Bullet on MLA Vehicle: বিধায়ক তেৰছ গোৱালাৰ বাহনত উদ্ধাৰ বন্দুকৰ গুলী

মৰাণ, 24 মে’: দুলীয়াজানত চাঞ্চল্যকৰ ঘটনা । দুলীয়াজানৰ বিধায়ক তেৰছ গোৱালাৰ বাহনত উদ্ধাৰ বন্দুকৰ গুলী (Bullet on MLA Vehicle)। বিধায়ক তেৰছ গোৱালাৰ এ এছ 01 ই ভি 5899 নম্বৰৰ ইনভা বাহনখনৰ বাঁওফালৰ পাচৰ চকাটোত উদ্ধাৰ কৰা হৈছে বন্দুকৰ গুলীৰ অংশটো । মঙলবাৰে বিধায়কৰ বাহনখন চকা পাংচাৰ হোৱাত বনাবলৈ যোৱা সময়তেই বন্দুকৰ গুলীৰ অংশটো প্ৰত্যক্ষ কৰা হয় । ইয়াৰ পিছতেই শংকিত হৈ পৰিছে বিধায়গৰাকী (Bullet recovered on MLA Terash Gowala vehicle) ।

ঘটনাৰ সম্ভেদ লাভ কৰাৰ পাচতেই দুলীয়াজান আৰক্ষী ঘটনাস্থলীত উপস্থিত হৈ বিধায়কগৰাকী বাহনত উদ্ধাৰ হোৱা গুলীৰ অংশটো জব্দ কৰে ৷ আৰক্ষীয়ে সম্প্ৰতি ঘটনা সৰ্ন্দভত তদন্ত আৰম্ভ কৰিছে । আৰক্ষীৰ তদন্তৰ পিচতেই ঘটনাৰ প্ৰকৃত কাৰণ পোহৰলৈ আহিব বুলি বিধায়কগৰাকীয়ে সংবাদ মাধ্যমক জানিবলৈ দিয়ে ৷

লগতে পঢ়ক: Anganwadi workers protest : বেলতলাত অংগনৱাড়ী কৰ্মী আৰু সহায়িকাৰ প্ৰতিবাদ