নলবাৰী,২৯ জুলাই: ৰাজ্যত উদ্বেগজনকভাৱে বৃদ্ধি পাইছে আত্মহননৰ ঘটনা ৷ এইবাৰ নলবাৰীৰ মুকালমুৱাৰ এগৰাকী দশম শ্ৰেণীৰ ছাত্ৰীয়ে বাচি ল'লে চৰম পন্থা ৷ চিপ লৈ আত্মহত্যা কৰে মুকালমুৱাৰ বনপুৰাৰ দশম শ্ৰেণীৰ ছাত্ৰীগৰাকীয়ে(Class X student commits suicide) ৷
কালদিস্থিত আদৰ্শ বিদ্যালয়ৰ ছাত্ৰীগৰাকী আত্মহত্যাৰ ঘটনাই সমগ্ৰ অঞ্চলতে সৃষ্টি কৰিছে এক শোকাকুল পৰিৱেশ ৷ আত্মহত্যা কৰা ছাত্ৰীগৰাকী বনপুৰা গাঁৱৰ মীৰ হুছেইনৰ কন্যা বুলি জানিব পৰা গৈছে ৷ নিজ গৃহত শুকুৰবাৰে পুৱাৰ ভাগত চিপ লৈ আত্মহননৰ পথ বাচি লয় কিশোৰীগৰাকীয়ে ৷
পিতৃ-মাতৃ ঘৰত নথকাৰ সুযোগ লৈ ছাত্ৰীগৰাকীয়ে চিপ লৈ আত্মহত্যা কৰে ৷ এখন চুইচাইড নোট লিখি আত্মহত্যাৰ পথ বাচি লয় ১৫ বছৰীয়া ছাত্ৰীগৰাকীয়ে ৷ ইতিমধ্যে দৌলাশাল আৰক্ষীয়ে উদ্ধাৰ কৰিছে চুইচাইড নোটখন ৷ চুইচাইড নোট প্ৰত্যক্ষ কৰি প্ৰেমজনিত কাৰণতে ছাত্ৰীগৰাকীয়ে আত্মহত্যা কৰে বুলি সন্দেহ কৰিছে আৰক্ষীয়ে ৷ সম্প্ৰতি দৌলাশাল আৰক্ষীয়ে ছাত্ৰীগৰাকীৰ মৃতদেহ মৰণোত্তৰ পৰীক্ষাৰ বাবে শ্বহীদ মুকুন্দ কাকতি অসামৰিক চিকিৎসালয়লৈ প্ৰেৰণ কৰিছে ৷
লগতে পঢ়ক: MLA busy in paddy filed: শাওনৰ পথাৰত ভূঁই ৰোৱাত ব্যস্ত বিধায়ক ড৹ অমিয় কুমাৰ ভূঞা
