মৰিগাঁৱৰ বাৰুকাটাত মাহ প্ৰসাদ খাই আক্ৰান্ত শতাধিক লোক

মৰিগাঁও, 3 চেপ্টেম্বৰ: মৰিগাঁৱত অঘটন ৷ জিলাখনৰ বাৰুকাটাত মাহ প্ৰসাদত বিষক্ৰিয়াৰ ঘটনা (Food poisoning in Morigaon) ৷ মৰিগাঁও জিলাৰ জাগীৰোড বিধানসভা সমষ্টিৰ অন্তৰ্গত বাৰুকাটাত সংঘটিত হৈছে চাঞ্চল্যকৰ ঘটনা ৷ মাহ প্ৰসাদ খাই গুৰুত্বৰভাৱে অসুস্থ শিশুসহ প্ৰায় শতাধিক লোক ৷

ঘটনাৰ বিৱৰণী মতে, গাঁওখনৰ এঘৰত হোৱা সকামৰ মাহ প্ৰসাদ গ্ৰহণ কৰাৰ পাছতেই মূৰ ঘূৰণি, পেটৰ বিষ, বমি আদি হ’বলৈ আৰম্ভ কৰে (Many people suffer from food poisoning) ৷ এই ঘটনাৰ পিছতে ততাতৈয়াকৈ আক্ৰান্তসকলক শ্বহীদ তিলক হেমৰাম গুণাভিৰাম অসামৰিক চিকিৎসালয়ত ভৰ্তি কৰোৱা হয় ৷

ইয়াৰে 20 গৰাকী লোক বৰ্তমান চিকিৎসালয়ত চিকিৎসাধীন হৈ থকাৰ বিপৰীতে বাকী অসুস্থসকলক নিজ নিজ বাসগৃহতে চিকিৎসা প্ৰদান কৰি থকা বুলি জানিব পৰা গৈছে ৷

লগতে পঢ়ক: লখিমপুৰ জিলাৰ নাৰায়ণপুৰত প্ৰসাদ খাই আক্ৰান্ত বহুলোক