Wild Buffalo Attacked at Karbi Anglong:শাক বিচাৰি যাওতে বনৰীয়া ম'হৰ আক্ৰমণত নিহত

কলিয়াবৰ, ১৬ মাৰ্চ: কলিয়াবৰ মহকুমা আৰু কাৰ্বি আংলং সীমান্তত অঘটন । বনৰীয়া ম'হৰ আক্ৰমণত নিহত হৈছে এজন লোক । বৃহস্পতিবাৰে শাক বিচাৰিবলৈ আহি বনৰীয়া ম'হৰ আক্ৰমণত প্ৰাণ হেৰুৱালে লোকজনে (wild buffalo attack in Rongbongwe )। পাচত ঘটনাস্থলীত ৰংবংৱে থানাৰ আৰক্ষী উপস্থিত হৈ মৃতদেহ উদ্ধাৰ কৰে ।

নগাঁও জিলাৰ সমীপৱৰ্তী কাৰ্বি-আংলং জিলাৰ ৰংবংৱে আৰক্ষী চকীৰ অন্তৰ্গত বৰডেকা গাঁৱত আজি এই শোকাবহ ঘটনাটো সংঘটিত হয় (wild buffalo attack in Kaliabor Karbi Anglong Border) । উল্লেখযোগ‍্য যে, বৰডেকা অঞ্চলত দীৰ্ঘদিনৰে পৰা এটা বনৰীয়া ম'হে সন্ত্ৰাস চলাই আহিছে । স্থানীয় লোকে এই অঞ্চলটোৰ পৰা ম'হটোক খেদি পঠিয়াবলৈ অনুৰোধ জনাই আহিছিল যদিও বন বিভাগৰ লোকে কোনো গুৰুত্ব নিদিয়াৰ ফলতেই আজি শোকাবহ ঘটনাটো সংঘটিত হয় । স্থানীয় ৰাইজে এইক্ষেত্ৰত ব্য়ৱস্থা গ্ৰহণ কৰিবলৈ দাবী জনাইছে ।

লগতে পঢ়ক:Oats recipe for weight loss: বাঢ়ি অহা ওজনক লৈ আপুনি চিন্তিত নেকি ? তেন্তে গ্ৰহণ কৰক এই খাদ্য