নলবাৰী, ২৫ ছেপ্টেম্বৰ: নলবাৰী পৌৰসভাৰ পাৰিষদৰ বিৰুদ্ধে গোচৰ ৰুজু পত্নীৰ । নলবাৰী পৌৰসভাখনৰ ৮ নং ৱাৰ্ডৰ পাৰিষদ ইমৰাণ হুছেইনৰ বিৰুদ্ধে নলবাৰী সদৰ আৰক্ষী থানাত শনিবাৰে নিশা গোচৰ তৰিলে পত্নীয়ে (Case against Nalbari municipality Councillor) । পত্নী আৰু পুত্ৰক শাৰীৰিকভাৱে প্ৰহাৰ কৰাৰ অভিযোগ পাৰিষদগৰাকীৰ বিৰুদ্ধে (Wife files case against Nalbari municipality Councilor) ।
উল্লেখ্য যে, নিজ ঘৰতে ইমৰাণ হুছেইন অন্য যুৱতীৰ সৈতে অনৈতিক কাৰ্যত লিপ্ত থকা অৱস্থাতে হাতে লোটে ধৰা পেলাই পত্নীয়ে ৷ এই ঘটনাৰ পিছতে তীব্ৰ বাক বিতণ্ডাত লিপ্ত হয় দুই স্বামী-স্ত্ৰী ৷ তাৰ পিছতে দুয়োৰে মাজত সৃষ্টি হয় সংঘাত । এই ঘটনা সন্দৰ্ভত পত্নীয়ে নলবাৰী আৰক্ষী থানাত ৰুজু কৰে গোচৰ ৷
ইফালে ঘটনা সন্দৰ্ভত শনিবাৰে নিশাৰ ভাগতে নলবাৰী আৰক্ষীয়ে গ্ৰেপ্তাৰ কৰে পাৰিষদ ইমৰাণ হুছেইনক (Nalbari police arrest Councilor) । সম্প্ৰতি আৰক্ষীৰ জিন্মাত নলবাৰী অসামৰিক চিকিৎসালয়ত চিকিৎসাধীন অৱস্থাত আছে ইমৰাণ হুছেইন।
স্মৰ্তব্য যে ইমৰাণ হুছেইনে বিজেপিৰ সমৰ্থনত অগপ দলৰ পৰা নলবাৰী পৌৰসভাৰ নিৰ্বাচনত প্ৰতিদ্বন্দিতা কৰি জয়ী হৈছিল ।
লগতে পঢ়ক: বকোৰ শান্তিপুৰত ভয়ংকৰ ঘটনাঃ পাৰিবাৰিক কন্দলৰ বাবেই স্বামীয়ে পত্নীক হত্যা কৰাৰ অভিযোগ
