নিউজ ডেস্ক, 23 ছেপ্টেম্বৰ : এয়া শৰতৰ বতৰ ৷ শৰৎ মানেই শাৰদী ৰাণী দুৰ্গা মাৰ ধৰালৈ আগমনৰ সময় (Durga Puja 2022 in Assam) ৷ এই শাৰদীয় বতৰত শেৱালি ফুলৰ গোন্ধই সকলোকে কৰি তুলিছে আপ্লুত ৷ তাতে আকৌ শাৰদীয় দুৰ্গা পূজালৈ মাজত মাত্ৰ কেইটামান দিনহে বাকী ৷ 30 অক্টোবৰৰ পৰা সমগ্ৰ দেশ তথা ৰাজ্যতে পালন কৰা হ’ব দুৰ্গা পূজা ৷
কি মৃৎশিল্পী, কি মণ্ডপ নিৰ্মাণ কৰ্তা নাইবা ঢাক প্ৰস্তুত কৰ্তাসকল ৷ সকলো এতিয়া ব্যস্ত ৷ কাৰো মূৰ তুলি চাবলৈকো আহৰি নাই ৷ ৰঙিয়াৰ আটাইতকৈ পুৰণি মৃৎ শিল্পৰ প্ৰতিষ্ঠান হৈছে অজন্তা শিল্পালয় । এই শিল্পালয়ৰ শিল্পীসকলো ব্যস্ত দেৱী দুর্গাৰ মূৰ্তি নিৰ্মাণত (Devi Durga Idol)।
যোৱা প্ৰায় দুটা বছৰে ক’ভিডকালীন পৰিস্থিতিৰ বাবে আৰ্থিক মন্দাৱস্থাৰ প্ৰভাৱ দেখা গৈছিল মৃৎশিল্পৰ ব্যৱসায়ত ।
কিন্তু এইবাৰ ক’ভিডকালীন পৰিস্থিতি কিছু খাম কটাত দুগুণ উৎসাহেৰে অৰ্ডাৰ লাভ কৰা মূৰ্তি নিৰ্মাণত ব্যস্ত হৈ পৰিছে পৰিয়ালটোৰ সকলো । ইফালে ৰঙিয়াৰ মিলৰোডৰ সাৰ্বজনীন পূজা কমিটিৰ পূজাৰ মণ্ডপটো উত্তৰাখণ্ডৰ কেদাৰনাথ মন্দিৰৰ আৰ্হিত নিৰ্মাণ কৰিবলৈ মনস্থ কৰিছে উদ্যোক্তাসকলে (Durga Puja Preparation at Rangia) ।
লগতে পঢ়ক : মহিষাসুৰ মৰ্দিনীৰ প্ৰতিমা নিৰ্মাণত ব্যস্ত খাৰুপেটীয়াৰ মৃৎশিল্পী দিলীপ পাল
প্ৰায় তিনিলাখ টকা ব্যয় সাপেক্ষে কমিটিখনৰ 38 তম পূজা মণ্ডপটো সাজি উলিওৱা হ’ব (Clay idol of Goddess Durga) ৷ ৰাজ্যৰ অন্য প্ৰান্তৰ লেখীয়াকৈ লখিমপুৰ জিলাৰ বিহপুৰীয়াতো মৃৎশিল্পীসকলৰ মাজত দেখা গৈছে এক ব্যস্ততাপূৰ্ণ পৰিৱেশ (Durga Puja Preparation at Bihpuria) । ব্যস্ত হৈ পৰিছে মৃৎশিল্পীসকলৰ লগতে তেওঁলোকৰ পৰিয়ালৰবৰ্গও ৷
বিহপুৰীয়াৰ এখন প্ৰতিমা নিৰ্মাণৰ প্ৰতিষ্ঠানত দুই ভগ্নী আৰু ভাতৃ - তিনিও মিলি এইবেলি দুগুণ উৎসাহেৰে মূৰ্তি নিৰ্মাণৰ কাম হাতত লৈছে ৷ প্ৰতিষ্ঠানটোত এইবাৰ 12 টাকৈ প্ৰতিমা নিৰ্মাণত দিনে নিশাই ব্যস্ত আছে শিল্পীসকল । এইবেলি হাতীত আগমন আৰু নৌকাত গমন হ’বলগীয়া মা দুৰ্গাক আদৰিবলৈ সাজু নলবাৰীৰ ঐতিহাসিক শক্তিপীঠ বিল্বেশ্বৰ দেৱালয় কৰ্তৃপক্ষ ৷
ৰজা নাগক্ষৰ দিনতে স্থাপিত নলবাৰীৰ বেলশৰস্থিত বিল্বেশ্বৰ দেৱালয়তো চলিছে দুৰ্গা পূজাৰ ব্যাপক প্ৰস্তুতি (Durga Puja Preparation in Nalbari) ৷ দুশৰ পৰা তিনিশ শতিকাৰ ভিতৰত স্থাপিত ঐতিহাসিক দেৱালয়ত বছৰৰ পিছত বছৰ ধৰি চলি আহিছে নৱৰাত্ৰি পূজা ৷ প্ৰতিপদ তিথিৰ পৰা এইখন শক্তিপীঠ বিল্বেশ্বৰ দেৱালয়ত বিজয়া দশমীলৈ দুৰ্গতি নাষিনী দেৱী দুৰ্গাক ন টা ৰূপত কৰা হয় পূজা অৰ্চনা ৷
ব্যয়বহুল বাজেটৰে আগন্তুক 26 ছেপ্তেম্বৰৰ পৰা 5 অক্টোবৰলৈ বিল্বেশ্বৰ দেৱালয়ত চলিব দেৱীৰ আৰধনা ৷ এনেদৰেই এতিয়া দেৱী দুৰ্গাক ধৰালৈ আদৰিবলৈ সকলো ব্যস্ত হৈ পৰিছে ৷ অপেক্ষা মাথো আৰু কেইটামান দিনৰ...
লগতে পঢ়ক : সমাগত দুৰ্গোৎসৱ: সাজু হৈ উঠিছে পুৰণিগুদামৰ ঐতিহাসিক কাঠৰ প্ৰতিমা
