Bear attack : বাঘৰ পিছত কোকৰাঝাৰত ভালুকৰ আতংক

author img

By

Published : Nov 23, 2021, 2:00 PM IST

Bear attack

কোকৰাঝাৰত ভালুকৰ আতংক ৷ ভালুকৰ আক্ৰমণ(bear attack in kokrajhar)ত আহত হৈছে প্ৰায় ছজন লোক ৷

কোকৰাঝাৰ, 23 নৱেম্বৰ : বাঘৰ মুকলি বিচৰণৰ খবৰ সততে ওলাই থকাৰ মাজতে এইবাৰ ভালুকৰ আক্ৰমণত আহত হয় কেইবাজনো লোক(bear attack in kokrajhar) ৷ এই ঘটনা (kokrajhar bear attack) সংঘটিত হৈছে কোকৰাঝাৰ জিলাৰ গোঁসাইগাঁও মহকুমাৰ কচুগাঁও অঞ্চলৰ লতামাৰী গাঁৱত ৷

Bear attack
জনবসতি অঞ্চললৈ ঢাপলি ভালুকৰ

সোমবাৰে ৰাইমনা ৰাষ্ট্ৰীয় উদ্যানৰ (raimona national park) পৰা ওলাই অহা এটা ভালুকে লতামাৰী গাঁৱত বিচৰণ কৰি ফুৰা প্ৰত্যক্ষ কৰে স্থানীয় লোকে ৷ ততাতৈয়াকৈ তেওঁলোকে নিকটৱৰ্তী বন বিভাগৰ লোকক অৱগত কৰে যদিও ইতিমধ্যে ভালুকটোৱে গাঁৱখনৰ প্ৰায় 6 জনকৈ লোকক আক্ৰমণ কৰে ৷

Bear attack
ভালুকৰ আক্ৰমণত আহত লোক

ভালুকৰ আক্ৰমণত আহত হোৱা লোকসকল হৈছে ক্ৰমে- বিজয় বসুমতাৰী, বিশ্বজিত মুছাহাৰী, শুনিৰাম হাসদা, ৰমেশ টুডু, শুনিৰাম মাৰ্ডি, সফল হেমৰম ৷ ইয়াৰে বিজয় বসুমতাৰী আৰু বিশ্বজিত মুছাহাৰীক গুৰুতৰ অৱস্থাত কোকৰাঝাৰ আৰ এন বি অসামৰিক চিকিৎসালয়(RNB Civil Hospital Kokrajhar)ত ভৰ্তি কৰোৱা হয় ৷ বৰ্তমানে তেওঁলোকৰ অৱস্থা সংকটজনক ৷

Bear attack
জনবসতি অঞ্চললৈ ঢাপলি ভালুকৰ

আনহাতে, কচুগাঁও বন সংমণ্ডল চেণ্ট্ৰেল ৰেঞ্জৰ অধীনষ্ঠ লতামাৰী গাঁৱৰ ঘটনাস্থলীত চেণ্ট্ৰেল ৰেঞ্জৰ ভাৰপ্ৰাপ্ত ৰেঞ্জ বিষয়া প্ৰাঞ্জল তালুকদাৰৰ নেতৃত্বত বনকৰ্মী আৰু পশু চিকিৎসকৰ এটি দল উপস্থিত হৈ ভালুকটোক ট্ৰেংকুলাইজ কৰি উদ্ধাৰ কৰিবলৈ সক্ষম হয় ৷ পাচত ভালুকটোক চেণ্ট্ৰেল ৰেঞ্জলৈ আনি চিকিৎসা প্ৰদান কৰা হয় ৷ সুস্থ হৈ উঠিলে ভালুকটোক ৰাইমনা ৰাষ্ট্ৰীয় উদ্যান(Raimona national Park)ত মুকলি কৰি দিয়াৰ কথা প্ৰকাশ কৰে বনকৰ্মীয়ে ৷

Bear attack
অৱশেষত পিঞ্জৰাবদ্ধ ভালুক

লগতে চাওক : চামগুৰিত উচ্ছেদ চলাৰ ইংগিত দিলে মন্ত্ৰী যোগেন মহনে

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.