প্ৰমাণ প্ৰত্ৰ প্ৰদানৰ নামত ধন সংগ্ৰহ নকৰিবলৈ গাঁও প্ৰধানক সকীয়নি জয়ন্ত মল্ল বৰুৱাৰ

নলবাৰীৰ ঘগ্ৰাপাৰ আৰ নলবাৰী ৰাজহ চক্ৰৰ গাঁও প্ৰধানৰ কাৰ্যালয় মেৰামতিৰ বাবে পাঁচ লাখ টকা ঘোষণা বিধায়ক জয়ন্ত মল্ল বৰুৱাৰ । শনিবাৰে নলবাৰীত অনুস্থিত গাঁও প্ৰধান সন্মিলনত এই ঘোষণা কৰে স্থানীয় বিধায়ক তথা মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাই । একেদৰে সভাখনতে গাঁও প্ৰধানক তীব্ৰ সকীয়নি প্ৰদান কৰে জয়ন্তমল্ল বৰুৱাই ৷ তেওঁ কয় যে, কোনো সাধাৰণ লোকক হাৰাশাস্তি কৰিব নোৱাৰিব গাঁও প্ৰধানে ৷ প্ৰমাণ পত্ৰ প্ৰদান কৰাৰ নামত ধনৰ লেনদেন বন্ধ কৰিব লাগিব বুলিও জয়ন্ত মল্ল বৰুৱাই গাঁও প্ৰধান সকলক সকিয়াই দিয়ে ৷ উল্লেখ্য যে,, নলবাৰী সমষ্টিৰ গাঁও প্ৰধান সকলক লৈ নলবাৰীৰ বৰদৈচিলা লজত অনুস্থিত হৈছিল এই গাঁও প্ৰধান সকলৰ সন্মিলন খন ৷