বিদ্যুৎ কেন্দ্ৰ মুকলি কৰি দীৰ্ঘদিনীয়া সমস্যা দূৰ কৰাৰ আশ্বাস শক্তি মন্ত্ৰীৰ

author img

By

Published : Aug 31, 2021, 9:50 AM IST

power substation inaugurated in kokrajhar

কোকৰাঝাৰৰ বডোফা নগৰত উপ বিদ্যুৎ কেন্দ্ৰ আনুষ্ঠানিকভাৱে মুকলি ৰাজ্যৰ শক্তি তথা পৰ্যটন মন্ত্ৰী বিমল বৰাৰ(Bimal Borah) ৷ এই উপ বিদ্যুৎ কেন্দ্ৰটোৱে অঞ্চলটোৰ দীৰ্ঘদিনীয়া বিদ্যুতৰ সমস্যা দূৰ কৰিব বুলি মন্তব্য কৰে মন্ত্ৰীগৰাকীয়ে ৷ লগতে তেওঁ জিলাখনত পৰ্যটনৰ সম্ভাৱনা থকা পৰ্যটনস্থলীসমূহ পৰিভ্ৰমণ কৰে ৷

কোকৰাঝাৰ, 31 আগষ্ট : সোমবাৰে কোকৰাঝাৰত উপস্থিত হৈ জিলাখনত পৰ্যটনৰ প্ৰচুৰ সম্ভাৱনীয়তা থকা পৰ্যটনস্থলীসমূহ পৰিভ্ৰমণ কৰে ৰাজ্যৰ শক্তি তথা পৰ্যটন মন্ত্ৰী বিমল বৰাই(Bimal Borah) ৷ বিটিআৰৰ(BTR) মুখ্য কাৰ্যবাহী সদস্য প্ৰমোদ বড়োক(Pramod Boro) লগত লৈ ধীৰবিল, দীপলাই বিল আৰু চক্ৰশীলা অভয়াৰণ্য পৰিভ্ৰমণ কৰে মন্ত্ৰীগৰাকীয়ে ৷

power substation inaugurated in kokrajhar
কোকৰাঝাৰত বিদ্যুৎ কেন্দ্ৰ মুকলি

পৰিভ্ৰমণ কালত জিলাখনৰ পৰ্যটনথলীসমূহ উন্নয়নৰ বাবে চৰকাৰে গুৰুত্বপূৰ্ণ পদক্ষেপ গ্ৰহণ কৰিব বুলি মন্তব্য কৰে বিভাগীয় মন্ত্ৰীগৰাকীয়ে ৷ ইফালে কোকৰাঝাৰৰ বডোফা নগৰত তেওঁ 33/11 KV 2 × 10 MVA উপ বিদ্যুৎ কেন্দ্ৰ আনুষ্ঠানিকভাৱে মুকলি কৰি অঞ্চলটোৰ দীৰ্ঘদিনীয়া সমস্যা দূৰ হ’ব বুলিও আশ্বাস দিয়ে ।

power substation inaugurated in kokrajhar
কোকৰাঝাৰত বিদ্যুৎ কেন্দ্ৰ মুকলি

লগতে পঢ়ক: চাহ জনগোষ্ঠীৰ সৱলীকৰণৰ বাবে চৰকাৰে গঠন কৰিব 7 খন কমিটী

গুণগত সেৱা প্ৰদানত চাব-ষ্টেচনটোৱে সহায় কৰিব বুলি মন্তব্য কৰি অদ্যপি বিদ্যুৎ সংযোগ লাভ নকৰা 23 হাজাৰ পৰিয়ালক অচিৰেই বিদ্যুতৰ ব্যৱস্থা কৰি দিয়া হব বুলি উল্লেখ কৰে মন্ত্ৰী বিমল বৰাই । এগৰাকী বিধায়কে সেই অঞ্চলত তিনিঘণ্টাহে কাৰেণ্ট থাকে বুলি অভিযোগ দিয়াৰ পাচত তন্ন-তন্নকৈ পৰীক্ষা কৰাত সেয়া এনেই কোৱা বুলি প্ৰমাণিত কৰে মন্ত্ৰীগৰাকীয়ে ৷

power substation inaugurated in kokrajhar
কোকৰাঝাৰত বিদ্যুৎ কেন্দ্ৰ মুকলি

তেওঁ কয় যে, মেৰামতিৰ নামত কেতিয়াবা এঘণ্টা-ডেৰঘণ্টা কাৰেণ্ট নাথাকিব পাৰে, কিন্তু 24 ঘণ্টাৰ ভিতৰত মাত্ৰ তিনিঘণ্টা কাৰণ্টে থকা কথাতো এনেই কোৱা হৈছে ৷ আনহাতে, মুকলি হোৱা বিদ্যুৎ উপ কেন্দ্ৰই কোকৰাঝাৰৰ বিদ্যুৎ সমস্যা দূৰ কৰিব বুলি দাবী কৰে বিটিআৰৰ মুখ্য কাৰ্যবাহী সদস্য প্ৰমোদ বড়োৱে ।

power substation inaugurated in kokrajhar
কোকৰাঝাৰত বিদ্যুৎ কেন্দ্ৰ মুকলি

বিটিআৰ সচিবালয়, কেন্দ্ৰীয় প্ৰযুক্তিবিদ্যা প্ৰতিষ্ঠানকে ধৰি অঞ্চলটোৰ বিদ্যুতৰ সমস্যা দূৰ হোৱাৰ লগতে শীঘ্ৰেই গোসাঁইগাঁৱৰ বিদ্যুৎ সমস্যাও দূৰ কৰা হ’ব বুলি মন্তব্য কৰে মুখ্য কাৰ্যবাহী সদস্যগৰাকীয়ে ৷

লগতে পঢ়ক: শৈক্ষিক পৰিৱেশ পুনৰুদ্ধাৰ সন্দৰ্ভত 34 টা ছাত্ৰ সংগঠনেৰে মিলিত শিক্ষামন্ত্ৰী

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.