নলবাৰী, 29 ছেপ্টেম্বৰ: শৰৎ ঋতুৰ আগমনে ধাৰালৈ আনিছে আনন্দৰ বন্যা (Durga Puja 2022 in Assam) ৷ দুৱৰিৰ দলিচাত শেৱালিৰ কোমল পাহিয়ে বতৰা দিছে শৰৎ অহাৰ । শৰতৰ এই সুন্দৰ পৰিৱেশত আনন্দত আত্মহাৰা সকলো ৷ ধৰালৈ মা দুর্গা আহিবলৈ মাজত মাথোঁ দুটা দিন ৷ সমগ্ৰ দেশবাসীয়ে মা দুর্গাৰ চৰণত আশীষ ল'বলৈ উৎসাহিত হৈ পৰিছে । মৃৎ শিল্পী সকলে সাজু কৰি তুলিছে দুৰ্গাৰ মৃণ্ময় মূৰ্তি সমূহ ৷ সমগ্ৰ দেশ তথা ৰাজ্যৰ লগতে নলবাৰীতো (Durga Puja 2022 at Nalbari) আৰম্ভ হৈছে দুৰ্গা পূজাৰ ব্যাপক প্ৰস্তুতি ।
নলবাৰী জিলাৰ আটাইতকৈ পুৰণি দুৰ্গা পূজা বৰনৰ্দ্দী দূৰ্গা পূজাৰ প্ৰস্ততি তুংগত (Durga Puja at Barnardi in Nalbari)। জিলাখনৰ বৰনৰ্দ্দী দুৰ্গা মন্দিৰৰ ৫২২ বছৰ পুৰণি দুৰ্গা পূজাৰ আছে এক বিশেষত্ব ৷ ইয়াত নাই কোনো জাক-জমকতা । নাই কোনো আধুনিকতাৰ পৰশ ৷ আন বহু দুৰ্গা পূজাৰ দৰে ইয়াত দেখা নাপায় দেৱীৰ প্ৰতিমা ৷ মন্দিৰত দুৰ্গা দেৱীৰ বিপৰীতে পূজা কৰা হয় এজোপা ৰাম কলগছক (Durga Puja without idol Goddass at Barnardi)।
কিংবদন্তি অনুসৰি কনৌজৰ ক্ষত্ৰিয় বংশৰ (Kshatriya lineage of Kannauj) পৰা আহিছিল নীলকন্ঠ ভূঞা । পিছত ইয়াতেই নিগাজিকৈ আছিল নীলকন্ঠ ভূঞা । ইফালে, নীলকন্ঠ ভূঞাক ৰায়বৰুৱা উপাধি প্ৰদান কৰিছিল ৰজাই । নীলকণ্ঠ ৰায়বৰুৱাৰ উত্তৰসূৰী শৈলকণ্ঠই নৰ্দী গাঁৱত অনুষ্ঠিত দুৰ্গা পূজাখনিক অনন্য মাত্ৰা দিয়ে ।
অৱশ্য়ে নিজৰ শক্তি, সামৰ্থ বৃদ্ধিৰ অৰ্থে শৈলকণ্ঠই গোপনে দুৰ্গা পূজাৰ মহানৱমীৰ দিনটোত নৰবলি দিয়াৰ কথা পৰৱৰ্তী সময়ত পোহৰলৈ আহে ৷ আহোম ৰজাই ইয়াৰ সম্ভেদ লাভ কৰি কটকী পঠিয়াই শৈলকণ্ঠক ধৰিবলৈ ৷ কিন্তু এই খবৰ লাভ কৰি সগৰ্ভা পত্নীসহ শৈলকণ্ঠ পলাই গৈ কাপলা বিলত আত্মজাহ দিয়ে বুলি ৰাইজে বিশ্বাস কৰি আহিছে ৷ পৰৱৰ্তী সময়ত নৰ বলি দি দুৰ্গা পূজা কৰাৰ বাবে গাঁৱখনৰ নাম নৰ্দী হয় ৷ অৱশ্য়ে এতিয়া এনে ঘটনাৰ পুনৰাবৃত্তি নকৰাৰ বাবে ৰাইজ সতৰ্ক ।
