বিহপুৰীয়া, 18 অক্টোবৰ : নাৰায়ণপুৰ নগৰৰ তিনি নম্বৰ ৱাৰ্ডত দেওবাৰে নিশা সংঘটিত হয় এক ভয়ংকৰ অগ্নিকাণ্ড ৷ অঞ্চলটোৰ বাসিন্দা অৰূপ দত্ত নামৰ লোকজনৰ বাসগৃহত সংঘটিত হয় এই অগ্নিকাণ্ডটো ৷ দত্তৰ মূল বাসগৃহটোৰ গাতে লাগি থকা অতিথিগৃহটো জুইত সম্পূৰ্ণৰূপে ভস্মীভূত হয় ৷
নাৰায়ণপুৰত ভয়ংকৰ অগ্নিকাণ্ড
মূহুৰ্ততে জুয়ে ছানি ধৰে মূল বাসগৃহটোৰ দ্বিতীয় মহলা ৷ অৱশ্যে নাৰায়ণপুৰৰ লগতে বিহপুৰীয়াৰ পৰা অহা তিনিখনকৈ অগ্নি নিৰ্বাপক বাহিনীৰ বাহনে বহু সময়ৰ পাছত জুই নিয়ন্ত্ৰণ কৰিবলৈ সক্ষম হয় ৷ শ্ব’ৰ্ট চাৰ্কিটৰ ফলতেই এই অগ্নিকাণ্ড সংঘটিত হোৱা বুলি জানিব পৰা গৈছে ।
অগ্নিকাণ্ডৰ ফলত প্ৰায় লক্ষাধিক টকাৰ সা-সম্পত্তি ভস্মীভূত হয় ৷ অৱশ্যে এই ঘটনাত কোনো লোক হতাহত হোৱা নাই ৷
লগতে পঢ়ক : মাজুলীত কাতি বিহুক লৈ ব্যাপক প্ৰস্তুতি
