নলবাৰী, 6 ডিচেম্বৰ : ছবছৰীয়া অসম আন্দোলন(The Assam Movement)ৰ 855 জন শ্বহীদৰ প্ৰথমগৰাকী শ্বহীদ খৰ্গেশ্বৰ তালুকদাৰে(Swahid Khargeswar Talukdar) প্ৰাণ আহুতি দিছিল ১৯৭৯ চনৰ ১০ ডিচেম্বৰত ৷ অসম আন্দোলনৰ প্ৰথমগৰাকী শ্বহীদৰ লগতে আন 854 গৰাকী শ্বহীদৰ পৱিত্ৰ স্মৃতিত প্ৰতি বছৰে ১০ ডিচেম্বৰত ৰাজ্যজুৰি পালন কৰি অহা হৈছে শ্বহীদ দিৱস (Swahid Divas) ৷
বিগত বৰ্ষসমূহৰ দৰে এইবছৰো ৰাজ্যৰ বিভিন্ন প্ৰান্তত আয়োজন কৰা হৈছে শ্বহীদ দিৱসৰ ৷ স্বাধীন ভাৰতৰ অন্যতম আন্দোলন অসম আন্দোলনৰ শ্বহীদসসকলক সুঁৱৰি পালন কৰা হয় এই শ্বহীদ দিৱস ৷
সদৌ অসম ছাত্ৰ সন্থা(All Assam Students Union)ৰ কেন্দ্ৰীয় শ্বহীদ দিৱস এইবাৰ নলবাৰী জিলাৰ ঐতিহ্যমণ্ডিত বালিকৰিয়া বাসুদেৱ বিদ্যাপীঠ খেলপথাৰত অনুষ্ঠিত হ'ব (Swahid Divas in Nalbari) ৷ নলবাৰী জিলা ছাত্ৰ সন্থাৰ উদ্যোগত নলবাৰী আঞ্চলিক ছাত্ৰ সন্থা আৰু ৰাইজৰ সহযোগত অনুষ্ঠিত হ’বলগীয়া কেন্দ্ৰীয় শ্বহীদ দিৱসৰ যাৱতীয় প্ৰস্তুতি প্ৰায় সম্পূৰ্ণ হৈ উঠিছে ।
ইতিমধ্যে নলবাৰী চহৰৰ পৰা বালিকৰিয়াৰ বাসুদেৱ দেৱালয়লৈ যোৱা পথৰ দুয়োকাষে শ্বহীদ দিৱসত আমন্ত্ৰিত বিশিষ্ট অতিথি, প্ৰতিখন জিলাৰ ছাত্ৰ সন্থাৰ প্ৰতিনিধি আৰু ৰাইজক আদৰিবলৈ ভালেকেইখন তোৰণৰ ব্য়ৱস্থা কৰা হৈছে ৷
আছুৰ সভাপতি দীপাংক কুমাৰ নাথৰ সভাপতিত্বত অনুষ্ঠিত হ'ব লগা সভাখনত আমন্ত্ৰিত অতিথি হিচাপে অংশগ্ৰহণ কৰিব কুমাৰ ভাস্কৰবৰ্মা সংস্কৃত আৰু পুৰাতন অধ্যয়ন বিশ্ববিদ্যালয়(Kumar Bhaskar Varma Sanskrit and Ancient Studies University)ৰ উপাচাৰ্য ড৹ দীপক কুমাৰ শৰ্মাই । অনুষ্ঠানত মুখ্য অতিথি হিচাপে উপস্থিত থাকিব আছুৰ মুখ্য উপদেষ্টা ড৹ সমুজ্বল কুমাৰ ভট্টাচাৰ্য(Samujjal Bhattacharya) । বিশিষ্ট অতিথি হিচাপে আছুৰ সাধাৰণ সম্পাদক শংকৰজ্যোতি বৰুৱা(Sankar Jyoti Baruah AASU)ৰ উপৰিও সন্মানীয় অতিথি হিচাপে উপদেষ্টা প্ৰকাশ চন্দ্ৰ দাস আৰু উদ্দীপ্তজ্যোতি গগৈ উপস্থিত থাকিব ।
দেওবাৰে নলবাৰী জিলা ছাত্ৰ সন্থাৰ সভাপতি গুণজ্যোতি পাঠক আৰু সাধাৰণ সম্পাদক অক্ষয় ডেকা উপস্থিত থকা এক সংবাদমেলত অভ্যৰ্থনা সমিতিৰ সম্পাদক ভৱজিৎ বেজবৰুৱাই সদৰী কৰে এই কথা । উল্লেখ্য যে, সংবাদমেলখনত প্ৰচাৰ বিভাগৰ সভাপতি ব্ৰজেন তালুকদাৰ, সম্পাদক ৰাতুল চন্দ্ৰ ডেকা, নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মন, সাধাৰণ নৱ কুমাৰ ডেকাৰ উপৰিও অভ্যৰ্থনা সমিতিৰ ভালেকেইজন বিষয়ববীয়া উপস্থিত থাকে ।
লগতে পঢ়ক: Assam Accord: অসম চুক্তিৰ দফাসমূহ ৰূপায়ণৰ বাবে চৰকাৰ বদ্ধপৰিকৰ
