নলবাৰী, ২২ ছেপ্টেম্বৰ: বৰক্ষেত্ৰীৰ ছয় শতাধিক পৰিয়ালক খাদ্য সামগ্ৰী বিতৰণ অসম আৰক্ষীৰ (Assam Police distributes food items) ৷ আৰক্ষী আৰু জনসাধাৰণৰ মাজৰ সম্পৰ্ক মধুৰ কৰাৰ লক্ষ্যৰে অসম আৰক্ষী দিৱসৰ লগত সংগতি ৰাখি আজি বৰক্ষেত্ৰীৰ ছয় শতাধিক দৰিদ্ৰ পৰিয়ালক খাদ্য সামগ্ৰী যোগান ধৰে চতুৰ্দশ অসম আৰক্ষী বাহিনীয়ে ৷
নলবাৰীৰ জিলাৰ দৌলাশালস্থিত চতুৰ্দশ অসম আৰক্ষী বাহিনীৰ অধিনায়ক উজ্বল প্ৰতিম বৰুৱাৰ নিৰ্দেশত বাহিনীৰ একাংশ বিষয়া-জোৱানে আজি বৰক্ষেত্ৰী ৰাজহ চক্ৰৰ অন্তৰ্গত বৰতলা গাঁৱত উপস্থিত হৈ গাঁওখনৰ জনসাধাৰণৰ সৈতে মত বিনিময় কৰে (Assam Police distributes food items to in Nalbari) ৷ বৰতলা লক্ষ্মী মন্দিৰ প্ৰাংগণত ৰাইজৰ সৈতে বিষয়া-জোৱানসকলে মত বিনিময় কৰি গাঁওখনৰ ছয় শতাধিক পৰিয়ালক খাদ্য-সামগ্ৰী যোগান ধৰে ৷
শিশুৰ চকলেট, বিস্কুটৰ পৰা আৰম্ভ কৰি দৈনন্দিন ৰান্ধনিশালত প্ৰয়োজনীয় বিভিন্ন সামগ্ৰী যোগান ধৰে চতুৰ্দশ অসম আৰক্ষী বাহিনীয়ে ৷ বাহিনীৰ পৰিদৰ্শক দনপতি নাথৰ নেতৃত্বত বাহিনীৰ বিশজনীয়া এটা দলে গাঁওখনৰ লোকসকলক খাদ্য সামগ্ৰীসমূহ যোগান ধৰে ৷
উল্লেখ্য যে ১৯৫১ চনৰ ১ অক্টোবৰত অসম আৰক্ষীৰ মুৰব্বী হিচাপে কাৰ্যভাৰ গ্ৰহণ কৰিছিল কে.আৰ চৌধুৰীয়ে ৷ তেতিয়াৰে পৰা পহিলা অক্টোবৰৰ দিনটো অসম আৰক্ষী দিৱস হিচাপে পালন কৰি আহিছে (Assam police day) ৷ উক্ত আৰক্ষী দিৱসৰ প্ৰাকক্ষনত চতুৰ্দশ অসম আৰক্ষী বাহিনীৰ এনে মহৎ কৰ্ম আৰু উদ্দেশ্যক গাঁওবাসীয়ে শলাগ লৈছে ৷
অনুষ্ঠানটো আঁত ধৰে স্থানীয় যুৱ সাংবাদিক জয়ন্ত ডেকাই ৷ অনুষ্ঠানটোত মুকালমুৱা আৰক্ষী থানাৰ উপ পৰিদৰ্শক ৰাহুল উল্লাহ, বৰতলা গাঁৱৰ গাঁওপ্ৰধান অন্নৰাম বৰ্মনসহ ভালেকেইজন বিশিষ্ট ব্যক্তি উপস্থিত থাকে ৷
