লখিমপুৰ,২৮ ছেপ্টেম্বৰ : কংগ্ৰেছক পুনৰ সমালোচনা প্ৰাক্তন কংগ্ৰেছী তথা বৰ্তমানৰ কেবিনেট মন্ত্ৰী পীযুষ হাজৰিকাৰ । কংগ্ৰেছে আৰম্ভ কৰা ভাৰত জোড়ো যাত্ৰাক (Congress Bharat Jodo Yatra) উপহাস কৰি মন্ত্ৰীগৰাকীয়ে কয়, "কংগ্ৰেছে কয় ভাৰত জোড়ো আৰু ৰাইজে কয় ভাৰত ছোড়ো ।" লখিমপুৰত এই মন্তব্য মন্ত্ৰীগৰাকীৰ ।
উল্লেখ্য যে দিনজোৰা কাৰ্যসূচীৰে বুধবাৰে পুৱাই লখিমপুৰত উপস্থিত হয় অসম চৰকাৰৰ কেবিনেট মন্ত্ৰী পীযুষ হাজৰিকা (Minister Pijush Hazarika visits Lakhimpur)। জিলাখনত কেইবাটাও কাৰ্যসূচীত অংশগ্ৰহণ কৰে মন্ত্ৰীগৰাকীয়ে । পুৱাই সোৱণশিৰিৰ ঘনচৰাই মথাউৰিৰ খহনীয়া অঞ্চল পৰিদৰ্শন কৰে মন্ত্ৰীগৰাকীয়ে । তাৰ পাছতে সমাজ কল্যাণ বিভাগৰ অনাথ ও নিৰাশ্ৰয়ৰ বিদ্যালয় গৃহ উদ্বোধন কৰে মন্ত্ৰীগৰাকীয়ে (Pijus Hazarika inaugurates new school building)।
লগতে লখিমপুৰ জিলাৰ সোণালী জয়ন্তী (Golden Jubilee of Lakhimpur District) উপলক্ষে আধাৰশিলা স্থাপন কৰে মন্ত্ৰীগৰাকী । মন্ত্রীগৰাকীৰ সৈতে এই কাৰ্যসূচীত সাংসদ প্ৰদান বৰুৱা, বিধায়ক মানৱ ডেকাও উপস্থিত থাকে ।
অনুষ্ঠান অংশগ্ৰহণ কৰি নদী বান্ধ সম্পৰ্কেও গুৰুত্বপূৰ্ণ মন্তব্য কৰে মন্ত্ৰীগৰাকীয়ে (Pijus Hazarika on river dam)। মন্ত্ৰীগৰাকীয়ে উল্লেখ কৰা মতে নদী বান্ধৰ প্ৰয়োজনীয়তা আছে । কংগ্ৰেছে শাসনত থাকোতে নদী বান্ধৰ পক্ষত আছিল আৰু বিৰোধীত থকা বাবে বিৰোধিতা কৰাটো উচিত হোৱা নাই বুলিও কয় মন্ত্ৰীগৰাকীয়ে । শেহতীয়াকৈ অসমৰ ৰিহাব চেণ্টাৰসমূহক লৈ বিভিন্ন ধৰণৰ বিতৰ্ক আৰম্ভ হৈছে । এই ৰিহাব চেণ্টাৰসমূহৰ বিৰুদ্ধে চৰকাৰে উচিত পদক্ষেপ গ্ৰহণ কৰা বুলিও দাবী কৰে মন্ত্ৰীগৰাকীয়ে ।
লগতে পঢ়ক :গুৱাহাটীৰ নিচামুক্তি কেন্দ্ৰৰ বাহিৰত ৰহস্যজনক অৱস্থাত যুৱকৰ মৃতদেহ উদ্ধাৰ
