বন্ধুৰ সৈতে গা ধুবলৈ গৈ কলঙত সলিল সমাধি যুৱকৰ

শুক্ৰবাৰে নগাঁৱৰ কলং নৈত সংঘটিত হয় এক শোকাৱহ ঘটনা । গা ধুবলৈ গৈ সলিল সমাধি ঘটিল এজন যুৱকৰ ৷ নগাঁও চহৰৰ খুটীকটীয়াত সংঘটিত হৈছে এই শোকাৱহ ঘটনাটো(Youth died after falling into Kalang) ৷ মৃত যুৱকজনৰ নাম দীপ শৰ্মা বুলি জানিব পৰা গৈছে । দুই বন্ধুৰ লগত কলঙত গা ধুই থাকোতেই পানীত উটি যায় যুৱকজন । পিছত স্থানীয় লোকে যুৱকজনক উদ্ধাৰ কৰি নগাঁও অসামৰিক চিকিৎসালয়ত ভৰ্ত্তি কৰে যদিও চিকিৎসকে মৃত বুলি ঘোষণা কৰে ৷ যুৱকজনৰ অকাল মৃত্যুত শোকৰ ছাঁ পৰিছে নগাঁৱৰ খুটীকটীয়া অঞ্চলত ।