নলবাৰী, 6 ছেপ্তেম্বৰ : সমগ্ৰ ৰাজ্যৰ লগতে নলবাৰী জিলাতো দেওবাৰে শিক্ষক দিৱস পালন কৰা হয় । বৰক্ষেত্ৰী আঞ্চলিক ছাত্ৰ সন্থা আৰু অসম জাতীয়তাবাদী যুব ছাত্ৰ পৰিষদৰ বৰক্ষেত্ৰী আঞ্চলিক সমিতিয়ে অঞ্চলটোৰ কৃতী শিক্ষকসকলক সম্বৰ্ধনা জনাই পালন কৰে শিক্ষক দিৱস ।
বৰক্ষেত্ৰী আঞ্চলিক ছাত্ৰ সন্থাই অঞ্চলটোৰ 22 গৰাকী কৃতী শিক্ষকৰ ঘৰে ঘৰে গৈ সম্বৰ্ধনা জনায় ৷ ছাত্ৰ সংগঠনটোৱে একোখন মানপত্ৰ, গামোচা, কলমেৰে শিক্ষককেইগৰাকীক সম্বৰ্ধনা জনাই শিক্ষাগুৰুসকলৰ সু-স্বাস্থ্য কামনা কৰে । আনহাতে, অসম জাতীয়তাবাদী যুৱ ছাত্ৰ পৰিষদৰ আঞ্চলিক সমিতিখনে অঞ্চলটোৰ পাঁচগৰাকী অৱসৰপ্ৰাপ্ত কৃতী শিক্ষকক সম্বৰ্ধনা জনাই শিক্ষক দিৱস পালন কৰে ৷
উল্লেখ্য যে, বিনা বেতনে যিসকল শিক্ষকে তেওঁলোকৰ কৰ্মজীৱন ছাত্ৰ-ছাত্ৰীসকলৰ নামত উচৰ্গিত কৰিছে, সেইসকল শিক্ষকৰ মহান ত্যাগক স্মৰণ কৰি ছাত্ৰ সংগঠন দুটাই শিক্ষক দিৱসৰ দিনটো পালন কৰে ।
লগতে পঢ়ক : পূৱ মাজুলী ছাত্ৰ সন্থাৰ উদ্যোগত শিক্ষক দিৱস পালন
