ডিফু, ২০ ছেপ্তেম্বৰ: ঘৰুৱা কাজিয়াৰ পৰিণতিত কাৰ্বি আংলং জিলাৰ বকলীয়াঘাটত এক নৃশংস হত্যাকাণ্ড সংঘটিত হয় ৷ প্ৰাপ্ত তথ্য অনুসৰি, বকলীয়াঘাট থানাৰ অন্তৰ্গত ৰজাপথাৰ তিনি আলিত মোবাইল ফোন ৰিচাৰ্জক কেন্দ্ৰ কৰি বিষ্ণু বৰ্মণ নামৰ এজন যুৱকে নিজৰ নবৌৱেক মায়াৰাণী বৰ্মণৰ সৈতে কাজিয়াত লিপ্ত হয় ৷
কাজিয়াই ক্ৰমাৎ চৰম ৰূপ ধাৰণ কৰাত উন্মাদ ৰূপ লোৱা বিষ্ণু বৰ্মনে এডাল চিপৰাঙেৰে নিজ নবৌৱেকৰ মুৰত উপৰ্যুপৰি প্ৰহাৰ কৰে ৷ দেওৰেকৰ প্ৰহাৰত গুৰুতৰভাবে আহত মহিলাগৰাকীয়ে নিজ গৃহতে মৃত্যুক সাৱটি লয় ৷ আহত অৱস্থাত মহিলাগৰাকীৰ চিকিৎসাৰ কোনো ব্যৱস্থা কৰা হোৱা নাছিল বুলি অভিযোগ উত্থাপিত কৰিছে মায়াৰাণী বৰ্মণৰ নিজৰ মাতৃৰ লগতে আত্মীয়ই ৷
লগতে পঢ়ক: শিৱসাগৰ সমষ্টিৰ সামগ্ৰিক উন্নয়নক লৈ তৎপৰ অখিল গগৈ
হত্যাকাণ্ড সংঘটিত কৰিয়েই বিষ্ণু বৰ্মনে পলায়নৰ চেষ্টা কৰে যদিও আৰক্ষীয়ে পাচত বিষ্ণুক আটক কৰিবলৈ সক্ষম হয় ৷ উল্লেখ যে, দুটি কণ কণ শিশুৰ মাতৃ মায়াৰাণী বৰ্মণৰ হত্যাকাণ্ডৰ সময়ত স্বামী কৰ্মসূত্ৰে নাগালেণ্ডৰ ডিমাপুৰত আছিল ৷
লগতে পঢ়ক: চাৰিদুৱাৰত এনকাউন্টাৰ: ভৰিত গুলী লাগি গুৰুতৰভাৱে আহত ড্ৰাগছ সৰবৰাহকাৰী
