলীৰ জড়িয়তে ভৰলুক প্ৰদূষণ কৰি ৰখাৰ ক্ষেত্ৰত সজাগতা সৃষ্টিৰ প্ৰয়াস কৰা হয় ৷