Vineet Bagaria suicide case: আৰক্ষীৰ জালত বিনীতৰ আত্মহত্যাৰ ঘটনাৰ লগত নাম সাঙোৰ খোৱা অভিযুক্ত

আৰক্ষীৰ গুৰুত্বহীনতা আৰু অৱহেলাৰ বাবেই পশুপ্ৰেমী হিচাপে পৰিচিত ডিব্ৰুগড়ৰ বিনীত বাগাৰিয়াই আত্মহত্যা কৰা ঘটনাই জোকাৰি গৈছে সমগ্ৰ ৰাজ্য (Justice for Vineet Bagaria) ৷ পশুপ্ৰেমী বিনীত বাগাৰীয়াৰ আত্মহত্যাৰ ঘটনাৰ ন্যায় বিচাৰি ডিব্ৰুগড়ৰ লগতে ৰাজ্যৰ বিভিন্ন প্ৰান্তত দেখিবলৈ পোৱা গৈছে প্ৰতিবাদ । ইয়াৰ মাজতেই আৰক্ষীৰ জালত পৰিল পশুপ্ৰেমী যুৱক বিনীত বাগাৰিয়াৰ আত্মহত্যাৰ ঘটনাৰ লগত নাম সাঙোৰ খোৱা নিশান্ত শৰ্মা আৰু বৈদুল্লা খান (Accused of Vineet Bagaria suicide) । বৃহস্পতিবাৰে নিশা শনি মন্দিৰৰ বাসগৃহত বিনীতৰ আত্মহত্যাৰ ঘটনাৰ পিছতে পলাতক হৈ আছিল দুই অভিযুক্ত । অৱশেষত ২৪ ঘন্টা নৌহওঁতে লামডিং ৰে'লৱে ষ্টেচনৰ পৰা আৰক্ষীয়ে গ্ৰেপ্তাৰ কৰিলে অভিযুক্ত দুজনক । ডিব্ৰুগড়ৰ আৰক্ষী অধীক্ষক শ্বেতাংক মিশ্ৰৰ(SP Shwetank Mishra) নিৰ্দেশত গুৱাহাটীলৈ গৈ থকা সময়তে লিডু ইন্টাৰচিটিত অভিযান চলাই দুই অভিযুক্তক আটক কৰে আৰক্ষীয়ে ।