নলবাৰী,৪ ফেব্ৰুৱাৰী : নলবাৰীত কোনো নিষ্ঠুৰ লোকে খেতি পথাৰত পেলাই থৈ গ'ল সদ্যজাত এটি কন্যা শিশু । মৃত অৱস্থাত কেঁচুৱাটো উদ্ধাৰ হোৱাৰ পাছতে তীব্ৰ চাঞ্চল্য সমগ্ৰ অঞ্চলত । এই ঘটনা পশ্চিম নলবাৰীৰ ককয়া ঢকুৱাবন্ধাৰ (New born baby's dead body recovered) ।
জানিব পৰা মতে সন্ধিয়া পথাৰৰ পৰা এৰাল দিয়া গৰু আনিবলৈ যোৱাৰ সময়তে এগৰাকী মহিলাই প্ৰত্যক্ষ কৰে কেঁচুৱাটো । পথাৰৰ নৰাৰ মাজত পৰি আছিল কেঁচুৱাটো (Body of newborn child found in Nalbari)। আনকি কেঁচুৱাটোৰ শৰীৰৰ কিছু অংশ কুকুৰে ভক্ষণো কৰিছিল । লগে লগে আৰক্ষীক খবৰ দিয়া হয় ।
ঘটনাস্থলীত বেলশৰ আৰক্ষী উপস্থিত হৈ কেঁচুৱাটোৰ মৃতদেহ উদ্ধাৰ কৰিছে । ক্ষত-বিক্ষত মৃতদেহটো আৰক্ষীয়ে মৰণোত্তৰ পৰীক্ষাৰ বাবে নলবাৰীৰ শ্বহীদ মকুন্দ কাকতি অসামৰিক চিকিৎসালয়লৈ প্ৰেৰণ কৰিছে । ইতিমধ্যে আৰক্ষীয়ে ঘটনাৰ তদন্ত আৰম্ভ কৰিছে ।
এই ঘটনাৰ পাছত সমগ্ৰ অঞ্চলটোতে ব্যাপক প্ৰতিক্ৰিয়াৰ সৃষ্টি হৈছে । একাংশ লোকে সন্দেহ কৰা মতে অবৈধ প্ৰেমৰ পৰিণতিত জন্ম লাভ কৰা কেঁচুৱাটো কোনো নিষ্ঠুৰ পিতৃ-মাতৃয়ে নিজৰ এনেদৰে পেলাই থৈ গৈছে ।
লগতে পঢ়ক :Child rape at Kalgachia: 40 বছৰীয়া পুৰুষৰ কামনাৰ বলি এটি তিনি বছৰীয়া কণমানি
