নগাঁও, 28 আগষ্ট: আমিনুল ইছলাম জেহাদী ! এয়া অৱশ্যে আন কোনো লোকৰ অভিযোগ নহয় । স্বয়ং আমিনুল ইছলামে নিজেই কৰিলে এই মন্তব্য । দেওবাৰে নগাঁৱৰ খগেন মহন্ত প্ৰেক্ষাগৃহত অনুষ্ঠিত হোৱা জমিয়ত উলামা-ঈ-হিন্দৰ(Jamiat Ulama I Hind) সদ্ভাৱনা সংসদত অংশগ্ৰহণ কৰি জেহাদী সন্দৰ্ভত মন্তব্য কৰে বিধায়ক আমিনুল ইছলামে (MLA Aminul Islam on Jihadi)।
আমিনুল ইছলামৰ মতে অন্যায় অবিচাৰৰ বিৰুদ্ধে সংগ্ৰাম কৰাটোৱেই প্ৰকৃত অৰ্থত জেহাদ । কিন্তু সন্ত্ৰাসবাদমূলক কাৰ্যকলাপত জড়িতসকল সন্ত্ৰসবাদী । কিন্তু সন্ত্ৰাসবাদমূলক কাৰ্যৰ বিৰুদ্ধে অৱস্থান কৰাসকলহে জেহাদী । আৰক্ষীয়ে গ্ৰেপ্তাৰ কৰাসকল সন্ত্ৰাসবাদমূলক কাৰ্যকলাপতহে জড়িত থাকিব পাৰে কিন্তু তেওঁলোক জেহাদী নহয় ।
সৰ্বভাৰতীয় জমিয়ত উলামা-ঈ-হিন্দৰ নিৰ্দেশ অনুযায়ী সমাজৰ শান্তি প্ৰতিষ্ঠাৰ উদ্দেশ্যে দেশৰ অন্যান্য জিলাৰ লগতে নগাঁৱতো আয়োজন কৰা হৈছে জমিয়ত উলামা-ঈ-হিন্দৰ সদ্ভাৱনা সংসদ । সমাজত অশান্তি বিয়পোৱাসকলৰ বিৰুদ্ধে সকলোকে একগোট হ’বলৈও আহ্বান জনায় বিধায়ক আমিনুল ইছলামে (MLA Aminul Islam) ।
ইপিনে নিযুক্তি পৰীক্ষাৰ নামত চৰকাৰে ইণ্টাৰনেট কৰ্তন কৰা সন্দৰ্ভতো মন্তব্য কৰে বিধায়ক আমিনুল ইছলামে । পৰীক্ষাৰ নামত ইণ্টাৰনেট কৰ্তন কৰি(Internet ban during exam in Assam) চৰকাৰে সাধাৰণ লোকক হাৰাশাস্তি কৰা বুলিও অভিযোগ কৰিছে এ আই ইউ ডি এফ দলৰ বিধায়ক আমিনুল ইছলামে ।
নগাঁৱৰ খগেন মহন্ত প্ৰেক্ষাগৃহত(Khagen Mahanta Auditorium Nagaon) নগাঁও জিলা জমিয়তৰ উদ্যোগত অনুষ্ঠিত জমিয়ত উলামা-ঈ-হিন্দৰ সদ্ভাৱনা অনুষ্ঠানত বিধায়ক আমিনুল ইছলামৰ উপৰিও লেখিকা শিখা শৰ্মা, জমিয়ত নেতা নুৰুল অমিন চৌধুৰী, আব্দুল মজিদ ফাৰুকিকে প্ৰমুখ কৰি বহুকেইজন জমিয়ত নেতা উপস্থিত থাকে ।
লগতে পঢ়ক: নগাঁৱত জেহাদীকে ধৰি কেইবাটাও বিষয়ত গুৰুত্বপূৰ্ণ মন্তব্য পীযুষ হাজৰিকাৰ
