তেজপুৰ, ২৬ নৱেম্বৰ: মিনি বলীউডলৈ পৰিণত হৈছে অসম ৷ বিগত দিনকেইটাত ইজনৰ পৰা সিজন বলীউডৰ অভিনেতা-অভিনেত্ৰীৰ সঘনাই আহ-জাহ চলিছে অসমলৈ ৷ শনিবাৰে তেজপুৰ বায়ুসেনা ঘাটিৰ এখন বিদ্যালয়ত উপস্থিত হয় বলীউডৰ তাৰকা অভিনেতা অনিল কাপুৰ (Anil Kapoor in Tezpur) ৷
বিদ্যালয় পুথিভঁৰালত উপস্থিত হৈ ছাত্ৰ ছাত্ৰীক অটোগ্ৰাফ দিয়াত ব্যস্ত হৈ পৰে অভিনেতাগৰাকী (Anil Kapoor at IAF School student in Tezpur ) । অভিনেতা ঋত্বিক ৰোশনৰ লগত অভিনেতাগৰাকীয়ে নিজৰ অভিনয়ৰ বাবে প্ৰস্তুতিৰ অংশ হিচাপে তেজপুৰ এয়াৰ বেছৰ কৰ্মীসকলৰ সৈতে জড়িত হয় আৰু যোৱা 10 দিন তেওঁলোকৰ সৈতে ঘনিষ্ঠভাৱে সময় কটায় ৷
১৫ নৱেম্বৰৰ পৰা আৰম্ভ হোৱা ‘ফাইটাৰ’ৰ অসমত চলা দৃশ্য়গ্ৰহণৰ আজি সামৰণি পৰে । সিদ্ধাৰ্থ আনন্দৰ পৰিচালনাত নিৰ্মিত ছবি ‘ফাইটাৰ’ত ঋত্বিক ৰোশনৰ গুৰুৰ চৰিত্ৰত অভিনয় কৰিছে অনিল কাপুৰে, য’ত দীপিকা পাডুকনে মুখ্য চৰিত্ৰত অভিনয় কৰিছে ।
যোৱা 15 নৱেম্বৰত অভিনেতা দুগৰাকী তেজপুৰ বায়ুসেনাৰ ঘাটিত উপস্থিত হয় । ২০২৩ চনৰ ২৮ ছেপ্টেম্বৰত মুক্তি পাব একশ্যন ছবি ‘ফাইটাৰ’ ৷
লগতে পঢ়ক:
