Madahi Students Union : বাক্সাৰ বৰিমাখাত মদাহি ছাত্ৰ সন্থাৰ প্ৰতিষ্ঠা দিৱস পালন

বাক্সা জিলাৰ বৰিমাখাত বৃহস্পতিবাৰে সদৌ মদাহি জনজাতি ছাত্ৰ সন্থাৰ (All Madahi Tribal Students Union) ৩৭ সংখ্যক প্ৰতিষ্ঠা দিৱস পালন কৰা হয় (establishment day of Modahi student union) ৷ ১৯৮৮ চনৰ আজিৰ দিনটোতে সদৌ মদাহি জনজাতি ছাত্ৰ সন্থাই প্ৰতিষ্ঠা লাভ কৰিছিল ৷ মদাহি জাতিৰ ভৱিষ্যত সুৰক্ষিত কৰাৰ বাবে আৰু জনজাতিটোৰ সুকীয়া স্থান অটুট ৰাখিবলৈ অহৰহ চেষ্টা অব্যাহত ৰাখিছে মদাহি ছাত্ৰ সন্থাই । পুৱা ছাত্ৰ সন্থাৰ সভাপতি বিজয় মদাহিয়ে পতাকা উত্তোলন কৰাৰ পাচতে স্মৃতি তৰ্পণ কৰে ৰবীন মদাহিয়ে ৷ ৩৭ সংখ্যক প্ৰতিষ্ঠা দিৱসত (37th establishment day of Modahi student union) উপস্থিত থাকি সদৌ অসম মদাহি জনজাতি ছাত্র সন্থাৰ সভাপতি বিজয় মদাহিয়ে কয় যে দীৰ্ঘদিন ধৰি মদাহি জনজাতিটোৱে এখন সুস্থ-সবল সমাজ গঠনত ভূমিকা গ্রহণ কৰি আহিছে । আজিৰ অনুষ্ঠানৰ সৈতে সংগতি ৰাখি ইংৰাজী ভাষাত মদাহি জনজাতিৰ ইতিহাস সম্বলিত এখন পুস্তিকাও উন্মোচন কৰা হয় ।